Ngā mahi tuatahi

Ka whakarato a Te Kura i te tino whānuitanga o ngā ākoranga ki ngā ākonga māraurau kua rēhita paparuatia e taetae ana ā-tinana ki tētahi atu kura, ki te Mātauranga Kē, tētahi Whare Matua Taiohi rānei.

Mō te rēhita tuihono i tētahi ākonga paparua, haere ki tā mātou Pūnaha Whakauru a Te Kura (TES) ka toro rānei i te whārangi Rēhitanga kia kite i ētahi kōrero anō.

E whakarato tuihonotia ana te nuinga o ā mātou akoranga, nā reira me whiwhi urunga ngā ākonga ki tētahi pūrere tōtika me te urunga ki te ipurangi.

Ki a mātou nei, tērā tonu pea ka nui ake te tūponotanga ka angitu ngā ākonga paparua ina whakatū te kura whakauru i tētahi kairuruku kura māna e kawe te ruruku rēhitanga, e whakarite kia whai urunga ngā ākonga ki ngā rauemi e hiahiatia ana, e whakariterite anō hoki te whakatirotiro i a rātou me ngā tautoko ākonga. Ina tatū ēnei i tō rātou kura kei reira ā-tinana, ina rite tonu tā rātou tāpae mahi kia aromatawaia, ina pai te whakawhitiwhiti ki ngā kaiako marau o Te Kura, ka tutuki i ngā ākonga ā rātou whāinga ako.

Kia noho tonu ai tōna ingoa ki tā mātou rārangi ingoa, e ai ki Te Tāhuhu o Te Mātauranga, kia kotahi i te iti rawa te tāpaetanga mahi kia aromatawaia e te ākonga paparua i te marama mō ia marau i whakaurua ai ia.

Ko Te Kura te kōwhiringa tino pai rawa?

Kāore e pai ana te ako tawhiti ki ia ākonga. I a koe e whakatau ana mehemea ko Te Kura te kōwhiringa tino pai rawa mā tō ākonga, me whai whakaaro ki ēnei.