Microsoft Office Koreutu
Kua pātui a Te Kura ki a Microsoft ki te hoatu koreutu i Office 365 kia ia ākonga.
Mā wai e whiwhi?
Me ākonga rawa koe nō Te Kura ki te tikiake i tēnei pūmanawa. Kei a koe te motika whakamahi i a koe e whakaurua ana ki a mātou.
Ka whiwhi i te aha?
Ka whakarato urunga te putanga hou rawa o te Office 365 Pro Plus ki te:
- Word (mō te tuhituhi)
- Excel (mō ngā ripanga kaute)
- PowerPoint (mō ngā whakaaturanga)
- OneNote (mō te whakahaere me te tuhi tuhipoka).
Ka āhei te tāuta i te Office 365 Pro Plus ki ngā rorohiko me ngā Mac hototahi tae atu ki te rima, me ngā papahiko e rima (tae atu ki te īPapa). I tua atu, ka taea te whakamahi i te Microsoft OneDrive ki te tukutahi aunoa i ō pūrere katoa.
Me pēhea te tiki
Me whakatatū rawa koe i tō pūkete īmēra Te Kura i mua i tō tikiake i te pūmanawa Microsoft.
- Huakina tō pūtirotiro tukutuku ka here ki te whārangi takiuru Microsoft
- Tāurua ō kōrero Toku Kura:
- Wāhitau īmēra: Ingoatuatahi.Ingoawhānau@tekura.school.nz.
- Kupuhipa: Te tau Tuakiri Ākonga Te Kura
- Ko tā mātou tūtohu, me huri tō kupuhipa ā muri i te takiuru tuatahi.
- Mai i konei ka taea:
- Te tikiake i Microsoft Office 365 ki tō rorohiko
- Te uru ki ngā taupānga tukutuku tuihono Microsoft.
Whāia ā mātou tohutohu māmā ki te tikiake i Office, ka toro rānei i te paetukutuku Microsoft mō ngā kōrero anō me te hono tikiake.
Ki te rarua tō takiuru, īmēratia a mslicenses@tekura.school.nz.