Supervisors

Ka whai ia ākonga ukiuki he Kaimanaaki, ā, mēnā e whai ana i ngā taumata NCEA, ka tohua hoki rātou ki tētahi kaiako marau. Ko ngā Kaimanaaki ngā tangata tino āwhina i a koe. Ko ngā mahi a te Kaimanaaki he whakaatu me pēhea te whakamahi i a My Te Kura, My Korowai, me ngā Huinga ako (Kua whakamāramatia katoatia i tēnei wāhanga Kaitiaki)

Ka whakapā atu te ākonga ki tō rātou kaimanaaki me tō rātou kaiako mā te imēra, pātuhi, wāea, ipurangi, kanohi ki te kanohi hoki ki ngā wānanga huinga ako.

E akiaki ana mātou i ngā kaitiaki kia whakapā atu ki ngā kaimanaaki me ngā kaiako kia pai ai te whanaungatanga, kia pai ai te wheako ako.

Āhea whakapā atu ai

E āki ana mātou kia whakapā atu ki tō Kaimanaaki me to Kaiako mehemea:

• e hiahia ana i tētahi whakamāramatanga, kōrero whakahoki, kōrero rānei mō ētahi āhuatanga ako,
• e hiahia ana ki te whakanui i ētahi whakatutukitanga,
• e hiahia ana ki te tāpiri, panoni rānei i tētahi kaupapa,
• mehemea he uaua ki te uru ā-ipurangi,
• mehemea he ngāwari rawa, he uaua rānei ngā mahi,
• mehemea kāore he nui ngā mahi,
• mehemea e wheako ana i ngā āhuatanga aupēhi i a koe me ō mahi ā-kura,
• kua panoni ngā kōrero whakapā atu ki a koe (Wāhi noho, nama waea, īmēra rānei).

Ngā tohutohu whakarerekē i tō wāhi noho, nama waea rānei

Me tika rawa ngā kōrero whakapā atu ki a koe i te wā e mahi tahi ana me te kaimanaaki, kaiako hoki. Mehemea kua whakarerekē koe i tō wāhi noho, nama waea rānei, whakapā atu ki tō kaimanaaki, me tō nama ākonga Te Kura, me ngā pitopito kōrero hou. I te mutunga atu, waea īmēra rānei i te tīma tautoko Ākonga/Whānau mā te nama waea 0800 65 99 88, īmēra hub@tekura.school.nz