Ngā mahi tuatahi

Kua hangaia he tomokanga whakaurunga ohorere hou ki te āwhina i ngā ākonga (students) kua pāngia e ngā raruraru Kowheori-19.

Haere tonu ki te pānui mō

Ka whakarato a Te Kura i te tino whānuitanga o ngā ākoranga ki ngā ākonga māraurau kua rēhita paparuatia e taetae ana ā-tinana ki tētahi atu kura, ki te Mātauranga Kē, tētahi Whare Matua Taiohi rānei.

He whaihua ngā whakaakoranga paparua mō te whakawhānui i te āheitanga marautanga, te urutaunga marautanga rānei mō ngā ākonga. Ā tā mātou hanga hononga pātui me tētahi atu kaiwhakarato mātauranga, mā mātou e whakaū tētahi whakaaetanga pātuitanga kaiwhakarato paparua, tērā e whakatakoto ka pēhea tā mātou mahi tahi mō ā tātou ākonga.

Me whai āheitanga ki te rēhita paparua te ākonga ki Te Kura

Ki a mātou nei, tērā tonu pea ka nui ake te tūponotanga ka angitu ngā ākonga paparua ina whakatū te kura whakauru i tētahi kairuruku kura māna e kawe te ruruku rēhitanga, e whakarite kia whai urunga ngā ākonga ki ngā rauemi e hiahiatia ana, e whakariterite anō hoki te whakatirotiro i a rātou me ngā tautoko ākonga. Ina tatū ēnei i tō rātou kura kei reira ā-tinana, ina rite tonu tā rātou tāpae mahi kia aromatawaia, ina pai te whakawhitiwhiti ki ngā kaiako marau o Te Kura, ka tutuki i ngā ākonga ā rātou whāinga ako.

E whakarato tuihonotia te nuinga o ā mātou akoranga, mā tō mātou taiao ako tuihono, mā Tōku Kura, ā, ka turukihia ki ētahi atu kaiwhakarato mātauranga tuihono. Me whai urunga e tirotirohia ana ngā ākonga ki tētahi pūrere tōtika me te hononga ki te ipurangi.

Kite kōrero anō mō te ako tuihono.

Kia noho tonu ai tōna ingoa ki tā mātou rārangi ingoa, e ai ki Te Tāhuhu o Te Mātauranga, kia kotahi i te iti rawa te tāpaetanga mahi kia aromatawaia e te ākonga paparua i te marama mō ia marau i whakaurua ai ia.

Me whiwhi whakaaetanga i te matua, kaitiaki rānei o te ākonga kia rēhitatia tana ākonga me Te Kura.

Me whakarite kia tino mārama te ākonga rēhita ki te āhua e mahia ai ana mahi ako mā Te Kura, ki te whakaritenga hoki me rite tonu ana whakahokinga mahi kia aromatawaia e te kaiako. Mā tā mātou uiuitanga mō mua i te whakaurunga koe e āwhina me tēnei.