Te whakataki i tā mātou hōtaka Te Ara Tipu
Te waihanga i tētahi tūāpapa pakari mō te ako.
Ka mahitahi mātou ki a koe me tō tamaiti ki te waihanga i tētahi hōtaka ako e hāngai ana ki tō ao – i te kāinga, i tō hapori, ā-ipurangi hoki. Ka ako tō tamaiti i runga anō i tōna ake tere, i ōna hiahia me ōna aronga. Ka tautokongia kōrua ko tō tamaiti e a mātou kaimahi.
E arotahi ana a Te Ara Tipu ki te whakawhanake i ngā pūkenga taketake o te reo matatini, te pāngarau me te reo matihiko, e hāngai ana ki Te Marautanga o Aotearoa, ā, ka rarangahia ki roto i Te Ara Pounamu, tā mātou marautanga ā-rohe. Ka whakarato mātou i tētahi huinga taurite o ngā mahi ā-ipurangi me ngā mahi kāore i runga ipurangi, kia whānui ai ngā whai wāhitanga ako i roto i ngā horopaki rerekē.
Ka whakawhiwhia ia ākonga ki tētahi Kaimanaaki e mahitahi ana me tō tamaiti me tōna whānau ki te waihanga i tētahi Mahere Ako Whaiaro (PLP), e whakanui ana tō rātou tuakiri, tō rātou reo me tō rātou ahurea. Ka āhei tō tamaiti ki te whakatakoto whāinga ako me ngā whāinga whaiaro e hāngai ana ki ōna aronga, ōna pūmanawa me ōna hiahia ako.