Rēhita mō te NCEA Register for NCEA

Ko ēnei katoa he mea aromatawai-ā-waho:

• Ngā whakamātautau mutunga tau o NCEA me te NZ Scholarship
• Kōpaki, Pūrongo me te Kete Manarua mō te:
  • Kaupae 1 Kanikani | Puoro| Hākinakina | Te Ao Haka | Te Reo Māori
  • Ngā kaupae katoa o te Hoahoa me te Whakawhiti Ataata | Hangarau | Ngā Toi Ataata
  • NZ Scholarship Hauora & Akoranga Koiri | Puoro

E āhei ana ki te aromatawai anake i ngā Kōpaki mahi, ngā Pūrongo me te Manarua mēnā ka tīpakona e koe ngā paerewa aromatawai-ā-waho tika i tō puka rēhita NCEA.

Ka tae atu tētahi īmēra ki a koe, ki tō kaimanaaki rānei, me ngā tohutohu mō ngā mahi me te wā e tutuki ai. Mēnā kāore koe i te tino mōhio ki te rēhita, ki ngā paerewa aromatawai-ā-waho hei tīpako māu, pātai atu ki tō kaimanaaki ki tō kaiako rānei.

Kei tō kura matua te kawenga ki te rēhita i a koe mō ngā paerewa aromatawai-ā-waho mō ō marau Te Kura.

Me rēhita anō koe mō ngā paerewa aromatawai-ā-waho mā roto mai i Te Kura. Ka īmēra tō mātou rōpū Tohu Mātauranga i ngā tohutohu mō ngā mahi māu me te wā e tutuki ai.

Me tuku e koe tētahi puka rēhita NCEA ā-tuihono hei whakamōhio mai ki a mātou:

• ko ēhea paerewa aromatawai-ā-waho e hiahia ana koe ki te whakamātau
• te wāhi e whakaaro ana koe ki te whakamātau i ō whakamātautau mutunga tau
• mēnā e hiahia ana koe ki ngā Special Assessment Conditions (SAC) / Ngā Tikanga Aromatawai Motuhake.
  

Kotahi anake te puka rēhita ka taea e koe te tuku, nō reira me whakauru ki roto ngā paerewa aromatawai-ā-waho katoa e hiahia ana koe ki te whakamātau, tae atu ki ngā SAC e hiahiatia ana.

Ka taea e koe te tīpako kura mai i te rārangi o ngā Kura Pokapū Whakamātautau e wātea ana, ā, me whakamātau koe i ō wāhanga whakamātautau katoa ki te Kura Pokapū Whakamātautau kotahi.

Mēnā kei roto i tō rēhita ngā paerewa whakamātautau mutunga tau:

• Ka rēhita rangitahitia koe kia tae mai rā anō te whakaaetanga mai i tōu Exam Centre School/Pokapū Kura Aromatawai  mutunga tau i kōwhiria e koe, mā tā mātou pae tuihono mō ngā kura.
• Ka rēhitatia aunoatia koe mō ngā whakamātautau parakitihi.
• Kia mahara, me whakaoti anō e koe tētahi Puka Tirotiro mō te Whakamātautau Whakaharatau i  mua i te rā aukati e tika ana.

He mea nui kia tirohia e koe ngā paerewa i tīpakona e koe i tō puka rēhita NCEA, ā, kia whakamōhio tonu i tō mātou rōpū Tohu Mātauranga/ Qualifications mō ngā panonitanga.

Mēnā he hauātanga ā-hauora, ā-tinana, ā-rongo, ā-ako motuhake rānei tōu, tērā pea ka āhei koe ki te SAC. bility, you may be eligible for SAC. Me tuku e koe ngā taipitopito ki tō puka rēhita NCEA ā-tuihono.

Ehara a Te Kura i te Kura Pokapū Whakamātautau mutunga tau, nō reira me pātai koe ki tētahi kura tuarua ā-rohe mēnā ka taea e koe ō whakamātautau te mahi ki reira.

Ka tīpako koe i tētahi kura i te puka rēhita NCEA. Ka taea e koe te kōwhiri i tētahi kura e pai ana ki a koe, ā, kaua noa ko tētahi kura i haere ai koe ki reira i mua.

1. Ka īmēra atu a Te Kura ki a koe ki te whakaatu ko wai hei whakapā atu māu i tō kura i kōwhiria, inā tae mai tō puka rēhita NCEA ki a mātou.
2. Ka tae anō he īmēra ki tāu Kura Pokapū Whakamātautau i kōwhiria, me te hononga ki tā mātou pae tuihono mō ngā kura. Me tuku e rātou tā rātou whakatau ki Te Kura mā te pāwhiri i te hononga. Ka taea e rātou tēnei te whakatutuki ina rongo rātou ki a koe.

Me whiwhi koe i te whakaaetanga mai i tāu Kura Pokapū Whakamātautau i kōwhiria i mua i te rā aukati kua tohua i tā mātou īmēra tohutohu.

Me whakaae te Kura Pokapū Whakamātautau i tīpakona e koe tō puka rēhita NCEA ki tō tono i tā mātou pae tuihono, kia mōhio ai mātou ki tā rātou whakatau.

• Ina whakaaetia, ka tae atu tētahi īmēra ki a koe mai i Te Kura hei whakaū i tō rēhita paerewa aromatawai-ā-waho. Kei roto i tēnei te āhua o ō whakamātautau mutunga tau — matihiko, ā-pepa rānei — me te hononga ki te wātaka whakamātautau mutunga tau o NZQA.
• Mēnā kua whakaaetia koe e tō Kura Pokapū Whakamātautau engari kāore anō kia tae mai he īmēra whakaū mai i Te Kura, tēnā whakapā atu ki tō mātou rōpū Tohu Mātauranga/Qualifications. Tērā pea ko te tikanga kāore anō te Kura Pokapū Whakamātautau kia tukuna tā rātou whakatau ōkawa ki tā mātou pae tuihono.

