Ako me mātou
Ako hangore
Kotahi tonu tō mātou momo. Kāore he kura pēnei, i tua atu i a mātou i Niu Tīreni nei.
He kura ahurei tō mātou kura nā te mea, kāore ōna pakitara. He hangore te ako me mātou. Ka āwhina mātou kia tū motuhake tō huarahi ako. Ko ngā ngohe mahi e whakarato ana mātou, he mahi tuihono, kanohi-ki- te-kanohi, me ngā mahi hapori. He tauira tēnei ko te ākonga tonu kei te whakarite i tōna anō huarahi ako e hāngai ana ki ōna hiahia, ki ōna pūkenga hoki.
He whānui ngā hōtaka ako whakawhaiaro me ngā akoranga mai i ngā tamariki kōhungahunga tae noa atu ki te NCEA taumata 3 e tukua ana mā te ipurangi. E āhei ana ngā ākonga katoa ki te whakauru mai, ahakoa tō rātou pakeke. Ko te mea kē me ea ngā paearu o Te Kura.
Ko tā mātou kaupapa ako ā-tuihono, kanohi-ki-te-kanohi, ngā āheitanga mātātuhi ki te tūtakitaki. Ko te mahi tahi hoki ā ngā kaiako me ngā kaimanaaki kei te whakarato i tētahi tōpūtanga e āhei ai ngā ākonga ki te whakarite i tētahi hōtaka ako e hāngai ana ki ō rātou matea ako, e tuku ana hoki i ā rātou kia ako i tā rātou e hiahia ana.
Ko “Ki te tī, ki te tā, ki te katoa” tā mātou pepeha
(ahakoa he aha te wā, ahakoa kei hea, ahakoa ko wai)
Te Ara Pounamu
Ko Te Ara Pounamu te marautanga a Te Kura. He kaupapa rapunga whakaaro a Te Ara Pounamu e whakaata ana i te akoranga whānui.
Ka haere tahi tonu tā mātou marautanga ki te marautanga ā-motu, ki Te Whāriki, ki Te Marautanga o Niu Tīreni me Te Marautanga o Aotearoa. Atu i tēnei tau 2024 ka tukua e mātou ko Te Mātaiaho (Te tāmatatanga o Te Marautanga o Niu Tīreni), ka whakaputahia ana.
E ai ki te marautanga a Te Kura, Te Ara Pounamu, ko te ākonga tonu te pokapū o te ako, e urupare ana ki ō rātou whaipānga, ō rātou ngākau whiwhita, he tūturu, e whaitake ana hoki ki a rātou. Mā tēnei e whakatuwhera ake ngā hononga ki ngā akoranga o te ao ka whakamārama mai hoki i ngā huarahi ki anamata.
Te arotahi ki ngā akoranga whakawhiti
Tekau ngā ariā mātauranga ao whānui e miramiratia ana e Te Ara Pounamu mā roto mai i ngā āheitanga whānui. He ariā whakawhiti ēnei, pēnei i te tuakiri, kanorau, hautūtanga, hononga, toitūtanga me te kirirarautanga.
Ka arotahi hoki mātou ki ngā huarahi whakaaro me ō mātou katoa ki te whakareri i ngā ākonga kia angitu te tūhura i tēnei ao hurihuri.
Ko ēnei:
- Whāia te Mātauranga
- Te Whītiki o te Kī
- Kia Auaha
- Whakaaro pēnei tonu i te kaipāngarau
- Whakaaro pēnei tonu i te kaipūtaiao
- Whakaaro pēnei tonu i te kaipūtaiao tikanga ā-iwi
- Whakaaro pēnei tonu i te kaiwhakaahua
Ko te whakaaro o te pepeha, ‘Whāia te mātauranga’ e whai wāhi ana ki te whakaako me te ako hei whakapakari āhuatanga e tautoko ana i te akoranga whaioranga mutunga kore – ngā āhua pēnei i te manaaki, māhira, auaha, whakaahua, māia, manawaroa. Mā te tautoko i te ākonga kia mārama ki ōna anō pūkenga ako, e whai wāhi ai rātou ki te pāhekoheko, ki te ahu whakamua kia angitu hoki.
Te raranga akoranga ki tētahi mahere e mahi ai.
Ara Ako (te ara o te akoranga)
Ka whakarite ngā ākonga ukiuki me ngā ākonga taiohi i ā rātou mahere ako mā te raranga i ngā horopaki e rima ō te Ara Ako, kia hāngai ki ngā whāinga ako kua whakaae tōna kaimanaaki, Kaiako me tōna whānau. Ka hui katoa aua horopaki e rima hei whakamana i te āhuatanga ako rerekē.