Haumaru ā-Ipurangi

Kei te ipurangi me ētahi atu hangarau matihiko te huhua o ngā aupuki, ngā painga mātauranga, ngā painga kotahitanga pāpori mō ngā ākonga. Engari, he mea nui kia aro hoki ki ngā auheke. E taunaki ana mātou kia mōhio tō ākonga me pēhea te noho haumaru i runga i te ipurangi, ka mutu, he pai pea mehemea ka whakapā atu koe ki tō ākonga ki te kōrero mō a rātou mahi ki runga i te ipurangi.

Kōrerokia mō te haumaru ā-ipurangi

E āki ana mātou kia kōrero koe ki tō ākonga mō ngā āhuatanga noho haumaru mā runga ipurangi. Ki te mōhio rātou ki ngā momo tūraru ka taea e rātou te noho haumaru i te wā e whakamahi ana rātou i ngā pae pāpori.

Ngā āhuatanga pai ā-ipurangi:

  • Te tiaki i tō mōhiohio whaiaro mā runga Ipurangi
  • Te tuku whakaute ki ētahi atu mā runga Ipurangi
  • Te whakahaere tika i ngā āhuatanga mōrearea
  • Te kaha ki te whakatau i te pono o ngā rauemi kua kitea i runga i te ipurangi.

Ngā Whatunga Pāpori

Inā te huhua o ngā rangatahi ka hono me ā rātou hoa mā ngā pae pāpori pērā i te Pukamata, Paeāhua, Atapaki, Atakori. Ko ngā pae pāpori he utukore, ā, he ngāwari noa mō ngā rangatahi ki te whakarite i tētahi kīwhaiaro.

Ngā momo tūraru:

  • Te whakaweti me te tūkino mā te pātuhi me ngā whakaahua
  • Te whakamahi i ngā pae pāpori ki te whakapuaki i ngā āwangawanga nui pēnei i te whakamomori, mea anō kāore rātou i te whiwhi āwhina mai i ngā mātanga i te wā e hiahiatia ana.
  • the use of personal or family information by burglars and other criminals
  • illegal sharing of downloaded videos and music.

Te Aukati i ngā Paetukutuku kua tohua

Mā te ako ā-ipurangi ka tūwhera katoa tō ākonga ki ngā kōrero me ngā rauemi āwhina i a rātou me ā rātou rangahau, ā, e ngākau whakaute ana mātou i ētahi wā he tino uaua ki te arotahi ki ngā mahi ā-kura i a rātou i runga i te Ipurangi.

He taputapu kore utu e wātea ana ki te aukati i ngā paetukutuku pōtatutatu mō te wā e tohua ana e koe.

Ētahi atu kōrero

Mō ētahi atu kōrero e pā ana ki te ako i ō ākonga ki te noho haumaru ā-ipurangi, mō ngā tūraru ā-ipurangi whakapā atu ki tō kaimanaaki, kaiako rānei.

ko tētahi o ngā rauemi pai rawa atu ko Cybersafety:

  • Netsafe – He pai mō ngā reanga katoa. Ka taea hoki te whakapā atu ki te pokapū whakapā a Netsafe mā te 0508 638 723 mō ētahi atu kōrero