Whakauru ināianei

Ā muri i tō taki kua āhei koe, ta taea te whakauru tuhono katikiake rānei i tētahi puka whakauru me te tuku ki a mātou te puka oti.

Ko tō mahi tautahi ina whakakī i tā mātou puka ko te kōwhiri ko tēhea momo ākonga koe. Ki te rangirua koe, me pānui mō ngā momo whakauru.

Ko tā mātou whai, kia tukatukatia ngā tono whakauru i roto i te 10 ki te 15 rā mahi, engari ka rerekē pea tēnā i runga i te wā o te tau.

Mēnā kei te tono koe mō tētahi akoranga tuihono, ka whiwhi īmēra koe me ngā tohutohu takiuru ina oti rā anō te whakamana i tō whakaurunga kia taea ai te tīmata ki te mahi inamata nei.

Ngā momo whakauru

Ko te ākonga kōhungahunga he ākonga:

  • kei waenga i te 2–6 ōna tau
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ka whakatutuki i tētahi o ngā paearu āheitanga kua takoto i Te Tāhuhu o Te Mātauranga.

Ko te ākonga wā kikī he ākonga:

  • kei waenga i te 5–19 ōna tau (engari kāore e huri ōna tau ki te 20 i te tau o te whakaurunga)
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ka whakatutuki i tētahi o ngā paearu āheitanga mō te ako wā kikī kua takoto i Te Tāhuhu o Te Mātauranga.

Ki te kore koe e māraurau i raro i ngā paearu a Te Tāhuhu o Te Mātauranga ki te whiwhi tūnga e utua ana i Te Kura, ka āhei pea te whakauru hei ākonga utu utunga.

Kei te āhua o tō tūnga hei kirirarau, tō wāhi noho, me te taumata o ō akoranga te rahi pū o ngā utu. Mo tērā tau maramataka anake ngā whakaurunga.

Ko te ākonga kei tāwāhi he ākonga:

  • kei waenga i te 5–19 ōna tau (engari kāore e huri ōna tau ki te 20 i te tau o te whakaurunga)
  • he kirirarau, he kainoho pūmau rānei o Aotearoa (kua noho i Aotearoa mō ngā tau piritata e rua, neke atu rānei)
  • ka whakatutuki i tētahi o ngā paearu āheitanga wā kikī o tāwāhi kua takoto i Te Tāhuhu o Te Mātauranga.

Ko te ākonga taiohi he ākonga:

  • kei waenga i te 16-19 ōna tau
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ehara i te wā kikī tana haere ā-tinana atu tētahi kura.

Ka āhei ngā ākonga kua whakaurua hei taiohi te noho whakauru tonu tae atu ki te mutunga o te tau kura e huri ai ō rātou tau ki te 19.

Mēnā ka huri ō tau ki te 20 i roto i te tau whakauru me tono rawa hei ākonga pakeke.

Ko te ākonga pakeke he ākonga:

  • e 20 neke atu rānei ōna tau i roto i te tau whakauru
  • e noho ana ki Aotearoa
  • he kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei
  • ehara i te wā kikī tana haere ā-tinana atu ki tētahi kura tuarua.

Māu e utu te utu whakahaere o te $111 mō ia marau. Mo tērā tau maramataka anake ngā whakaurunga.

Me whiwhi urunga rawa ngā pakeke e whakauru mai ana ki ngā akoranga tuihono ki tētahi pūrere tōtika me te tūhononga ki te ipurangi, nō reira me tiro i ā mātou whārangi marau kia mōhio ai mēnā he akoranga tuihono tō akoranga i mua i te whakauru mai.