Ētahi atu tautoko mō ngā Kaitiaki
Reo Matatini me ngā rorohiko
Ko te hiahia o ngā kaitiaki i te nuinga o te wā he tino tautoko i ngā ākonga, engari i ētahi wā ka whakaaro rātou ka whai hua hoki rātou i ngā akoranga. Ka tuku kaupapa a Literacy Aotearoa e hāngai katoa ana ki Te Reo Matatini, Ngā rorohiko, me te whakawhitinga kōrero he pai pea ki ētahi o ngā kaitiaki.
Te Reo Māori
Ka tuku a Te Kura i ngā akoranga Te Reo kore utu mā runga ipurangi.
Tono atu mā te kōwhiri i tētahi o ngā akoranga ka tīmata me te tohu muna MA. Ko te akoranga mō ngā tangata kei te tīmatanga o tō rātou haerenga reo Māori ko te MA000, ā, ka piki ake te taumata reo ki ngā akoranga MA1000, MA2000, me te MA3000.
Ka tautoko hoki ēnei rauemi ki te whakaako me te ako hoki i te reo Māori:
Te Taura Whiri – Ko te wāhanga ‘Learning Māori’ o Te Taura Whiri he rauemi tino pai mō te ako ki te whakahua kupu Māori, rauemi ako reo Māori, te ako mō ngā tikanga Māori te aha atu, te aha atu.
Papakupu Reo Māori –– He papakupu reo Māori/Pākehā matawhānui ā-ipurangi, kei roto hoki ngā tuhinga mātāpunenga, ngā kīanga, me ngā whakamāramatanga o ngā aria matua o te ahurea Māori
Ngata Papakupu – E whakaatu ana i te whakamahinga o ngā kupu matua Māori, Pākehā i roto i ngā rerenga kōrero me ngā kīanga i tangohia mai i te whānuitanga o ngā horopaki o naianei me ngā tikanga tuku iho. He whakamārama i te whakamahinga o ngā kupu me te tikanga o te kupu.
Te Kete Ipurangi – Kei roto i Te Kete Ipurangi ko ngā rauemi e hāngai ana ki ngā aratohu o Te Marautanga o Aotearoa, kei roto hoki ētahi atu rauemi hei tautoko i te ako i te reo Māori me ngā rauemi e pā ana ki ngā tikanga me ngā kaupapa Māori
Waiata mō te kōhungahunga – Akohia ngā kupu o ngā waiata ngāwari a ngā tamariki i te reo Māori.