Supervisors

I te wā ka tū koe hei Kaitiaki, ka tino whai wāhi atu koe ki te tautoko i ngā ākonga ki te whakapakari i a rātou pūkenga me ā rātou mātauranga e hiahiatia ana e rātou kia pakari ai rātou i te wā e ako ana. Me tuku rawa koe i ēnei āhuatanga tautoko:

Te tāharahara i ngā momo pīroiroi

Me kōrero i mua tonu i te akoranga ki ngā tāngata kei taua wāhi ako he tino akoranga kei te haere. Akiaki i a rātou kia tāharahara i ngā momo pīroiroi, me te mōhio anō ko te mahi a te whānau he āwhina, he whakanui i te wā e ako ana.

Wāhi ako e tika ana

Me tika rawa te wāhi ako a tō ākonga, he wāhi matua i a rātou hiahia ā-tinana, he wāhi haumaru kia tutuki pai a rātou mahi, he wāhi kua whai raiti, kua whai hoki i ngā taputapu e tika ana.

Ngā Taputapu

Me whai rawa tō ākonga i tētahi rorohiko me te hononga ipurangi. Tirohia tō mātou rārangi tirotiro ki te tiro mēnā kei a rātou ngā mea katoa e tika ana mā rātou. E wātea ana tētahi rorohiko kawekawe me tētahi pūtea tautoko mō te ipurangi mō ngā ākonga ka tutuku i a mātou paearu.

Te Whakarite i tō Rorohiko Kawekawe

I te wā ka whakaaetia tō whakauru haere ki te ata The Hub i My Te Kura ki te āwhina i ngā ākonga ki te whakarite i tō rātou rorohiko kawekawe.

Kei tēnei paetukutuku he kōrero āwhina e pā ana ki ngā kaupapa whakarite i te Microsoft Office, te whakarite īmēra, me pēhea te whakamahi i te pouakataka (Dropbox), me pēhea hoki te whiwhi i ngā whakahoki (kōrero).

Tautoko mō te ako

Anei ētahi tohutohu āwhina i a koe ki te tautoko me te akiaki i tō ākonga:

• whakarite i tētahi mahere mō ia rā.
• me taurite ngā mahi ako ā-ipurangi me ngā mahi ako tuimotu.
• whakarite i ētahi whāinga paetata, ā i te wā ka tutuki i ērā whainga whakanuia.
• matapaki i ngā akoranga kua oti ia rā
• hoatu i ngā kōrero whakahoki me ngā mihi anō hoki.
• pātaihia ngā pātai kia whakahihiko i te whakaaro me te pakirehua
• whai wā ki te pānui me te matapaki i ngā pukapuka
• āwhina ki te uru atu ki ngā momo rauemi ā-ipurangi kua tūtohua.
• āta tirotiro ki ngā momo kaupapa motuhake ki te ākonga me te kōrero anō hoki i ēnā kaupapa ki te ākonga me te kaimanaaki.
• kōrero mō ngā whakahokinga kōrero o tō rātou kaimanaaki, ā, tuhia ētahi whakaaro kei a kōrua mō te akoranga: hei tauira, he tākupu i te mutunga o ia wiki i My Korowai.

E mōhio ana mātou he mea takitahi ngā āhuatanga katoa, ā, tērā pea ka panoni haere ngā wātaka i ētahi rā. Heoi, ka kaha ake te ahu whakamua i runga anō i te kaha tautoko o te kaitiaki me te ako ia te wā, ia te wā.

Oranga

I tua atu i te āhuatanga ako a te ākonga, me whai whakaaro, me tautoko hoki i tō rātou taha oranga. Mā te whakatenatena i a rātou ki te whakatā, te inu wai, te akiaki i a rātou kia kaua e noho ki te rorohiko mō te wā roa, ia 20 miniti me haere rātou mō te paku whakatā. Mō ētahi atu whakaaro e pā ana ki te oranga tirohia ngā rauemi resources section kei te mutunga o tēnei wāhanga kaitiaki.