NCEA

Whārangi takiuru ākonga NZQA

Ngā otinga aromatawai ā-roto

Ngā paerewa aromatawai ā-waho

Rēhitatanga NCEA

Whārangi takiuru ākonga NZQA

He aha tēnei mea te tau ākonga ā-motu (NSN)?

E tūtohua ana ngā ākonga nō Te Kura i tā mātou pātengi raraunga mā tētahi tau tuakiri ākonga. Ka whai tau anō hoki ngā ākonga ki te tūtohu i a rātou e pā ana ki te NCEA. E kīia ana tēnei te Tau Ākonga ā-Motu (NSN). Ki te kore koe e mōhio ki tō NSN, whakapā ki tō kaitohutohu ako, kaiako marau rānei.

Ka kitea aku otinga ki hea?

Ka whakaatu te tomokanga pūrongo ākonga tuihono a Te Kura i ngā otinga takitaro i whiwhi koe i ō aromatawai ā-roto i tō mātou taha.

He rite tonu te whakahou i ngā otinga ā-roto i tō whārangi takiuru ākonga NZQA atu i Paengawhāwhā ki te Hakihea. Ka wātea ngā otinga ā-waho i tō whārangi takiuru NZQA atu i waenga o Kohitātea.

Me pēhea au e mōhio ai kua puta i te NCEA?

Atu i waenga o Kohitātea, tirohia tō takiuru ākonga NZQA kia kitea ō otinga, tae atu ki ō otinga whakamātautau me te whakawhiwhi tohu.

He aha te Pūkete Paetae o Aotearoa?

E kīia ana te pūkete ōkawa o ō otinga i utua ko te Pūkete Paetae o Aotearoa. Kāore e whakaurua ngā otinga Kāore i Tutuki. Ka whakaatu i ngā whakamana kaiaka me te kairangi i whiwhi koe mō tētahi pōkaitahi NCEA, tētahi akoranga rānei. Ka whakahoutia ngā otinga NCEA e whiwhi koe i tēnei tau i roto i tō Pūkete Paetae o Aotearoa hei te Kohitātea e tū mai nei.

Me pēhea taku tiki tārua o taku NCEA, Pūkete Paetae o Aotearoa rānei?

Ka tono tārua koe mā tō takiuru ākonga NZQA. Kāore he utu mō te tārua tuatahi, $15.30 te utu mō ērā atu tārua.

Ngā otinga aromatawai ā-roto

Kāore au e whakaae ki taku otinga ā-roto. Me aha au?

Me tono i tō kaiako kia arotake i te mākatanga o te aromatawai. Ki te kore te kōeke e huri, ā, kāore tonu koe i te ngata, ka wātea he marama kotahi (atu i te whakahokinga o tō mahi kua mākahia e tō kaiako) ki te tuku i te pīra ōkawa. Me mātua tuku ā-tuhi i te pīra, ā, me tuku ki te Tautapa o te Tumuaki i Te Kura. Tīkina ake te puka Pīra Aromatawai Ākonga.

Ngā paerewa aromatawai ā-waho

Me mahi e au ngā whakamātautau mutunga tau?

Kei te āhua tēnā o ō whāinga NCEA, o tō pīrangi rānei kia āhei ki te whakamanatanga akoranga. Kōrero ki tō kaitohutohu ako kia kitea he aha te mea tino pai mōu.

Me whai puka uru mō te whakamātautau mutunga tau?

Ki te rēhita koe mō ngā whakamātautau mutunga tau, ka tukuna he puka uru ki a koe mā te mēra ā ngā rā mutunga o Whiringa-ā-nuku.

Ki te kore koe e whiwhi i tāu ā te tīmatanga o Whiringa-ā-rangi, whakapā ki tō mātou Rōpū Tohu i te 0800 65 99 88, kōwhiringa 3.

Me kawe rawa i tēnei, me tō tuakiri whakaahua ki tēnā, ki tēnā o ō whakamātautau mutunga tau.

Me aha ki te kore e taea taku aromatawai ā-waho te mahi?

Ka āhei koe te tono kōeke kua waihangatia i ētahi atu māka mēnā kua rēhita koe mō ngā paerewa ā-waho, ā, mēnā e tika ana te pūtake, arā:

Anei ētahi o ngā pūtake whaimana mō mua tonu iho i tētahi whakamātautau, i te wā rānei o te whakamātautau:

Ki tō whakaaro e hāngai ana tēnei ki a koe, whakapā ki tō mātou rōpū Tohu ki te matapaki i tō āheitanga i te 0800 65 99 88 kōwhiringa 3. Mā mātou e tuku tētahi puka tono ki a koe.

