Te Utunga Tautoko Ākonga

E wātea ana he utunga tautoko ākonga ki ērā kaitirotiro māraurau he rite tonu te tāpae mahi o ā rātou ākonga. E whakaratohia ana tēnei utunga e Te Tāhuhu o Te Mātauranga, ā, e whakahaeretia ana e Te Kura.

Me pēhea te āhei atu

Kia āhei ai ki te utunga tautoko ākonga, me tuhi rawa tō ingoa hei kaitirotiro i runga i te kōtaha o tō ākonga, ā, kia tutuki ēnei paearu katoa i tō ākonga:

Ko wai mā kāore i te kapi?

Kāore he utunga atu ki ērā kaitirotiro o:

Ngā wā utu

Ka mahia e rua ngā utunga ia tau mā te whakatakoto horipū ki te pūkete pēke nāu i kōwhiri. Ki te ea ngā whakaritenga katoa, ka utua i Hōngongoi mō te haurua tuatahi o te tau (Paengawhāwhā ki te mutunga o Pipiri), ā, i Hakihea mō te haurua tuarua (Hōngongoi tae atu ki te mutunga o Whiringa-ā-rangi).

Kāore e mahia ngā utunga mō te haurua tuatahi o te tau ā muri i te mutunga o Hakihea i taua tau anō. Kāore e mahia ngā utunga mō te haurua tuarua o te tau ā muri i te Haratua o te tau ka whai ake.

Ngā rahi utunga haurua tau

Ki te ea ngā whakaritenga katoa, e pēnei ana ngā utunga haurua tau.

Te whiwhi i te utunga

Ka tukuna te utunga ki te kaitirotiro o te ākonga i te wā e whakahaeretia ana te utunga. Ko te mate kē, kāore e taea te wehe utunga mēnā kua panonitia te kaitirotiro i roto i te wā utunga.

Ki te kore i a mātou ō taipiropiro pūkete pēke me whakakī i te pukaiti kōrero pūkete pēke ka waea mai rānei i te 0800 65 99 88.