Ko wai ka āhei te whakauru?
Nō te whānuitanga o ngā kapapori ngā ākonga kei te rārangi ingoa a Te Kura. Kei roto ko ngā ākonga:
- nō ngā whānau e noho taratahi ana, nō ngā whānau tipiwhenua, e noho ana rānei i tāwāhi.
- kua whakawetihia, kua mōriroriro, kua aukatia/panaia rānei i tō rātou kura i haere ai ā-tinana
- kua tukuna ki Te Kura e Te Tāhuhu o Te Mātauranga nā ngā raru mate hinengaro, nā ngā hiahia hinengaro-pāpori
- he māuiui, he mate hauora rānei tō rātou mō te wā roa
- he matea tautoko ako ō rātou
- kua hapū, he mātua taiohi rānei
- kua tukuna e Oranga Tamariki, e Te Ara Poutama Aotearoa rānei
- he kaiaka, kaikanikani, ringa puoro, toa hākinakina, kaiwhakaatu rānei e rangatira ana ā rātou paetae, ā, kāore e taea e rātou ngā ritenga noa o tētahi kura nā ā rātou mahi i waho i te marautanga
- e hiahia ana ki te whai wāhitanga anō ki te whakatutuki i ā rātou tohu kura teitei
- kāore e taea te haere ki tētahi kura kōhungahunga o te takiwā nā te tawhiti me te taratahi, nā te mea kua hipa kē rānei i te tono ngā tūnga e wātea ana i tō rātou rohe.
Ko ērā ākonga kua whakauru kētia ki tētahi kura ka āhei hoki te rēhita ki a mātou mehemea e hiahia ana ki te whai akoranga kāore e whakaratohia e tō rātou kura. E mōhiotia ana aua ākonga hei ‘ākonga paparua’.
E mōhio ai mēnā e āhei koe, tō tamaiti rānei te ako i Te Kura, pānuitia te kaupapahere whakauru a Te Tāhuhu o Te Mātauranga me ā mātou pātau auau, ka kōrero rānei ki tētahi o ā mātou kaitohutohu i te rōpū Tautoko mō te Akonga me te Whānau i te 0800 65 99 88 (kōwhiria te kōwhiringa 1).