Te ako tuihono

E whakarato tuihonotia ana te nuinga o ngā akoranga a Te Kura mā tō mātou taiao ako tuihono (mā Tōku Kura). Toro atu ki te wāhanga Te Whakamahi i Tōku Kura kia mōhio ai ka pēhea Tōku Kura e mahi ai.

He ara whakawhaiaro

Kua hoahoatia Tōku Kura ki te whakarato i te wheako ako kua whakawhaiarotia, me te urupare hoki ki ngā hiahia o ia ākonga. I te tīmatanga o te nuinga o ngā akoranga ka oti i ngā ākonga tētahi mahi tātari e āhei ai tōna kaiako te whakatau i te taumata e mahi ana ngā ākonga, me te kōwhiri i ngā kōwae tino tōtika rawa hei aronga mā rātou.

Ngā utauta e hiahiatia ana

Me whai urunga ngā ākonga ki tētahi rorohiko me te ipurangi ki te ako i tō mātou taha. Me mōhio ki ngā utauta e tūtohu nei mātou.

Te tuku i ā mātou kōwae

I ētahi o ā mātou akoranga, tuku kōwae ai ngā kaiako ki ngā ākonga i a rātou e mahi ana i ā ratou mahi. Ko te tikanga, ina tāpaetia e te ākonga tētahi mahi kia aromatawaia mā te pouakataka Tōku Kura, ka tukuna e tōna kaiako te kōwae e whai ake hei mahinga mā te ākonga.

Te Tāpae mahi ki ngā pouakataka Tōku Kura

Ina taea, e whakatenatena ana mātou i ngā kura kia whakarite kia tāpae ngā ākonga i ā rātou mahi i te wā tika mā te pouakataka Te Kura mō ia akoranga. Mā reira e tere ai te whakahoki kōrero i ngā mahi ako e hou tonu ana i te hinengaro o te ākonga, me te aha ka whakaiti i ngā tōmuritanga ka puta i te tuku mahi mā te mēra.

Ko te whakarite, me tāpae e te ākonga kia kotahi te mahi kia aromatawaia ki Te Kura i ia marama hei karo i te tūnga kaiwhakahoki-kore.

Te tuku mahi mā te mēra

He wā anō ko te tuku mahi mā te mēra te ara e manakohia ana. Ka tohua tēnā hei wāhanga o ngā mōhiohio akoranga kei Tōku Kura.

E kawea ana ngā rauemi ā-tā mō ngā marau ako tautoko mā te mēra. Ka taea ngā mahi oti te matawai me te īmēra tika atu ki te kaiako marau ako tautoko, te whakahoki rānei mā te mēra.

Me mōhio anō, kua kore Te Kura e utu i ngā utu mēra mā ngā mahi e tukuna ana e ngā ākonga whakaurunga paparua.

Aku rauemi Tōku Kura

E wātea ana he mōhiohio āmiki atu mō Tōku Kura i tā mātou whārangi Ngā rauemi me ngā hono.