Te Matatapu

E whakaritea ana kia kohikohi mōhiohio whaiaro a Te Kura mai i ngā ākonga hei tautuku ki ngā whakaritenga a Te Tāhuhu o Te Mātauranga me te Ture Mātauranga 1989. Ka whakamahia aua mōhiohio mō:

Ka whakarato pea te kura i aua mōhiohio ki rōpū kē mēnā e whai pānga ana ki te mātauranga, hauora, oranga, haumaru rānei o te ākonga, i te wā whakauru ki Te Kura, me muri atu anō hoki. Kei roto i aua rōpū kē:

Ka whakaratohia pea hoki te ingoa ākonga, te tau tuakiri me te wāhitau īmēra ki ngā kaiwhakarato tuihono ki te whakangāwari i te rēhita ki ā rātou paetukutuku. Mā te tuku tono whakauru, ka whakamana te ākonga i te kura ki te whakarato i ngā mōhiohio whaiaro pēnei ki rōpū kē e ai ki te tauākī tūmataitinga.

Te whai wāhi a ngā matua me ngā kaitiaki ki ngā mōhiohio

I raro i te Ture Mātauranga 1989 me Ngā Aratohu Whakahaere ā-Motu, kua whai motika ngā mātua me ngā kaitiaki ki te uru ki ngā mōhiohio e pā tika ana ki ngā take e pā ana ki te mātauranga o ā rātou tamariki.

Ngā mōhiohio whaiaro mō tētahi ākonga

I raro i te Ture Matatapu 1993, ka ahei Te Kura te tuku i ētahi atu mōhiohio whaiaro e puritia ana e Te Kura mō tētahi ākonga ki taua ākonga anake. Ka tukuna anake ngā mōhiohio whaiaro mō tētahi ākonga ki rōpū kē, tae atu ki ngā mātua me ngā kaitiaki, me te whakaaetanga ā-tuhi a te ākonga, i ngā wā hoki e kī ana te Te Ture Matatapu ka whakaaetia tētahi aweretanga.

Te tonu urunga/te whakatika rānei i ngā mōhiohio whaiaro

Kei te ākonga te motika ki te uru atu me te tono whakatikanga ki ngā mōhiohio whaiaro e puritia ana e te kura mā te tuku tono ā-tuhi ki te Āpiha Matatapu o te kura.

Ko ērā atu tono mōhiohio whaiaro mō tētahi ākonga kāore e āta hāngai ki tōna mātauranga me tuku mā te tono ā-tuhi ki te Āpiha Matatapu o te kura

Te whakarato mōhiohio ki ngā kaiwhakarato mātauranga tuihono

E piki tonu ana ā Te Kura mahi whakangāwari i te urunga a āna ākonga ki te whānuitanga o ngā kaiwhakarato mātauranga tuihono e whakarato ana i ngā hōtaka me ngā rauemi e uaratia ana e āna ākonga. Kua hoahoatia aua paetukutuku mō te Marautanga o Aotearoa me te NCEA, ā, e tūtohu ana a Te Kura i aua pae ki ā mātou ākonga nō te mea ka whakarato rauemi ako ka turuki pea i ngā akoranga a Te Kura. Ka whakapau kaha a Te Kura ki te whakaū kua whai kaupapahere tūmataitinga pakari aua kaiwhakarato, ā, e haumaru ana mō te tautiaki raraunga whaiaro.

Hei whakangāwari i te urunga ki aua kaiwhakarato, ka tukuna e Te Kura ki te kaiwhakarato te ingoa, te tau tuakiri me te wāhitau īmēra o ia ākonga e whakaurua ana ki ngā akoranga whai pānga. Kātahi ka īmēra atu te kaiwhakarato i ngā tohutohu rēhita ki te ākonga. Ehara te rēhitatanga i te whakature. Mēnā kāore te ākonga e pīrangi ki te rēhita, kāore ia e mate ki te pērā.

Me tuku īmēra ki curriculum@tekura.school.nz ērā ākonga kua whai pātai, āwangawanga, urupare rānei mō aua kaiwhakarato mātauranga tuihono, ngā pae, te tukanga rēhita rānei.