Te rēhita me te utu i te NCEA 2018
Kua hipa te rā kati mō te tukatuka i ngā rēhitatanga 2018 me te kohikohi i ngā utunga mō te tau 2018.
Kāore anō au kia utu i taku utunga NCEA 2018, me aha au?
Me utu rawa tō utunga ki a NZQA kia whakahōutia ai ō haumāuiui 2018 i tō Pūkete Paetae me te whai wāhi atu ki ō tohu. Me tae rawa te utunga ki a NZQA i mua i te 1 o Hakihea 2018 hei karo i te tāpiritanga o tētahi utu tōmuri.
Haere ki tō Whārangi takiuru ākonga NZQA, ā, ka whai i ngā tohutohu i roto i te hononga Utu Utunga.
- Ka taea te utu tuihono mā te kāri tāwere, mēnā ka hiahia kē rānei ki te utu mā te kuhu tika ki te pūkete pēke, tāngia he puka utunga Kaitono NZQA, ka whai i ngā tohutohu i runga i te puka. Ki te kore tāu pūreretā, waea mai ki te rōpū Tohu i Te Kura i te 0800 65 99 88 (kōwhiria te kōwhiringa 3), mā mātou e tuku tētahi puka ki a koe mā te mēra.
- He $76.70 te utunga, engari mēnā ka whiwhi takuhe te tangata e utu ana i te utunga, kua whai kāri ratonga hapori rānei, ka heke te utu ki te $20 (mō te ākonga kotahi).
- Mēnā ka pā mai tēnei ki a koe, kia wawe tonu tō whakapā mai ki te rōpū Tohu i Te Kura i te 0800 65 99 88 (kōwhiria te kōwhiringa 3) kia taea ai e mātou te whakaoti i tētahi tono āwhina ā-pūtea mōu. Ko te 27 o Whiringa-ā-rangi te rā whakamutunga e whakaae ai mātou ki te āwhina ā-pūtea.
- Kaua e tuku mai ō utunga ki Te Kura, nō te mea kua kore e taea e mātou te tukatuka ki ō haumāuiui 2018.
Ka aha mēnā i nā noa nei taku rēhita ki Te Kura?
Me utu ngā haumāuiui NCEA mō te tau e whakawhiwhia ai ki te ārai i tētahi utu utunga tōmuri. Ki te hiahia koe kia whiwhi haumāuiui i te tau 2018, me utu i tō utunga NCEA 2018 ki a NZQA ā mua i te 1 o Hakihea.
Mēnā kua whakaurua koe ki tētahi atu kura tuarua i tēnei tau, ā, kua utu kētia e koe tō utunga NCEA 2018 ki taua kura, kāore koe e mate ki te utu anō.
He ākonga ahau i tētahi kura tuarua e whai ana hoki i ētahi akoranga Te Kura – me utu tonu ahau i te utunga NCEA?
Ko te tikanga nā tōu ake kura tō utunga NCEA i whakahaere.
Ka hia āwhina koe?
Whakapā mai ki tō kaitohutohu ako, tō mātou rōpū Tohu rānei i Te Kura i te 0800 65 99 88.
