Me tīmata tuihono

Mutu mai tō whakarite i ngā mea ka hiahia koe, ko te wā mō te tuihono haere. Ka taea e te Pokapū Ratonga Whānau me te Ākonga koe te āwhina me te nuinga o ngā uiui ahuwhānui, ahakoa e pā ana ki Tōku Kura, ki Google Docs, ki te rorohiko pōnaho rānei he mea tuku e Te Kura. Kaua e takaware tō waea mai, īmēra mai me ō pātai.

Ka āhei te whakapā ki te Pokapū i te  0800 65 99 88 toronga 2 atu i te 8am ki te 5pm i ngā rā kura, mā te īmēra rānei i hub@tekura.school.nz.

He kupu āwhina anō ā te Pokapū mō te takatū i a koe me te whakareri i tō rorohiko kia tīmata ai ō ako tuihono. Tirohia ēnei kei raro nei.

Ngā tino āwhina mō te Pokapū

Ko te pūtirotiro tukutuku tino pai rawa mō te uru ki te taiao ako tuihono a Te Kura (Tōku Kura) ko te Matāmura Kūkara (Google Chrome), ā, he koreutu ki te tikiake.

  1. Huakina tō pūtirotiro o nāianei, ka haere ki te www.google.com/chrome
  2. Pāwhiria te pātene 'Download Chrome'
  3. Whāia ngā tohutohu tāuta

Ka taea te ako me pēhea te tikiake i Matāmura mā tō waea, papahiko rānei mā te Āwhina Matāmura Kūkara.

Ka whakamahi a Te Kura i a Kūkara ki te tūhono i a koe ki ō kaiako me ētahi atu ākonga. Ko tō Pūkete Kūkara he ingoa kaiwhakamahi me te kupuhipa ka taea te whakamahi ki te uru atu ki roto i ngā mea Kūkara katoa

  1. E takiru ai ki tō Pūkete Kūkara Te Kura, haere ki te https://accounts.google.com
  2. Tāurua o kōrero Pūkete Kūkara Te Kura:
    • Wāhitau īmēra: ingoatuatahi.ingoawhānau@tekura.school.nz
    • Kupuhipa: Te tau tuakiri Ākonga Te Kura (i te takiurunga tuatahi anake)
  3. Whakaae ki ngā ture me ngā here.
  4. Ko tā mātou tūtohu, me huri tō kupuhipa ā muri i te takiuru tuatahi
  5. Kua rite tō Pūkete Kūkara Te Kura ināianei.

Ka whiwhi ngā ākonga Te Kura katoa i tētahi pūkete īmēra Microsoft i muri tata iho i tā rātou whakaurunga.

Kua pātui a Te Kura ki a Microsoft ki te hoatu koreutu i Office 365 kia ia ākonga. Me whakatatū rawa koe i tō pūkete īmēra i mua i tō tikiake i te pūmanawa Microsoft.

  1. Huakina tō pūtirotiro tukutuku ka here ki te whārangi takiuru Microsoft
  2. Tāurua ō kōrero Toku Kura:
    • Wāhitau īmēra: Ingoatuatahi.Ingoawhānau@tekura.school.nz.
    • Kupuhipa: Te tau tuakiri Ākonga Te Kura (i te takiurunga tuatahi anake)
  3. Ko tā mātou tūtohu, me huri tō kupuhipa ā muri i te takiru tuatahi.
  4. Mai i konei ka taea:
    • Te tikiake i Microsoft Office 365 ki tō rorohiko
    • Te uru ki ngā taupānga tukutuku tuihono Microsoft.
  1. Haere ki te whārangi takiuru Microsoft
  2. Tāurua ō kōrero īmēra Te Kura:
    • Īmēra: Ingoatuatahi.Ingoawhānau@tekura.school.nz.
    • Kupuhipa: Te tau tuakiri Ākonga Te Kura (i te takiurunga tuatahi anake)
  3. Ko tā mātou tūtohu, me huri tō kupuhipa ā muri i te takiuru tuatahi.
  4. Hei tāuta i Microsoft Office ki tāu rorohiko, pāwhiri 'Tāuta Ināianei'
  5. Ka puta mai he pouaka, pāwhiri ki 'Tāuta Ināianei' me te 'Whakahaere'.
  6. Ka kitea he tohutohu i te mata hei whakaoti i te tikiake o te Office 365, ā, i te wā tāuta, ka tonoa koe:
    • kia whakaae ki ngā ture me ngā here (ka whakaritea)
    • kia tīpako tātaitanga (he kōwhiringa)
    • kia kite haere i ngā āhuahira hou o Office (he kōwhiringa).

