Te Oranga

Kiwisport

E wātea ana he pūtea mā te KiwiSport mō te āwhina i ngā ākonga o Te Kura ki te whai wāhi ki te whānuitanga o ngā hākinakina me ngā ngohe whakakori tinana. He kōkiri nā te kāwanatanga te Kiwisport ka whakatairanga i ngā hākinakina mō ngā tamariki haere ki ngā kura.

Mā wai e whiwhi?

E wātea ana he tahua mō:

Ka whiwhi i te aha?

Ka whiwhi tahua pea tae atu ki te $150 ki ngā mematanga o ngā whare whakakori tinana, o ngā puna kaukau, o ngā karapu hākinakina, ki te maha atu o ngā mahi whakakori tinana tae atu ki te hipihope, te waka ama, ngā mahi ā-waho i ngā rā hui me te maha noa atu – ahakoa kaore e taea te utu i tētahi ngohe e mahi kētia ana e koe.

Ka āhei hoki te tono tahua ki ngā terenga Spirit of New Zealand.

Ki te whai wāhi koe ki ngā whakataetae hākinakina kura tuarua ka māraurau ki te whiwhi tahua mō te utu whakauru. Mā mātou hoki e tuku he kākahu kura hei mau māu mēnā he kaitākaro koe mō Te Kura.

Kāore Ngā Tohu Duke of Edinburgh Hillary e utua ana e KiwiSport, ā, kāore Te Kura e ruruku pūtea mō taua tohu.

Me pēhea te tono

Kōrero ki tō kaitohutohu ako mēnā e aro ana koe ki te tono tahua Kiwisport.

Ngā hono oranga

Kei konei ā mātou kaitohutohu ako hei āwhina. Mēnā he raru tōu e pā ana ki ō mahi ako me whiwhi tautoko, tēnā whakamōhiotia mai. Ahakoa kāore pea e taea te āwhina tika i a koe, ka taea pea te tuku i a koe ki tetahi atu māna pea koe e awhina.

Tēnā pea ka āwhina i a koe ētahi o ngā hono kei raro.

Ko te Skylight he tarahiti kaupapa aroha ā-motu ka āwhina i ngā tamariki, ngā rangatahi, ō rātou whānau me ō rātou hoa ki te puta ora atu i ngā wā whētuki, whakamomori me te pōuritanga.

He hōtaka āwhina whaiaro ā-rorohiko a SPARX kua hoahoatia mā ngā tamariki 12–19 ō rātou tau hei āwhina i a rātou kua pāngia ki te hākerekere, te pāpōuri rānei, mēnā he anipā, he pōkaikaha rānei koe.

He paetukutuku The Lowdown hei āwhina i te hunga rangatahi o Aotearoa ki te tautohu me te mātau ki te pāpōuri, te anipā rānei. He kōrero āwhina kei tēnei pae mō te anipā, te pāpōuri (me ētahi atu take e pā kino ana ki a koe, pēnei i te wehe i te kura, te noho rata ki ō mātua) tae atu ki:

He ratonga whakamahereora koreutu a What’s Up? mā ngā tamariki me ngā rangatahi. Kei te paetukutuku ngā tino kupu āwhina mō te whānuitanga o ngā taumahatanga e waea nuitia ai rātou, tae atu ki te whakaweti, te mokemoke, te whakarekereke whānau, ngā hononga me te pāpōuri.

He pokapū ture hapori koreutu te Youth Law mā ngā tamariki me te hunga rangatahi puta noa i te whenua. He wāhi pai tēnei mō te mōhio haere ki ō motika me te ture.

Ka mahi tahi a Youthline me ngā tāngata ahakoa ō rātou āhuatanga, ahakoa ngā ahurea, ahakoa he aha ngā mea e haere ana i ō rātou ao. Whakapā atu ki a rātou me ō āwangawanga – he mea nui, iti rānei – mā te pātuhi, te īmēra, te waea, ā-tinana rānei.