Ka whakanuia e Te Kura tōnā rau tau a tērā tau.
Ko Te Kura i ōna rā ko tōna ingoa ko The Correspondence school, inā te huhua o ngā kaupapa hei whakanui mā tātou, mai i tōna ōrokotīmatanga, ōna hītori, ngā panonitanga a mātauranga, i ngā tau 100 kua taha ake nei.
Kua tawhiti rawa tā tātou haerenga mai i te tau 1922, i ōna rā kotahi noa te kaiako ko Janet Mackenzie, nāna anō te whakaaro kia whakatūhia tētehi kura i tētehi tari iti i ōna rā ko Te Tāri Mātauranga. Mai i tōna orokohanga kua tipu, kua hua, kua puāwai ki tētehi o ngā tino kura e para ana i te huarahi i te ao hangarau.
E whakarite ana mātou i ētehi mahi, hei whakanui i te rautau o te ako tūārangi – mai i ngā rā whakamahi i te pepa, ki ngā rā e kaha whakamahi ana i ngā rauemi matihiko.
E hīkaka ana mātou ki te rongo i ngā kōrero mai i ngā kaimahi/tauira o mua, tae noa ki ngā kaimahi/tauira o nāianei. Mēnā he kōrero āu, mēnā e hiahia rānei koe ki te whakanui i tēnei kaupapa tēnā rēhita mai!