I te wā tāuta, ka tohutohua koe mō te One Drive (rokiroki tuihono). Ka urua a One Drive mā ngā taupānga tukutuku, ā, hei ākonga nō Te Kura, ka taea e koe te 1 Terapaita o te rokiroki tuihono.

Whāia ā mātou tohutohu māmā kua whai pikitia, ka toro rānei i te paetukutuku Microsoft mō ētahi atu āwhina.

  1. Haere ki te Adobe Acrobat Reader DC.
  2. Me whakaū mēnā e pai ana koe ki te whakaae ki ngā tukunga kōwhiringa, ka pāwhiri i 'Tāuta Ināianei'.
  3. Ina oti te tikiake, huakina te kōnae tāuta ki te tāuta, ka pāwhiri ki 'Whakahere'.
  4. Ina oti te tāutanga, pāwhiri ki 'Whakamutu'.
  5. Ka taea te papatono ināianei te uru mā te pātene Tīmata, te pine ki tō paetūmahi ina tuwhera mā te pāwhiri matau ki te ata me te tīpako i 'Pinea tētahi papatono ki te paetūmahi'.

Ka taea te takiuru mā te paro i runga ake i te hono nei i te kokonga matau o runga i te whārangi me te tīpako i Tōku Kura.

Whakamahia tō tau tuakiri ākonga hei ingoa kaiwhakamahi, hei kupuhipa anō hoki, i tō takiuru tuatahi ki Tōku Kura. Ina takiuru koe ka tonoa ki te tautuhi i te kupuhipa hou.

I a rātou e ako tuihono ana, ka whanake hoki ngā pukenga matihiko o ngā ākonga. Ka whai wāhi ki tēnei te mōhio ki ngā āhua uru tuihono ki ngā mōhiohio me te whakatere i ngā ihirangi e hiahia ana rātou.

He mea nui hoki kia mātau koe ki ngā mōrearea. Ko te haumaru ā-ipurangi te whakamahi i te ipurangi i runga i te haumaru me te haepapa. Mō tōu ake haumarutanga e tūtohu ana mātou kia ako koe me pēhea:

  • ko te tiaki i ō mōhiohio whaiaro ina tuihono
  • te whakaatu i te whanonga pai ki ētahi atu ina tuihono
  • te mōhio me te whakahaere i ngā āhuatanga kei reira pea he mōrearea
  • te whakawāwā i te pono o ngā rauemi e kitea ana i te tukutuku.

Ka whakarato te paetukutuku Netsafe, www.netsafe.org.nz, i ngā kupu āwhina ki ngā tāngata ahakoa he aha tō rātou pakeke.

Ka taea hoki te tiro i te aratohu Noho Haumaru Ina Tuihono mō ngā tohutohu me ngā kupu āwhina mō te noho haumaru tonu ina tuihono.

Ko te mea nui rawa, me kōrero ki tō whānau mō ō ako tuihono. Me kōrerorero i ngā wero iti kei mua i a koe i tō huarahi ako tuihono. Mā te pēnā, ka tere ake pea tā rātou āwhina i a koe ina tūpono mai tētahi mea taimaha