Rēhitatanga NCEA 2021

Kua kati katoa ngā rēhita mō ngā paerewa aromatawai-ā-waho, ka tūwhera anō a te Pipiri 2022.

Me pēhea taku tirotiro ki aku hua o te tau 2021?

Takiuru ki te NZQA urunga tauira.

• Ko ngā hua mai i ō aromatawai NCEA a-roto, a-waho hoki ka wātea ki tō Rekoata Paetae i te pito, mutunga rānei o te marama o Hānuere, ka uru hoki ngā whakawhiwhinga o ngā tohu.
• Ka kitea hoki ngā hua karahipi a Aotearoa i runga i tō Rekoata Paetae hei te Pēpuere.

E ngaro ana ētehi hua o roto?

Mehemea e ngaro ana ētehi hua o roto nō te tau 2021 i tō Rekoata Paetae i te marama o Hānuere, tēnā waea atu ki tō kaiako mō taua kaupapa, i mua tonu i te pito o Pēpuere.

Me pēhea e kite ai au i aku whakautu mō te whakamātautau 2021?

E kite ai koe i ō whakautu mā te hono atu ki tō urunga ākonga NZQA, Nā te mea he pukapuka whakamātautau te momo o ngā whakamātautau e kore e whakaaetia kia whakahoki mā te mēra. (Hāunga atu i ngā whakamātautau Karahipi).

Mehemea i noho koe i ō whamātautau mā te ipurangi, ka taea e koe te tiro ki ō māka i konei.

Ko ō whakautu katoa ka wātea i runga i te ipurangi tae noa ki te Pipiri 2022.

Ki te kore koe e whakaae ki te hua ō tō Whakamātautau?

Ka whai waahi atu koe ki te tono mō te arotake, te whakaaro anō rānei. Mehemea i noho koe i tētehi o ō whakamātautau mā runga i te Ipurangi, ka taea e koe te tono mō tētehi arotake, whakaaro anō hoki.

Ki te hiahia koutou i tētehi kape whaimana ō tō tohu, Rekoata Paetae rānei?

Tēnā peka atu ki te whārangi ipurangi a NZQA, Takiuru atu mā te NZQA urunga ākonga mā reira koe e tono atu mō ngā tohu nei (Kāore he utu). Ko ā mātou kupu ki te hunga e hiahia ana i ēnei tohu kia tatari mō te marama o Māehe (I te wā kua oti katoa ngā mahi arotake/whakaaroarotanga whakamātautau te māka) Nā te mea $15.30 te utu mō ngā kape ka whai ake.

Ki te hia āwhina?

Me he pātai/āwangawanga ōu, ki te hia āwhina rānei, tēnā whakapā atu ki tō kaimanaaki, ki tā mātou ohu tohu rānei 0800 65 99 88.