Ngā Akoranga Whakawhiti Taiohi Youth Transitions courses

He hōtaka wheako aramahi a Gateway mō ngā ākonga Tau 11 –13. Mā te whai i te Gateway, e āhei ana koe ki te wheako i te ao mahi i a koe i te kura tonu. Nō reira, ka ako koe i ngā pūkenga hou me te ako anō i ngā paerewa i te wā kotahi. I te nuinga o te wā, kāore koe e utua ki te whai koe i te Gateway.

Ko wai te hunga e āhei ana ki te tuku tono ki te kaupapa Gateway?

E wātea ana te Gateway ki ngā ākonga ukiuki Tau 11-13. Ka arongia te ako tautauāmoa, nō reira me ngākau whiwhita ki te whakatutuki i ngā mahi.

He aha ngā tohu ka whakawhiwhia ki a koe?

Ka waihangatia he Mahere Ako Gateway motuhake e hāngai ana ki a koe. Ka whakamahi i te marau ako a Te Kura me ngā paerewa ahumahi e hāngai ana ki te mahi i kōwhiria e koe. Ka tuku ia Mahere Ako Gateway e 20 ngā whiwhinga.

Ka pēhea ngā whakahaeretanga o Gateway?

Ka tae ā-tinana atu koe ki te wāhi mahi e kaingākautia ana e koe. Kei raro iho nei tētahi rārangi o ngā wāhi ahumahi i whāia e ā mātou ākonga. E āhei ana ki te mahi ki ētahi atu wāhanga ahumahi – me whakamōhio noa mai ki a mātou ōu hiahia.

• Ngā Mahi Motokā
• Te Ao Hanganga
• Ngā Mahi Pāmu
• Kura Kōhungahunga
• Ngā Mahi Hiko
• Te Ao Eke Hōiho
• Manaakitanga
• Ngā Mahi Kaihoko

I a koe e whai ana i te hōtaka ka whai wheako mahi koe, ka mutu, ka arahina koe e tētehi rangatira o te wāhi mahi. Me oti hoki i a koe tō Mahere Ako Gateway. Ka whakaurua atu ki konei ko ngā mahi ā-tuhi, ā, i ētahi wā ko ngā mahi ā-ringa hoki ka aromatawaitia ki tō wāhi mahi.

Ka pēhea au e tono?

Mō te roanga atu o ngā mōhiohio e pā ana ki te Gateway, ki te hiahia rānei koe ki te tono mō tētahi tūranga, tēnā kōrero atu ki tō Kaimanaaki kātahi ka īmēra i te Tīma Whakawhiti Taiohi ki gateway@tekura.school.nz

Ahakoa ka noho tuwhera  te wāhanga tuku tono, he motuhake tonu ngā tūranga Gateway, ā, e whakahau ana mātou kia wawe te tuku tono kei kapi katoa ngā tūranga.

Mēnā e whakaaro ana koe ki tētahi momo kāpeka aramahi, tērā pea ka āwhina tētahi akoranga STAR i a koe ki te whakatau mehemea koinei te ara tika mōu. He akoranga poto a STAR mō ngā tuakana kei ngā Kura Tuarua. Ka tū ēnei akoranga ki ngā kuratini ki ngā whare whakangungu tūmataiti hoki. He maha ngā ahumahi rerekē o ngā akoranga STAR. Ko ētahi ō ā mātou akoranga rongonui katoa ko ngā ahumahi pērā i te kutikuti makawe me te ako rerehua, kaimahi motokā, kaitūmau inuwera me kaihanga papatono rorohiko. 

Ka pēhea ngā whakahaere a STAR?

Ka whai wāhi koe ki tētahi hōtaka poto mō tētahi/ētahi rā o te wiki.

He pūtea tautoko mō ngā haerenga

E wātea ana ngā ākonga STAR ki te tono pūtea āwhina. Ki te haere koe mā runga waka tūmatanui me pupuri koe i tētahi kape o āu tīkiti, he rihīti rānei me tētahi puka tono haerenga. Ki te haere mā runga motokā, me rekoata koe te tawhiti o tō taraiwa. Mō te roanga atu, tēnā, īmērahia te māngai o tō rohe.

Tikiake i te pepa tono a STAR mō ngā haerenga

He aha ngā akoranga e wātea ana ki tō rohe?

Pāwhiria tō rohe kei raro iho nei, kia kite ai koe i ngā akoranga e wātea ana ki tō rohe. Mēnā he pai ki a koe tētahi o ngā akoranga, ā, kāore e rārangitia ana, tēnā, whakamōhio mai.

Te Tai Raro

Tamaki Makaurau

Te Kāhui Rāwhiti

Te Kahui Hauāuru

Te Tai Manawa

Te Tai Runga

Te Aka Taumatua 

Ngā Akoranga Ako Tawhiti

Mō te roanga atu

Me tāpui ngā akoranga STAR e te māngai o tō rohe. Rapua tō māngai ā-rohe kei raro iho nei, whakawhiti kōrero rānei ki tō Kaimanaaki mō ngā kaupapa e kaingākautia ana e koe.

STAR: Ngā Māngai ā-rohe

E tuku ana a Te Kura i ngā akoranga ringarehe puta noa i Aotearoa mō ngā ākonga Tau 11 neke atu.

He hōtaka ā-ringa ēnei e mahitahi ana me ngā whareako paetoru pēnei i ngā kuratini me ngā whare whakangungu tūmataiti. I te nuinga o te wā ka whakahaerehia ngā akoranga kanohi ki te kanohi, kotahi rā, e rua rā rānei i te wiki.

