Pōkaitahi mō te Kaiāwhina Kaiako

Kua whai hononga pātui a Te Kura ki Te Kuratini Tuwhera o Aotearoa e āhei ai ngā kaitirotiro o ngā ākonga wā kikī, ākonga kōhungahunga rānei ki te whai i tētahi akoranga mō te Pōkaitahi mō te Kaiāwhina Kaiako mō te utu i āta whakahekea.

Mā taua hōtaka e tuku te whai wāhitanga kia hōhonu ake tō mātau me pēhea te tautoko i ngā akoranga a tō ākonga. He hōtaka whai whiwhinga Taumata 4 kua whakamanatia e te NZQA.

Ngā whakaritenga mahi

Mā te kaitirotiro o ngā ākonga Tau 1–8

Ka tutuki ngā whakaritenga mahi mō te hōtaka i ō mahi hei kaitirotiro Te Kura mō ngā ākonga Tau 1–8, heoi anō ko tā mātou e tūtohu nei me tae mai koe i ō mātou rā hui i tō rohe i a koe e ako ana mō te pōkaitahi. E tūtohu nei anō hoki, me whakapau wā koe i tētahi kura tuatahi, kura waenga rānei e mātakitaki ai, e pāhekoheko ai ki ngā rōpū tamariki.

Mā te kaitirotiro o ngā Ākonga Tau 9 neke atu hoki

Mēnā kei te tirotiro i te ākonga Tau 9 neke atu rānei, me oti i a koe ngā whakaritenga mahi o te hōtaka mā tētahi kura tuatahi, kura waenga rānei.

Rapua he kōrero atu anō

Haere ki Te Kuratini Tuwhera o Aotearoa mō te Pōkaitahi mō te Kaiāwhina Kaiako (Taumata 4).

Ka taea hoki te whakapā ki Te Kuratini Tuwhera o Aotearoa mā te waea koreutu 0508 650 200, mā te īmēra rānei ki customerservices@openpolytechnic.ac.nz.

He kupu tautoko

I koa ahau i taku kitenga ehara te whai i te akoranga Kaiāwhina Kaiako i te mahi whakapāhunu, ā, ki te tāpuitia tae atu ki te haora kotahi ia rā i taea e au te tuku ngā wehenga mahi i te wā tika. I taea inamata te whakatinana ētahi wāhi o ngā ihirangi o te akoranga i ako au, ā, i tino awhina tērā i te whanaketanga o aku tikanga whakaako me ngā mahere wātū. He tino āwhina tēnei akoranga nā te whakarato i ngā hono ki ngā rauemi whaitake mō ngā wāhanga ako rerekē, me ētahi atu whakaruruhau mō te tautoko haere tonu. Kua tino hiamo aku tamariki kua whai tohu whakaako tō rātou pāpā!

Carl, kaitirotiro

He maha ngā tau kua hipa mai i taku akoranga tōmua, nō reira he uaua ki a au te hoki anō ki ngā ritenga ako i te tīmatanga, engari i te otinga o ia wehenga mahi, i te whiwhinga hoki o ngā whakahokinga kōrero i taku kaiako me te kaitohutohu kaitirotiro o Te Kura, ka piki haere tonu taku māia. Kua whai hua tēnei pōkaitahi i aku mahi tirotiro ia rā i tāku tamaiti me ngā wero i mua i a ia hei ākonga. I muri i te whiwhinga i te tohu rā he pārekareka ki a au te tautoko i ētahi atu kaitirotiro me ētahi atu ākonga. I para hoki i te huarahi ki ētahi atu akoranga ōku hei ākonga pakeke i Te Kura. I ako au i te Hangarau Matihiko, nā whai anō ka māia ki te mahi hei ringa takatā mō te pānui tirotiro. Kua ruku hoki ki roto i ētahi atu paetuktuku ako koreutu hei whakapakari i ōku pūkenga i ētahi atu marau matua. Tēnei au e whakatītina ana i ērā atu kaitirotiro ki te whai i te tohu Kaiāwhina Kaiako nā te nui o ngā hua ka puta. Arā hoki ngā kaimahi o Te Kura me ngā hoa akoranga hei āwhina i a koe i tō huarahi ako.

Dianne, kaitirotiro