Te whakataki i tā mātou hōtaka Te Ara Pāhake
Tō anamata, tō kōwhiringa.
Mai i te NCEA ki ngā mahi ahumahi, ngā pūkenga mahi, te whakarite rānei mō te whare wānanga – mā mātou koe e tautoko ki te kōwhiri i te huarahi e hāngai ana ki a koe. He ngāwari, he whaiaro hoki te ako, nō reira ka taea e koe te ako tahi me mātou i ngā wā katoa, ā-wāhanga rānei. Ka āhei hoki koe ki te ako me mātou i a koe e haere tonu ana ki tētahi atu kura. Ka tautoko tonuhia koe i konei mēna e hiahia ana koe.
E arotahi ana tā mātou huarahi ako ki ō aronga me ō whāinga mō tō ao i tua atu i te kura. Ka āhei koe ki te waihanga i tētahi Mahere Ako Whaiaro (PLP) me tō Kaimanaaki hei tuhi, hei whakatakoto hoki i ō whāinga ako me ō whāinga whaiaro. Ka whai wāhi ēnei kia whiwhi tohu NCEA mā ō kaupapa ako, te whai wāhi ki ngā whakangungu ā-mahi me te tūhura i ngā kōwhiringa umanga mā tā mātou hōtaka He Whai Taumaru me te tae atu hoki ki ngā kaupapa ahurea, toi, hākinakina i tō hapori.
He maha ngā wā ka tae atu ā mātou ākonga ukiuki me ngā rangatahi pakeke ki ngā Huinga Ako ā-kanohi, ā-ipurangi hoki, kia hono ai ki tō rātou hapori ako, ā, kia whiwhi tautoko i ngā wā e hiahiatia ana.