Tō tūnga

Ko te whakarite, me kōhari he kaitohutohu mā ia ākonga wā kikī, ia ākonga kōhungahunga hoki e wātea ana ki te āwhina i a ia puta noa i te rā. Ko te tikanga, he matua, he whanaunga tata rānei tēnei.

Ngā mahi matua

Hei kaitirotiro he hira tō tūnga tautoko i ō ākonga me te āwhina i tā rātou whakawhanake i ngā pūkenga me te mātauranga kia mahi ai hei ākonga wehe kē. Ko te tūmanako nei, māu ēnei ratonga e whakarato.

Te whakarato wāhi ako tōtika

Ka hiahia tō ākonga i te taiao ako e tutuki ai ōna hiahia ā-tinana, pēnei i te wāhi wātea e mahia ai āna mahi, te tūrama pai me ngā rauemi tuhituhi e pai ana.

Me whakarite kei tō ākonga ngā utauta e hiahia ana ia.

Me whai rorohiko tō ākonga me te hononga atu ki te ipurangi. Tirohia tā mātou rārangi arowhai hei whakarite kei a ia ngā mea katoa e hiahiatia ana.

Tautokona ngā akoranga a tō ākonga

I tua atu i te whai wāhi ki ngā ako a tō ākonga, me tiaki anō hoki i tōna oranga. Ka whai wāhi ki tēnei ko te akiaki i a ia kia whakatā auau, kia inu wai, me te titiro ki wāhi kē, kaua ki te mata o te rorohiko, i ia 20 meneti. Tirohia ā mātou tohutohu mō te tautoko akoranga.

Whakaitihia ngā pīroiroi

Me whakarite e mōhio ana ērā atu tāngata i te whare o te ākonga he mahi ako hira kei te haere. Whakatītinatia rātou ki te whakaheke rawa i ngā pīroiroi me te manaaki i tō te ākonga wāhi ako.

Tono āwhina ina hiahiatia

Me maumahara, mā ā tātou kaimahi koe e āwhina. Mā ā mātou kaitohutohu ako me ā mātou kaiako koe e whakauru ki roto i ngā akoranga a tō ākonga, ka whakahoki i ō pātai mō te tautoko i tō ākonga. He pēnei te āhua mō ngā wāhitau īmēra a ngā kaiako o Te Kura: Ingoatuatahi.Ingoawhānau@tekura.school.nz.

Te mahi tahi me ngā kaiako, ngā kaitohutohu ako rānei

Te whakawhanake i te hōtaka ako

Mā te kaiako, te kaitohutohu ako o tō ākonga e mahi tahi ki a koe me tō ākonga ki te whakawhanake i tētahi hōtaka ako e ahu mai ana i ngā kaingākautanga me ngā pūmanawa o tō ākonga. Ka whiwhi īmēra, pātuhi, reta, waea rānei tō ākonga i tōna kaiako, kaitohutohu ako rānei kei roto ko ngā whakahokinga kōrero mō ana mahi kura. Mēnā ka ako tuihono tō ākonga, ka taea te whakawhitiwhiti tuihono ki tōna kaiako me te whiwhi whakahokinga kōrero wawe mō āna mahi. Ka whakapā pea tētahi ki tētahi mā te Skype, te YouSeeU rānei mēnā kei tāwāhi koe.

I ēnei āhuatanga me whakapā atu ki Te Kura

Whakapā atu ki ngā kaiako me ngā kaitohutohu ako o tō ākonga menā:

He pātai anō?

Mēnā ki te kore tō pātai e whakautua i tā mātou paetukutuku, kaua rawa e tōmuri tō whakapā mai ki te kaitohutohu ako, te kaiako rānei o tō ākonga mā te īmēra, waea, mēra, waeatuhi rānei.

Ki te kore koe e mōhio ki te ingoa o te kaitohutohu ako, te kaiako rānei o tō ākonga, tuku īmēra mai, ka waea rānei i te 0800 65 99 88 ka whāki mai te ingoa me te tau tuakiri o tō ākonga.