Te Ako me Te Kura
Kua tapa mātou i te ingoa My Te Kura ki tō mātou taiao ako ā-ipurangi. Kua āpitihia e mātou he Nama Te Kura ki te īmēra tuatahi kua whakawhiwhia e koe i te wā i whakaaetia tō tono ki Te Kura. Ko tō Nama Te Kura tō INGOA KAIWHAKAMAHI me tō KUPUHUNA mō tō takiuru. Ko My Te Kura he wāhi haumaru mō ngā ākonga ki te uru atu ki ngā rauemi ako. Ka whai wāhi hoki ngā ākonga ki te whakawhiti kōrero me tō rātou kaimanaaki, kaiako me ētahi atu ākonga.
Ka kitea tuatahitia ētahi rauemi i My Te Kura i tō takiuru tuatahi, engari he maha ngā rauemi ka tāpirihia i muri i ngā whakawhitinga kōrero me tō kaimanaaki, ko te nuinga he rauemi kaupapa. He wāhi pai a My Korowai ki te tīmata.
Ko My Korowai he paetukutuku o roto i a My Te Kura e āwhina ana i ngā ākonga ki te tohatoha, whanake me te whaiwhakaaro ki tō rātou ako me a rātou whāinga. He wāhi ka waihangatia e ngā ākonga i a rātou rautaki ako ki te taha o tō rātou kaimanaaki, me tō rātou taiao ako. He wāhi whakarite whāinga mō te wiki, mō te marama, ka mutu, he wāhi whaiwhakaaro ki tō rātou haerenga ako. Ka whai wāhi atu ko ngā āhuatanga oranga me ngā kaupapa pērā i te whakarite mahere umanga.
He hononga tō My Korowai ki ngā kōrero Leaving to Learn, ka mutu, ka kite hoki ko ngā tautoko mō ngā umanga, he tino motuhake ēnei kaupapa ki ngā ākonga i a rātou e whakarite and mō ngā āhuatanga ako a Te Kura.
E whakapono nui ana mātou o Te Kura e taea ana tēnei mea te ako ki ngā wāhi katoa – kaua noa ki te akomanga anake. E taea ana ngā ākonga te whai wheako pai i tō rātou Hāpori me tō rātou whānau. Kua whakaingoatia mātou i tēnei wheako ko Leaving to Learn – te ako ki tua o te akomanga.
E āhei ana ngā mahi leaving to learn te whakahaere mā te kanohi ki te kanohi, ā-ipurangi rānei, ka uru pea ko:
- te whakahaere kaupapa i runga anō i ngā aronga me ngā awata
- te kōrero me ngā pou me ngā mātanga o te hāpori
- te whai wāhi atu ki ngā kaupapa hākinakina me ngā mahi ā-ahurea
- te tae atu ki ngā taiopenga haukāinga
- te whai wāhi atu ki ngā momo rōpū rangatahi ā-hāpori
- torotoro mahi
- te mahi tūao.
Koinei ētahi huarahi hei kōrerorero ki tō kaimanaaki.
Ko te Huinga ako he momo wāhi mō ngā ākonga ki te hono me tō rātou kaimanaaki i tētahi rōpū ākonga iti. Ka whakahaerehia ngā huinga ako i ia wiki, i ia rua wiki rānei, ka whakahaere mā runga ipurangi, kanohi ki te kanohi rānei ki tētahi wāhi tata, ki tētahi wāhi tūmatanui.
He wāhi haumaru ngā Huinga ako, he wāhi pai mō ngā ākonga ki te whakawhanaunga, ki te whakawhiti whakaaro e pā ana ki tō rātou rautaki ako, he wāhi whanake i ngā pūkenga me te waihanga rautaki kia eke ki te angitūtanga, he wāhi mō tō oranga, he wāhi whakarite rautaki mō ngā kaupapa hāpori, ka mutu, he wāhi e whiwhi ai te ākonga i ētahi tautoko mō ā rātou awhero nui te haere ake nei.
He wāhi ka whakanui i ngā whakatutukitanga katoa, he wāhi whakapuaki i ērā whakatutukitanga – hei tauira mā te ākonga e whakaatu i a rātou mahi hou. E mōhio ana mātou ka tino whai ihi ngā ākonga ki te mōhio rātou ko wai rātou, nō hea rātou, ko te whai hononga he tino taonga whakahihiko i te ākonga. Kua kī mai ngā ākonga mā te tae atu ki ngā Huinga ako kua tino kite i te rerekētanga, i te whanaketanga.
Ngā tauira o te ako ā-ipurangi
Tirohia tētahi tauira o te ako ā-ipurangi
Ingoa Kaiwhakamahi: showcase
Kupuhuna: showcase
Kua waihangatia he ataata e Te Kura mō ngā momo tauira o te mahi tahi i te wā e ako ana i te ipurangi.
Te Tuku Pūrongo
Ko te tuku pūrongo mō te whanaketanga a ngā ākonga tētahi o a mātou haepapa matua. Ka puta rawa ngā pūrongo i te tau ki ngā wāhanga e toru hei whakaaroaro i te katoa o ngā akoranga i Te Kura:
- whakahoki kōrero mō ngā mahi i tukuna mā te pouakataka Dropbox, tae ana ki ngā hua NCEA
- whakahoki kōrero e pā ana ki te whai wāhi, tae ana ki ngā mahi kua tutuki i ngā Huinga Ako, ngā mahi Leaving to learn, ngā wātaka ā-ipurangi, ngā kaupapa ipurangi te aha atu, te aha atu.
- whakahoki kōrero i My Korowai e pā ana ki ngā Mātāpono a Te Kura. E whakaatu ana tēnei i te whanaketanga o te āhua o te noho, te oranga me te ako.
Ko whaia mātou ngā Mātāpono a Te Kura i te wā e mahi tahi ana me ngā ākonga me ngā whānau. Ka āwhina ēnei mātāpono ngā ākonga ki te whakawhanake i tō rātou titiro ki ngā āhuatanga ako, mahi, whakawhanaunga, hākinakina me ngā mahi ā-ahurea – ngā mahi katoa ka mahia e rātou ia te rā, ia te rā.
| Te Kura Mātāpono | Descriptor |
|---|---|
Kotahitanga | Kotahitanga – Te tuku whakaute ki tangata kē atu, ki a koe anō hoki, te aro ki tō oranga ā-hinengaro, ā-tinana, ā-wairua |
Whaitake | Whaitake – Te noho māhirahira, te whai wāhi atu ki ngā akoranga pai ki a koe, ā, e hāngai katoa ana ki ō whāinga me ō moemoeā. |
Whakamana | Whakamana – Te whakamahi i tō ake reo me ō hiahia i te wā e whakatau ana koe i ngā āhuatanga e pā ana ki tō ako. |
Māramatonutanga | Māramatonutanga – Mahia te mahi kia mārama, ā, whanake i ō pūkenga me ngā akoranga hou |
Whakawhanaungatanga | Whakawhanaungatanga – Mahi tahi me ērā atu, whakawhanaunga, kia mārohirohi ai koe hei ākonga |
E āki ana mātou i ngā kairuruku kia noho tahi me a rātou ākonga ki te āta titiro ki ngā pūrongo i My Te Kura. Ka taea hoki koe te takiuru i tō ake wā ki te āta titiro ki ngā whakahokinga kōrero me ngā rīpoata o tō ākonga.
Ka whakaatu tēnei ataata i ngā āhuatanga tuku pūrongo me pēhea hoki te hono atu ki tēnei i My Te Kura.