Te Whakamahi i Tōku Kura

Ki te ako tuihono koe, he nui ngā wā ka pau i Tōku Kura. Ko Tōku Kura tā mātou taiao ako tuihono. Koia te wā e urua ai ō mahi, e whai wāhi ai koe ki ngā kōrerorero, e mahi ai i ngā kai roro ki te ine i tō ako, e whitiwhiti kōrero ai ki tō kaiako, me te maha noa atu.

Mā te mahi tuihono ka taea te uru ki ō rauemi ako i ngā wāhi katoa i ngā wā e hiahiatia ana. Ka whai wāhi pea ētahi atu kaiwhakarato mātauranga tuihono ki ngā rauemi ako. Ka taea te mahi i tōu ake tere me te tere whiwhi whakahokinga kōrero i tō kaiako.

Kite kōrero anō mō te ako tuihono.

Mēnā kāore anō koe kia whakauru mai ki a mātou, e tūtohu nei kai tiro koe i te whakakite Tōku Kura.

Me tīmata i Tōku Kura

Takiuru ki Tōku Kura

Ka taea te takiuru mā te paro i runga ake i te hono nei i te kokonga matau o runga i te whārangi me te tīpako i Tōku Kura.

Ingoa kaiwhakamahi me te kupuhipa

Whakamahia tō tau tuakiri ākonga hei ingoa kaiwhakamahi, hei kupuhipa anō hoki, i tō takiuru tuatahi ki Tōku Kura.

Ina takiuru koe ka tonoa ki te tautuhi i te kupuhipa hou.

I wareware tō kupuhipa/te huri rānei i tō kupuhipa

Mēnā kua warewaretia tō kupuhipa, mēnā kei te hiahia ki te huri, pāwhiria te hono 'kupuhipa wareware' kei te taha o raro o te mata takiuru.

Ka tukuna he hono tautuhi kupuhipa anō ki te wāhitau īmēra i tukuna ki a mātou.

Ko te pūtirotiro me whakamahi

Ka taea te takiuru ki Tōku Kura mā ēnei pūtirotiro:

  • Matāmura Kūkara (Google Chrome)
  • Pokihamura (Firefox)
  • Raowao (Safari)

Kaua e whakamahi i te Pūhōpara Ipurangi (Internet Explorer) nā te mea e kore e whakaatu mai i ngā mea katoa ka hiahiatia.

Mōhio haere ki te whakamahi i Tōku Kura

Ā tō takiuru tautahi, me waia haere ki Tōku Kura mā te torotoro i ‘Te Pokapū’. Mā tēnei e āwhina kia tere mōhio koe ki ngā āhuatanga o Tōku Kura.

Ka hia āwhina koe?

Ka taea e te Pokapū Ratonga Whānau me te Ākonga koe te āwhina me te nuinga o ngā uiui ahuwhānui, ahakoa e pā ana ki Tōku Kura, ki Google Docs, ki te rorohiko pōnaho rānei he mea tuku e Te Kura. Kaua e takaware tō waea mai, īmēra mai me ō pātai.

Ka āhei te whakapā ki a rātou mā te 0800 65 99 88 kōwhiringa 2 atu i te 8am ki te 5pm i ngā rā kura, mā te īmēra rānei i hub@tekura.school.nz.

Me whakarite kei a koe tō ingoa me tō tau tuakiri ākonga.