Tukuna mai āu whakahoki kōrero
Tukuna mai āu whakahoki kōrero mō ā mātou ratonga, ā, mēnā he nawe āu mō te āhua o te rātonga i whakawhiwhia ki a koe, me wawe te whakapā mai ki a mātou.
Ka kaha tā mātou āwhina i a koe ki te whakatutuki i ō nawe i roto i te wā me te taumata e tika ana.
Mēnā he ākonga, he mātua, he kaitiaki rānei koe o tētahi ākonga, tēnā kōrero i āu nawe ki tō Kaimanaaki, ki tōna Kaiārahi Matua rānei i te tuatahi.
Mēnā e kōhukihuki tonu ana ō nawe whai muri i tēnei kōrero, whakapā atu ki te Kaiārahi ā-rohe o tō takiwā.
Ki te kōhukihuki tonu tō nawe, ka hiahia rānei koe ki te tuku nawe, tēna tukuna mai tētahi tuhinga e taea ai e mātou tō take te arotake me te whakahoki kōrero ki a koe. Me whakaatu rawa tō amuamu ā-tuhi i te horopaki me ngā take o te amuamu, me te whakauru hoki i ngā mōhiohio tautoko, i ngā taunakitanga rānei e hāngai ana.
E āhei ana koe ki te tuku mā te īmēra, mā te poutāpeta rānei ki a mātou.
Īmēra: officeCE@tekura.school.nz
Poutāpeta:
Office of the Chief Executive
Te Aho o Te Kura Pounamu
Private Bag 39992
Wellington Mail Centre
Lower Hutt 5045
Ngā maiki whakaita ā-ringa
Tēnā, whakamahi i tēnei tukanga tuku nawe ki te hiahia tono koe mō tētahi amuamu e pā ana ki tētahi maiki whakaita ā-ringa kua pāngia ki a koe, ki tāu tamaiti rānei.
Ko ā mātou kaupapahere mō te urupare ākonga me te kore whakaita kei te wātea i tā mātou paetukutuku.