Te Ako me Te Kura
Te Ako ā-Ipurangi
Ko te nuinga o ngā akoranga o Te Kura ka whakahaerehia mā runga i te ipurangi mā runga i te My Te Kura, koirā tō tātou taiao ako ā-ipurangi, ka mutu, ka whakakīa e ngā kaiwhakarato ipurangi. Ka tukuna pea e mātou ngā ingoa, ngā nama tohu, me ngā īmēra o ngā ākonga ki ēnei kaiwhakarato mātauranga kia pai ai te uru atu – tirohia a mātou Ture me ngā here mō ētehi atu taipitopito kōrero.
Toro atu ki tā mātou wāhanga My Te Kura kia mōhio ai koe me pēhea te whakatere i a My Te Kura.
Te Huarahi Whaiaro
Kua whakaritehia a My Te Kura ki te whakarato i tētehi wheako akoranga e aro nui ana ki ia ākonga. I tōna tīmatanga he maha rawa ngā akoranga, me whakatutuki te tauira i ēnei mahi kia mōhio pai tōna kaiako kei tēhea taumata te ākonga, ka mutu, ko tā te kaiako he āta whiriwhiri i ngā akoranga e tika ana mō te tauira.
Ngā Taputapu e hiahiatia ana
Me whai wāhi ngā ākonga ki tētehi rorohiko me te ipurangi kia pai ai tana ako me Te Kura.
Tirohia he aha ngā taputapu e taunakitia ana e mātou
Te whakamatara kōwae
I ētehi o ngā akoranga, ka tukuna e ngā kaiako ngā tauira ki ngā ākonga i a rātou e ahu whakamua ana i te akoranga. I te nuinga o te wā, I te wā ka tukuna e te ākonga tētehi mea ki te pouakataka My Te Kura, ka tukuna e te kaiako he mahi anō hei mahi mā rātou.
Te tuku mahi ki ngā Pouakataka My Te Kura
I ngā wā e taea ana, e akiakitia ana mātou i ngā kura ki te whakarite kia tukuna e ngā ākonga a rātou mahi mā runga ipurangi, mā te pouakataka My Te Kura mō ia akoranga. Ki te pēnei he ngāwari ake te whakahoki urupare i te wā e whakaaro tonu ana ngā tauira mō te kaupapa rā, ka mutu, ka tere ake te whakahoki kōrero āwhina ki ngā ākonga.
Me tuku e ngā ākonga kia kotahi te aromatawai i ia marama kia kore ai ia e whai wāhi atu ki te rōpū kāore anō kia tuku mahi.
Te Whakahoki mahi mā te pōhi
I ētehi wā ka taea te whakahoki i ngā mahi mā te pōhi.
Ko ngā rauemi kaupapa tautoko ako ka tukuna mā te pōhi.
I te wā ka oti ngā mahi me pūmatawai me tuku īmēra ki a online.team@tekura.school.nz whakahokia mai rānei mā te mēra.
Kia mahara kāore e utua e Te Kura ngā momo poutāpeta mō ngā mahi kua whakahokia mai e ngā ākonga kua whakaurua takirua.
Ngā Rauemi My Te Kura
E wātea ana ngā kōrero mō My Te Kura i runga i tā mātou whārangi rauemi me ngā hononga.