Ka arahina ēnei hōtaka i a koe ki te NCEA Kaupae 2, he whakangungu anō, he akoranga anō, he aramahi hoki.

E whai wāhi ai koe me ākonga ukiuki, ākonga taiohi rānei koe ki Te Kura, whai i ngā kaupapa ako e toru NCEA Kaupae 1, ū kia oti i a koe te hōtaka i te tau kotahi, i ngā tau e rua rānei.

Ka pēhea ngā whakahaere o Huarahi Trades Academy?

Ka tae atu koe ki ngā akoranga Trades Academy me tētahi o ā mātou hoa patui mō te kotahi rā, e rua rā rānei ia wiki. Ko ā mātou hoa patui ka tae rā anō ki:

• Adventure Works – Auckland
• Ara Institute of Canterbury – Ashburton, Christchurch, Oamaru, Timaru
• Avon City Ford – Christchurch
• Design School – Palmerston North and Whangarei
• Dive Zone Tauranga
• Eastern Institute of Technology – Hawke's Bay and Tairāwhiti
• Employ NZ Tauranga
• Enviroskills – Northland, Te Kahui Rāwhiti, Te Kahui Hauaūru, Central South
• ETCO
• International Travel College – Auckland and Whangarei
• Land-Based Trade Academy (National Trades Academy) – Christchurch
• Manukau Institute of Technology Trades Academy – Auckland
• NorthTec – Whangarei
• NZMA Wellington, Auckland and Hamilton
• Otago Secondary-Tertiary College (Otago Polytechnic) – Cromwell and Dunedin
• Papa Taiao Earthcare
• Primary ITO
• Southern Institute of Technology (SIT)
• Techtorium – Auckland
• Top of the South Trades Academy (NMIT) – Marlborough and Nelson
• Toi Ohomai – Bay of Plenty
• Unitec – Auckland
• U-Skills (UCOL) – Masterton, Palmerston North and Wanganui
• Vision College – Christchurch
• Waikato Trades Academy (Wintec) – Hamilton, Pukekohe and Thames
• Wellington Trades Academy (Weltec/Whitirea)
• West Coast Trades Academy (Tai Poutini) – Greymouth and Westport
• Western Institute of Technology at Taranaki (WITT)
• Whenua Iti Outdoors

Ngā Arawātea Pātuinga

E tuwhera ana ō mātou ngākau ki ngā pātuinga, arawātea hōu mō ā mātou ākonga. Mēnā e manawanui ana koe ki ēnei momo hōtaka, ā, kāore te kaiwhakarato i raro iho nei, tēnā, tuku īmēra ki huarahi@tekura.school.nz kātahi ka whakarite mātou i te huarahi whakamua.

He aha ngā hua ki ahau?

He maha ngā hua pai ka puta i te whai i tētahi o ngā hōtaka ringarehe:

• He mahi ā-ringa, he ara ā-ringa hei whakarite i a koe ki te ao mahi, ki ētahi mātauranga matua rānei
• Ka waihanga i tō ake Mahere Ako e hāngai pū ana ki ōu hiahia me ō kohara
• Ka whakapiki māia, kiritau kia rite ai koe ki te mahi
• Ka tere ake tāu uru ki tētahi rāngaimahi, tētahi akoranga ringarehe rānei.

Ko wai te hunga e wātea ana ki te tono ki te Huarahi Trades Academy?

E mana ai tō tuku tono ki tētahi hōtaka Huarahi Trades Academy me:

• tau 11 neke atu rānei tō pakeke
• whakauru koe ki ngā kaupapa ako NCEA Kaupae 1 e toru ki Te Kura.

He takohanga tēnei mō te tahi ki te rua tau, ahakoa te wawe, te pōturi rānei o te ākonga ki te whakatutuki i ō rātou whāinga. Kāore he utu mō ēnei akoranga.

Mēnā e ngākaunui ana koe ki ēnei momo akoranga a Huarahi Trades Academy, whakawhiti kōrero me tō Kaimanaaki, kātahi waeahia te Tīma Whakawhiti Taiohi, ki 0800 65 99 88 ext 8552, tuku īmēra rānei ki huarahi@tekura.school.nz.

Mēnā e mōhio ana koe ki te aramahi e pai ana ki a koe engari tē taea e koe te tae ā-tinana atu ki taua akoranga, tēnā, whakamātauhia a Tertiary Link. He ako tawhiti a Tertiary Link mā tētahi o  ngā kaiwhakarato e mahitahi ana ki a mātou.

Ko ngā akoranga Tertiary link e tukuna ana e mātou

Ka pēhea ngā whakahaere o Tertiary Link?

Ko te nuinga o ngā akoranga Tertiary Link he akoranga ā-tuhi, engari tērā pea he mahi ā-ringa hoki. Ka whai wāhi mai koe ki te mōhio he aha tēnei mea te ako ki te whareako paetoru, tērā pea ka āwhina hoki i a koe ki te whakatau i te huarahi aramahi e tika ana māu.

E wātea ana te 12-14 whiwhinga NCEA ki a koe i ngā akoranga huhua o Tertiary Link.

Ko wai te hunga e āhei ana ki te tuku tono ki Tertiary Link?

Mehemea e whakaaro ana koe ki te tuku tono, kōrero atu ki tō Kaimanaaki, kia rongo ai koe mehemea e hāngai ana ngā akoranga Tertiary Link ki ōu whāinga. Ka whakaae ana tō Kaimanaaki, tēnā, tirohia ngā mōhiohio ā-kaupapa, kia mōhio ai koe ko wai te māngai whakawhiti taiohi tika hei whakapā atu. Ki te whakaaetia tō tono, mā Te Kura te taha ki te utu.