Rōpū kaihautū matua

Mike Hollings, Tumu Whakarae

Neke atu i te 30 tau e mahi ana a Mike i te rāngai mātauranga, mai i ngā mahi whakaako ki te whakahaere, te whakawhanake kaupapahere me te arotake.

Mai i te tau 2006 e mahi ana hei Tumu Whakarae o Te Kura. I mua i tana tīmatatanga ki te mahi i Te Kura, ko Mike te Kaiwhakahaere ā-Motu mō te Tātari me ngā Kaupapahere i Te Tari Arotake Mātauranga, ko āna kawenga i reira ko te aromātai i te kounga o te mātauranga i ngā kura o Aotearoa, ā, ko ia te Tumu Whakarae whakakapi i waenga i Pipiri 2005 me Haratua 2006.

Ko ia te Tumu Whakarae o te Māngai Pāho i te 1996 ki te 1999, ā, i mahi ia i ētahi tūnga whakahaere i Te Puni Kōkiri.

Kei roto i ērā atu o ana tūnga rāngai mātauranga ko te Kaiwhakahaere o te Whakamahere me te Whakawhanake i te Kuratini Hapori o Wairarapa, te Kaiwhakahaere Kaupapahere o Te Wāhanga Māori i Te Tāhuhu o Te Mātauranga, he pūkenga i Te Whare Wānanga o Waikato me te Kāreti Akoranga o Kiririroa i ārahi ai ia i te whanaketanga o ngā hōtaka mātauranga reorua i aro ki te whakarauora i te reo Māori mā te mātauranga.

He Māori ia nō Ngāti Raukawa, ā, nāna i kōkiri te whakatūnga o Te Kōhanga Reo me ngā Kura Kaupapa Māori i roto i tōna hapori.

Viv Rogers, Tumu Whakarae Tuarua – Ngā Mahi Whakahaere me ngā Whakatutukinga

Ko tā Viv he ārahi i te wāhanga Pūnaha me te Tautoko, tērā ka whakarato i ngā mahi matua o ngā wāhanga Ahumoni, te Rōpū Rauemi Mōhiohio me ngā Pūmanawa Tangata. E mahi ana te wāhanga ki te whakarato i ngā pūnaha me ngā mahi hou, whai utu hoki hei tautoko i ngā whakaarotau rautaki a Te Kura. He wāhanga te hauora, haumaru me te oranga o ō tātou kaimahi o ā mātou mahi katoa.

Te Rina Leonard, Tumu Whakarae Tuarua – Rangahau, Aromātai me te Hoahoa

Ko tā Te Rina he ārahi i te wāhanga Ako, Hoahoa me te Aromātai. Kei roto i tēnei ko ngā rōpū Tautoko mō te Akonga me te Whānau, Panoni Taiohi, Ratonga Auaha me te Tautoko Tuihono. Me whakarite e tēnei wāhanga kei te tūnga pai rawa ka taea Te Kura hei urupare ki ngā hiahia o ngā ākonga me ngā whānau. Ka whai wāhi ki tēnei te aromātai i te tōtika o ngā hōtaka Te Kura o nāianei, te rangahau whai wāhitanga matihiko me te tūtohu rautaki mō ngā aronga ā muri atu me ngā whakapainga. Kei roto i ngā hōtaka matua ko te whakatinana puta noa i te kura i te ako Tirohanga Whānui, te whakawhanake me te whakatinana i te Rautaki Reorua, me te arotake me te whakatinana o ngā kōkiri ka whakapai ake i te whai wāhi me ngā paetae a ngā ākonga me ngā whānau Māori, Moananui-a-Kiwa anō hoki.

Regan Dooley, Kaitohutohu Matua, Rautaki

He whakarato tohutohu rautaki tā Regan mō te whānuitanga o ngā take mātauranga me ētahi atu take, tae atu ki te whakawhanake kaupapahere, te whakahaere mōrea me te tautuku ki ngā ture. Ko tāna anō hoki he whakahaere i ngā mahi whakawhitiwhiti a te kura me te urupare ki ngā tono mōhiohio me ngā amuamu. E whakarite ana anō hoki a Regan kia whai ngā mahi whakamahere me te tuku pūrongo i te ara tika, me te whakarite kia takoha atu ēnei ki te pikinga ake o ngā whakatutukinga a te kura e pā ana ki te whakaako me te ako, te whai wāhitanga a ngā ākonga, ā, i te mutunga iho, ki ngā paetae ākonga. E whakarato tohutohu ana hoki ki te Poari Kaitiaki.