Te Mātauranga Kōhungahunga

He koreutu te ratonga mātauranga kōhungahunga a Te Kura e whakarato ana i ngā hōtaka kua whakawhaiarotia ki ngā tamariki e rua ki te ono ō rātou tau. Kua hoahoatia e ngā kaiako mātauranga kōhungahunga kua rēhita e noho ana i Te Whanganui-a-Tara.

http://www.youtube.com/watch?v=KRxYjj10N5U

Ka mahi tahi ā mātou kaiako me tō whānau mā te whakamahi i te marautanga Aotearoa mātauranga kōhungahunga, mā Te Whāriki, hei hanga me te whakawhanake i tētahi hōtaka ako takitahi mā tō tamaiti

Ngā rauemi

Ka tukuna ki a koe te whānuitanga o ngā rauemi ako mā te mēra, kei roto ko ngā pukapuka, ngā panga, ngā kēmu, ngā kōpae puoro me ngā kōpae ataata. Ko ētahi o ēnei mā tō tamaiti e pupuri.

Ngā ariā me ngā mōhiohio

Ka whiwhi mōhiohio koe mō te whanaketanga tamaiti, me ngā ariā mō ngā ngohe tākaro me ngā wheako ako mā tō tamaiti.

Te hangarau tuihono

Ka urua tuihonotia atu e kōrua ko tō tamaiti ētahi o ana rauemi ako mā te whakamahi i Te Kura. Ko Tōku Kura tā mātou 'taiao ako tuihono'. Ka mahi tahi kōrua ko tō kaiako ki te komokomo i te ako tuihono ki roto i te hōtaka o tō tamaiti.

Kite kōrero anō mō te ako tuihono.

Te tautoko riterite tonu

Ka taea e kōrua ko te kaiako o tō tamaiti te whakapā tonu mā tā mātou tau waea koreutu, te īmēra, ngā reta me tō tuakiri tuihono, Storypark. Nau mai ki te tari o Te Kura ki te tūtaki i tō kaiako, ki te taea e koe.

Ngā rā hui

Ina taea, ka whakatūria he hui kotahi rā te roa huri noa i te whenua e āhei ai koutou ko ō tamariki te tūtaki i ngā kaiako Te Kura me ērā atu whānau e noho ana i tō takiwā.

Ngā tukunga ā-marama mā te mēra

Ko te tikanga ka whiwhi koe i ngā mahi e whā wiki te rahi i te wā kotahi. Ka aromatawai te kaiako o tō tamaiti i ngā mahi kua whakahokia mai me te tuku i tētahi hōtaka ako hou, kua whakawhāitihia ki ngā kaingākautanga ako me ngā hiahia ako o tō tamaiti. Ko te tikanga ka tuhia te rā whakahoki i runga i te pepa tākupu.