Me whakakāhore te Kura Pokapū Whakamātau i tīpakona e koe i tō puka rēhita NCEA i tō tono i tā mātou pae tuihono, kia mōhio ai mātou ki tā rātou whakataunga.

Ka tukuna atu e mātou tētahi īmēra ki a koe e tono ana kia whakapā atu koe ki tō mātou rōpū Tohu Mātauranga me te ingoa o tētahi atu kura tuarua hei Kura Pokapū Whakamātautau hou mōu. Kātahi mātou ka whakahou i tō rēhita NCEA me te tuku i ngā taipitopito whakapā hou ki a koe.

Ko te take o ngā whakakāhore i te nuinga o te wā:

• kāore e taea e rātou te manaaki i a koe mō ō wāhanga whakamātautau mutunga tau katoa
• kua kī katoa ā rātou wāhanga whakamātautau
• kāore e taea e rātou tētahi whakaritenga SAC te tautoko pērā i te rūma motuhake.

I tēnei tau, ka tū ngā whakamātautau whakaharatau NCEA a Te Kura mai i te 31 o Hereturikōkā ki te 4 o Mahuru 2026.

Ka whakamāturia ngā whakamātautau Whakaharatau NCEA ki te kāinga, ki tētahi wāhi rānei o Te Kura me tētahi e āta mātakitaki ana. Me mātakitaki ia e tētahi tangata ehara nō te whānau, kia whai wāhi atu ia ki ngā tohu kounga pūkē.

Ko ngā whakamātautau whakaharatau e whakamāturia ana i te kāinga, tērā pea ka hiahiatia he motuhēhē tāpiri kia āhei ai mō te tohu kounga pūkē.

Tērā pea ka wātea te kaitirotiro ki ngā Huinga Ako – me pātai atu ki tō kaimanaaki mō te wāteatanga i tō rohe. Me whakaoti tonu koe i te Puka Tirotiro Whakamātautau Whakaharatau ahakoa ka mātakitakina koe i tētahi Huinga Ako i tō rohe.

Tēnā whakaoti i te puka i raro iho nei i mua i te rā aukati, arā, hei te 11:59pm i te 31 o Hereturikōkā 2026.

Puka Tirotiro Whakamātautau Whakaharatau

E wātea ana te roanga atu o ngā taipitopito ki te akoranga NCEA Practice Exams i My Te Kura i te Wāhanga 3.

Ko ngā whakamātautau matihiko ka patoa ki runga i tētahi pūrere whai papapātuhi ā-tinana kua honoa atu, kaua ko te tuhinga ā-ringa ki ngā puka whakamātautau.

Ko ētahi whakamātautau mutunga tau he matihiko anake, ko ētahi atu kei runga pepa anake. I ētahi marau, he kōwhiringa kei waenga i te matihiko, te pepa rānei.

I ngā marau he kōwhiringa, mā tō Kura Pokapū Whakamātautau e whakatau ko tēhea hōputu ka whakamahia. Kāore he wāhanga tō Te Kura ki tēnei whakatau.

Mā Te Kura koe e rēhita aunoa mō te hōputu whakamātautau, ki te kore tō Kura Pokapū Whakamātautau e whakamōhio mai ki a mātou i tētahi atu āhuatanga kē. Ka whakamōhio tō Kura Pokapū Whakamātautau i a Te Kura ki tā rātou whakatau i roto i tā mātou pae tuihono i te wā kotahi e whakaae ai rātou ki tō tono.

Ka whakamōhio a Te Kura ki a koe i te whakahaerenga whakamātautau o ia marau ki tō īmēra whakaū rēhita NCEA.

Kāore ngā whakamātautau matihiko e wātea ana ki ngā whakamātautau a Te Kura o tāwāhi.

Mēnā kua whakaūngia koe kia noho ki ētahi whakamātautau matihiko, me whai koe i tētahi rorohiko kawekawe, e tino mahi ana, me te papapato, e taea ana e koe te mau i ngā rā whakamātautau. Me whai hoki koe i tētahi pūrere taringa whakarongo hototahi mō ngā paerewa whakarongo reo. Ka tukuna he rārangi arowhai whakamātautau matihiko ki tō īmēra whakaū.

Mēnā kāore āu rorohiko kawekawe, tērā pea ka taea e kōrua ko tō kaimanaaki te kōrerorero i ētahi whakaaro. hei tauira, te tono i tētahi mai i te whānau, mai i tētahi hoa, te tono rānei ki tā mātou hōtaka āwhina rorohiko kawekawe me te tūhononga mēnā ka tutuki i a koe ngā paearu.

Ki te kore e āhei ana tō kaimanaaki ki te āwhina i a koe ki te rapu otinga, tērā pea me whakamātau koe i ngā whakamātautau ā-pepa. I tēnei āhuatanga, kia tere tonu te whakapā atu ki tō mātou rōpū Tohu Mātauranga/Qualifications, nā te mea me whakarite ētahi whakaritenga motuhake.

Me mau e koe tō puka whakauru whakamātautau whaiaro ki ia wāhanga whakamātautau. Ka whakaatu i te rā me te wā o ia whakamātautau mutunga tau, ā, ka tukuna mā te poutāpeta ki a koe i mua i te mutunga o Oketopa. Mēnā kāore e tae atu ki a koe i taua wā, ka taea e koe te īmēra atu ki tō mātou rōpū Qualifications mō tētahi whakakapinga kua waitohua.