Whakauru mai ki a mātou
Tīmata i tō haerenga me Te Kura.
E whakaaro ana koe ki te ako mai me mātou? He māmā noa ki te tīmata.
Ahakoa he hou koe ki Te Kura, e hoki mai anō ana rānei koe, koinei te wāhi e kitea ai:
- ko wai e āhei ana ki te whakauru mai
- me pēhea te tono
- e hia te utu
- he aha ngā mea ka puta i roto i te tukanga.
On this page
Kei konei mātou hei āwhina i a koe!
He maha ngā huarahi whakauru ki Te Kura, engari kaua e māharahara, ehara i te mea māu anake e whakatau, kei konei mātou hei āwhina i a koe.
Ka āhei koe ki te whakapā atu ki tō mātou rōpū Tautoko Ākonga me te Whānau i ngā wā katoa i te wā o te tukanga whakaurunga.
Waea: 0800 65 99 88 kōwhiringa 1 (Mane ki te Paraire, 8am-5pm)
Īmēra: hub@tekura.school.nz
Ngā Pūnaha Whakaurunga
Ka taea e koe te tīmata i te tukanga whakaurunga mā te takiuru ki tā mātou Pou Tautoko Ākonga Paparua, ka whakakī ai i tētahi tono ā-ipurangi. Mō ngā ākonga wā mutunga, ngā rangatahi pakeke, ngā ākonga ō tāwāhi me ngā ākonga kōhungahunga tēnei tono.
Ngā ākonga pakeke me ngā ākonga utu
I tēnei wā, he tono ā-ipurangi motuhake tā mātou mō ngā ākonga pakeke me ngā ākonga utu.
Te Pou Tautoko Ākonga Paparua
Ka āhei ngā kaiwhakarato takirua ki te tīmata i te tukanga rēhita mā ā rātou ākonga, mā te takiuru ki Te Pou ka whakaoti ai i te tono tuihono. Ka taea e tō Pou Whakarite, e tō Pou Whakarite Mātauranga rānei te whakarite i tā rāua takiuru ki Te Pou mā te whakapā atu ki tō mātou rōpū Tautoko Ākonga me ngā Whānau.
Tā mātau paearu whakauru-e āhei ana koe?
Ka āhei koe ki te whakauru ki Te Kura mēna:
- Ka āhei koe ki te rēhita ki Te Kura mēnā he ākonga ā-motu koe e noho ana i Aotearoa, hāunga anō ngā āhuatanga kua tohua i roto i tā mātou kaupapa here rēhita.
- Kāore e taea e koe te haere ki tētahi kura kanohi ki te kanohi, hei tauira, e noho ana koe i tawhiti, kua tūtohua mai koe ki a mātou mō ngā hiahia ohotata, oranga rānei, ka ea rānei ngā paerewa i roto i tā mātou kaupapa here rēhita.
- He taiohi koe kua 16 tau neke atu tō pakeke, he pakeke rānei e hiahia tonu ana ki te ako.
- E hiahia ana tō kura matua kia ako koe i ētahi kaupapa i Te Kura.
- E tutuki ana i a koe ngā paearu mō tā mātou hōtaka Te Ara Kōhungahunga | Early Childhood.
Ko te nuinga o ngā rēhitatanga ki a mātou kāore he utu. Mehemea e noho ana koe i tāwāhi, tērā rānei e kore e tutuki ana ētahi paearu i a koe, tērā pea me utu koe i te utu e hiahiatia ana.
Pānuihia ā mātou tikanga whakauru me ngā here
Hei kimi mēnā e āhei ana koe, ō tamariki rānei, ki te ako i Te Kura, ka taea e koe te tirotiro i te kaupapa here whakaurunga a te Manatū Mātauranga, kōrero rānei ki tētahi o ā mātou kaitohutohu i te rōpū Tautoko Ākonga me te Whānau.
Ngā tuhinga matua
Ā mātou tomokanga whakaurunga
He maha ngā huarahi rerekē ki te hono mai ki Te Kura. Mō ētahi o ā mātou tomokanga whakaurunga me tuku mai koe i ētahi tuhinga tautoko, pērā i tētahi reta mai i tētahi tari kāwanatanga, i tētahi rōpū hākinakina ā-motu rānei, he rārangi haere hoki mō te haerenga. Ka taea te whakaoti tika i ngā tono mō ētahi atu tomokanga mā tā mātou paetukutuku me te whakaatu taunakitanga tuakiri me ētahi atu kōrero.
Arotakengia te ripanga kei raro iho nei, kia kitea ko tēhea te tomokanga e āhei ana koe. Tēnā, tirohia te kaupapa here whakaurunga a te Manatū Mātauranga mō ētahi atu taipitopito.
| Tomokanga whakauru | Whakaahuatanga tomokanga | Ngā tuhinga me tuku e koe i te wā e tono ana ā-ipurangi (tērā pea ka hiahiatia ētahi atu arowhai hei whakaū i te āheitanga) |
|---|---|---|
| Wā mutunga | Mō ngā ākonga mai i te 5 ki te 19 tau e tika ana mō te rēhitatanga e tautokona ana e te kāwanatanga mō tā rātou hōtaka katoa |
|
| Taiohi |
Mō ngā ākonga 16–19 tau te pakeke e hiahia ana ki te ako wā katoa, ki ētahi marau motuhake rānei, ā, kāore hoki i whakauru ki tētahi atu kura wā katoa |
|
| Pakeke | Mō ngā ākonga 20 neke atu te pakeke, e hiahia ana kia haere tonu ā rātou akoranga mātauranga |
|
| Takirua | Mō ngā ākonga kua whakauru ki tō rātou kura matua, ā, e ako ana hoki i tētahi, neke atu rānei o ngā marau i Te Kura |
Ka whakaritea tētahi Whakaaetanga Hononga Kaiwhakarato Urungarua i waenga i Te Kura me tō kura. |
| Te utu e utua ana (mo ia hōtaka) | Mō ngā ākonga e hiahia ana ki te ako i tētahi hōtaka katoa, engari kāore e whai mana mō ngā wāhi pūtea e tautokohia ana e te kāwanatanga |
|
| Ngā utu ākonga (ia kaupapa) | Mō ngā ākonga (tae atu ki ngā ākonga kāinga ako, kura tūmataiti hoki) e hiahia ana ki te ako i tētahi, neke atu rānei o ngā kaupapa ako motuhake |
|
| Kōhungahunga | Mō ngā tamariki 2–6 tau te pakeke kāore e āhei ki te toro atu ki tētahi ratonga ECE ā-rohe nā te hauora, te wāhi noho, me ētahi atu take |
|
| Tangata whenua noho Tāwāhi | Mō ngā kirirarau o Niu Tīreni, ngā kainoho e noho ana i tāwāhi |
|
| Kura Raumati | Mō ngā ākonga e āhei ana, e hiahia ana ki ngā whiwhinga NCEA 12, kia anga whakamua ai ki te ako anō, ki te whakangungu, ki te mahi rānei |
|