Ako atu anō mō ngā kōeke kua waihangatia i ētahi atu māka i te paetukutuku NZQA.

He aha tētahi kōeke ohotata?

Mēnā ka tūpono mai he āhuatanga nui (hei tauira, he rū whenua) tērā ka ārai i tō taenga ki tētahi whakamātautau, ka whakaheke rānei i tō whakatutukinga i tētahi whakamātautau, ka whakamahi Kōeke Ohotata a NZQA. E ahu mai ana ēnei i ngā māka o Te Kura i whakawhiwhia ki a koe i ō whakamātautau parakitihi. Ka tono ngā kura, kāore ngā ākonga, i ngā tono takimaha mō tētahi āhuatanga kotahi.

Rēhitatanga NCEA

Me pēhea taku rēhita mō aku whiwhinga NCEA?

Ko te whakarite, me tuku ngā ākonga o Te Kura kua whakauru ki ngā akoranga NCEA i te rēhitatanga NCEA tuihono, me utu anō hoki i te utu ā-tau NCEA. E hāngai ana tēnei ki ngā ākonga e whakaoti ana i ngā aromatawai ā-roto, me ērā hoki e hiahia ana ki te rēhita mō ngā paerewa e aromatawaitia ana ā-waho. Ka hoatu te rēhitatanga NCEA me ngā tohutohu utu ki ngā ākonga i ia tau atu i Pipiri.

Me aha mēnā ka hiahia wawe aku otinga mō te whare wānanga, tētahi atu pūtake rite rānei?

Ki te hiahia koe ki ngā otinga o tēnei tau kia whakaaturia ai ki tō Pūkete Paetae o Aotearoa i mua i tērā Kohitātea (hei tauira, e tono tūranga ana koe i te ope kātua, e tono rānei i te piatanga, e tono ana ki te whakauru ki te whare wānanga mō te kaupeka tuarua) kia tere rawa ka taea tō whakapā ki tō mātou rōpū Tohu i te 0800 65 99 88 kōwhirina 3.

Ka tuku tono motuhake tō mātou rōpū Tohu kia tukuna wawaetia ō otinga. Ka pau pea i tēnei te toru wiki i muri i tō whakaūnga mai kua whiwhi koe i ō whiwhinga katoa.

Ina tukuna he tono tuku wawe ki a NZQA, kāore koe e āhei te uru ki ngā aromatawai ā-waho, te whiwhi haere tonu rānei i ngā whiwhinga i tō mātou kura mō te toenga o te tau kura. Me whakatahi hoki i tō ingoa i tā mātou rārangi ingoa.

He ākonga teina au i te Tau 10, i raro iho rānei, e whai ana i ngā akoranga NCEA. Me rēhita me te utu?

Mēnā ko tāu anake he whakaoti i ngā aromatawai ā-roto, mā Te Kura ō whiwhinga e pupuri kia tae rā anō koe ki te Tau 11. Heoi anō, ki te hiahia rēhita koe ki ngā paerewa ā-waho i tēnei tau, me tuku rēhitatanga tuihono, ka utu i te utu NCEA i tēnei tau.

Kua rēhita kētia au ki tētahi atu kura tuarua, engari e whai ana i ētahi akoranga NCEA i Te Kura. Me rēhita me te utu i Te Kura?

Ka kohia tō utu NCEA e tōu ake kura. Kei tō kura hoki te kawenga ki te pūrongo i ō otinga ā-roto me te rēhita i a koe mō ō paerewa ā-waho ki a NZQA mō ō akoranga Te Kura.

I whakaurua tōmutia au ki tētahi atu kura tuarua i tēnei tau. Me rēhita anō me te utu anō i te utu?

Ka whakatahia ngā otinga ā-roto i whakawhiwhia e tō kura tōmua i tēnei tau, ā, ka whakatahia te rēhitatanga paerewa ā-waho i NZQA. Ko te tikanga nei, me tāpae i tētahi rēhitatanga tuihono mā Te Kura ki te whakahohe anō i tō rēhitatanga ki a NZQA.

Ki te mea kua utua kētia tō utu NCEA mō tēnei tau ki tō kura, me whakamōhio rawa i te rōpū Tohu mā te tīpako i tēnei kōwhiringa i te rēhitatanga tuihono.