Kua whai rangapū a Te Kura me Microsoft
E wātea ana a Microsoft 365 ki ngā ākonga katoa o Te Kura. Kāore hoki he utu.
Me noho koe hei ākonga o Te Kura i tēnei wā kia āhei ai koe ki te tikiake i tēnei pūmanawa. Ka āhei noa iho koe ki te whakamahi i taua pūmanawa mēna kua whakauru koe ki Te Kura.
On this page
Ngā mea e wātea ana ki a koe
E āhei ana a Microsoft 365 ki te whakamahi i ngā putanga hōu rawa o ēnei pūmanawa:
- MS Word (mō te tuhituhi)
- MS Excel (mō ngā ripanga tātai)
- MS PowerPoint (mō ngā whakaaturanga)
- MS Onenote (mō ngā whakahaerenga me te tuhi tuhipoka)
Ka taea e koe te tāuta i a Microsoft 365 ki runga ki te rima rorohiko PC, Mac rānei e hāngai ana me ngā papa rorohiko e rima anō hoki, tae atu ki te iPapa. I tua atu hoki i ērā, ka taea e koe te whakamahi i a Microsoft OneDrive hei tukutahi aunoa i ō pūrere me te whakauru atu ki ō kōnae i ngā wā katoa.
Me pēhea koe e whiwhi ai
Me whakarite tō pūkete īmēra o Te Kura i te tuatahi, i mua tonu i tō āhei ki te whakamahi i ngā pūmanawa a Microsoft.
- Whakatūwheratia tō pūtirotiro ipurangi, ā, haere ki te whārangi takiuru a Microsoft.
- Whakaurutia ō taipitopito My Te Kura:
Tō wāhitau īmēra: Ingoatuatahi.ingoawhakamutunga@mytekura.school.nz
Kupuhuna: Tō nama ākonga o Te Kura
E tūtohu ana mātou kia hurihia tō kupuhuna i muri tonu i tō takiuru tuatahi.
Ka taea e koe te tikiake i a Microsoft 365 ki tō pūrere, ā, ka taea hoki te whakamahi i ngā taupānga tukutuku a Microsoft 365 i runga ipurangi.
E hiahia tautoko ana?
Mēnā ka hiahia tautoko koe i te wā e takiuru ana ki Microsoft, e whakamahi ana rānei i ngā taupānga tukutuku, tēnā whakapā atu ki tō mātou tīma Tautoko Ākonga me te Whānau. Kei reira rātou hei āwhina i a koe.
Waeahia: 0800 65 99 88 option 2 (Mane ki te Paraire, 8 i te ata ki te 5 i te pō)
Īmērahia: hub@tekura.school.nz