Tūmataiti Privacy

Ka kohi a Te Kura i ngā pārongo whaiaro a ngā ākonga, ngā whānau me ētahi atu tāngata i te mea he puna mātauranga e whāngai ana i te mātauranga, tae atu ki te whakauru ākonga, te whakaako me te ako anō hoki. Me kohikohi hoki a Te Kura i ngā pārongo whaiaro kia ū ai ki te Education and Training Act 2020 me ērā atu whakaritenga a te Manatū Mātauranga. Ka whakamahia ēnei pārongo hei:

• hāpai i te mātauranga me te pae tawhiti o te ākonga
• kawe i ngā ngohe a te kura
• mātua mōhio ka whaitake a mātou ratonga, ā, e whakatutuki ana i ngā whāinga mātauranga kia noho haumaru ngā ākonga me ngā kaiako.

He nui a mātou huarahi kohi pārongo whaiaro, anei ētahi:

• ina tukuna tikatia mai ki a mātou – hei tauira, i te wā o te tukanga whakauru, i te wā e tuku ana ngā ākonga i ā rātou mahi kura, me te wā e whakakī ana i ētahi atu puka me ngā tirohanga tauanga
  
• ngā rāngai kiritoru (me whai whakaaetanga) - hei tauira, kia tae mai ngā pārongo ki a mātou mō te kokenga me ngā whiwhinga a te ākonga mai i te kura o mua i tō rātou whakauru ki Te Kura
• kia waihangahia ngā pārongo whaiaro mā te whakamahi i ā mātou pūnaha me ngā ratonga – hei tauira, ka whakamahi ngā ākonga i My Te Kura tā mātou Pūnaha Whakahaere Akoranga, ā mātou pae tukutuku, ā mātou pūnaha aho kore rānei
  
• kei ngā tari o Te Kura ngā kāmera CCTV (Ka whakatū tohu hei whakaatu i tēnei).
  

Ko te take o te whakamahi i te CCTV kia noho haumaru ai ngā kaimahi me ngā manuwhiri. Ka tū tēnei hei whakakōroiroi i ngā hunga taihara me te āwhina ki te hopu i tēnei mahi ki te taiharatia ngā wāhi mahi. Ka āwhina hoki ki te arotake i te taihara me te whakapā tere nei ki ngā momo whakapā mēnā me tae mai ngā ratonga tūohotata. E taea noatia ana te mātaki ngā whitiata ki te whakaae te Āpiha Tūmataiti o Te Kura kia whai tonu i te Kaupapahere Tūmataiti o Te Kura.

Tērā pea ka tuku te kura i ngā kōrero pārongo ki tētahi rāngai kiritoru mēnā e hāngai ana ngā pārongo ki te kura, te hauora, te tokoora o te ākonga i te wā kei te kura, inā mutu rānei ia i Te Kura. Ko ngā rāngai kiritoru:

• ngā manatū kāwanatanga pērā i te Manatū Mātauranga, Mana Tohu Mātauranga o Aotearoa, te Tari Arotake, a Oranga Tamariki tae atu ki te Manatū Whakahiato Ora
  
• ngā kura, ngā ākonga e nuku ana ki tētahi atu kura, e haere mai ana rānei i tētahi kura, kua rēhita rānei hei ākonga takirua
  
• he akoranga tuihono kua whakaaetia e te Kōmiti Akoranga o Te Kura hei rauemi akoranga i waho atu i ngā akoranga a Te Kura.
  

He nui ake te whakahaere a Te Kura kia whakauru ngā ākonga ki ngā momo rāngai mātauranga e whakaako hōtaka ako ana me ngā rauemi whaitake ki ngā ākonga. Ka waihangatia ēnei paetukutuku mō te Mārautanga o Aotearoa me te Mana Tohu Mātauranga o Aotearoa. E tūtohu ana a Te Kura i ēnei paetukutuku ki ngā ākonga i te mea e tuku rauemi ana hei hāpai i ngā akoranga a Te Kura. Ka tino whakapau kaha a Te Kura ki te whakamana he pakari ngā kaupapa here a ēnei kaiwhakarato kia noho haumaru ai te pupuri i ngā pārongo whaiaro.

Te ingoa o te ākonga, te nama ākonga, te īmēra me te wāhitau īmēra o ngā mātua/kaitiaki o te ākonga. Tērā pea ka tuku i ēnei pārongo ki ngā kaiwhakarato ipurangi kia rēhitatia ki ā rātou whārangi ipurangi. Mā te tuku i tētahi tono mō te whakauru, me whakaae te ākonga kia tuku i ngā pārongo whaiaro ki ngā rāngai kiritoru kia hāngai atu ki ngā tauākī tūmataiti.

Mēnā he pātai, he āwangawanga, he whakaaro rānei tō te ākonga mō ngā whare ākonga, ngā wāhi, te tukanga rēhita, īmērahia a curriculum@tekura.school.nz

I raro i te Education and Training Act 2020 me te Education (School Boards) Amendment Regulations 2022 (Ngā Poari Kura). Me tuku pūrongo ngā kura ki ngā mātua, ki ngā kaitiaki anō hoki mō te ahunga whakamua me ngā whakatutukitanga paetae a te ākonga.

I raro i te ture Tiaki Tamariki/ Care of Children Act 2004, kei roto i ngā kawenata, ngā mana, ngā motika me ngā kawenga a te matua, kaitiaki rānei, te whakatau i ngā take mātauranga, ahakoa kei te noho te tamaiti ki te kaitiaki, kāore rānei. Me whakamahi ngātahi ēnei kawenata, mana, motika me ngā kawenga me ētahi atu kaitiaki o te tamaiti.

Ki tā te ture, ka tohatoha a Te Kura i ngā pārongo ki ngā mātua, ngā kaitiaki tae atu ki ngā kaitiaki kore mana pupuri tamariki. Ka pakeke haere te tamaiti me ōna māramatanga ka whai whakaaro a  Te Kura mō te nui o ngā pārongo, te tangata, te rahi rānei ka pirangitia kia tukua.

I raro i te Privacy Act 2020, ko ngā pārongo whaiaro e mau nei a Te Kura mō te ākonga atu i te pārongo mō te kokenga me ngā whiwhinga a te ākonga, e whakaaetia noatia ana kia tukuna ki te ākonga ki tētahi kaikawe whaimana pērā i te Roia mō te tamaiti i tohua e te Kōti Whānau.

Ko ngā pārongo whaiaro mō te ākonga ka tuku noatia ki tētahi ratonga, ngā mātua me ngā kaitiaki hoki ki te tuhi whakaaetanga te ākonga e mea ana rānei te Privacy Act me ngā ture kāore he take kia whai whakaaetanga.

I raro i te Privacy Act 2020 ko ngā pārongo whaiaro e pā ana ki ngā mātua, ngā kaitiaki, me ētahi atu tāngata rānei e pupuri nei a Te Kura e taea noatia ana te tuku ki taua tangata, ki tētahi kaikawe whaimana rānei. Ka tuku noatia ngā pārongo whaiaro ki tētahi hunga mēnā kua tuhi reta whakaae, me whai i te Privacy Act, ko ētahi atu whakature e whakaae ana kia tuku i ēnei pārongo.