Te whakataki i tā mātou hōtaka Te Ara Hou
Tōu ake huarahi ako, ia rā.
I Te Ara Hou, ka mahitahi mātou ki a koe me tō rangatahi ki te whakapakari i ōna pūkenga me tōna mātauranga taketake puta noa i Te Marautanga o Aotearoa me Te Ara Pounamu, tā mātou marautanga ā-rohe. Tae atu ki te whakatenatena i te tūhuratanga o te ao whānui. Ka tutuki tēnei mā te huinga o ngā mahi ā-ipurangi me ngā mahi kāore i runga ipurangi mā te mahi takitahi hoki me te mahi ngātahi i roto i ngā rōpū.
Mā te mahitahi ki ētahi atu, ka ako te ākonga mo rātou ake me tō rātou hapori. Ka whakawhanake rātou i te ngākau aroha, te manawaroa, me te māramatanga hōhonu ki tō rātou ao, me ngā mea e hiahia ana rātou ki te ako, ki te wheako rānei ā muri ake nei.
Ka whakatenatena mātou i ngā ākonga katoa me ō rātou whānau kia hono atu ki tō rātou hapori mā te tae auau atu ki ngā Huinga Ako ā-kanohi, ā-ipurangi rānei, mēnā ka taea.
Ka āhei ngā ākonga ki te kōwhiri ki te ako mā ngā kaupapa ako whakawhiti-marautanga e hāngai ana ki tō rātou ao o ia rā, ki tētahi kaupapa rānei e ngākau nuitia ana e rātou. Ka āhei ngā ākonga ki te mahitahi me ō rātou whānau, tō rātou Kaimanaaki ki te whakatau i te kaupapa matua, te whānuitanga, me ngā putanga ako o tā rātou kaupapa. Ka taea te whakawhanake ngā kaupapa hei wāhanga o tētahi Mahere Ako Whaiaro (PLP), e āhei ai hoki ngā ākonga ki te whakatakoto i ngā whāinga ako me ngā whāinga whaiaro hei tautoko i tō rātou angitu.