Te whakamana i ngā akoranga ka whai tautoko
Mēnā kua rēhita koe hei kaitiaki o tētahi ākonga ukiuki. E māraurau ana koe mō tētahi utu tautoko e rua ngā wā o te tau. Āta whai i te tūtohi kei raro iho nei kia kitea mēnā ka whai wāhi mai koe.
Ngā pātai auau
Hei māngai mō Te Tāhuhu o Te Mātauranga, ka tuku atu a Te Kura i tētahi utu ki ngā kaitiaki māraurau o ngā ākonga ukiuki e āhukahuka ana i te akoranga e whai tautoko ana i te kāinga.
E rua ngā wā ka utua i te tau. Ka tuku tōtika te utu ki te pēke pūtea i tohua e koe. Ki te tutuki katoa ngā paearu, ko ngā utu o te wāhanga tuatahi o te tau 2026 ka utua ā te Tāite te 16 o Hōngongoi. Ko te utu o te wāhanga tuarua ka utua ā te marama o Hakihea (Wāhanga tuarua).
The next payment for Cycle 1 will be on Thursday, 16 July 2026.
Ki te tutuki katoa ngā paearu, kei raro iho nei ngā utu o te wāhanga tuatahi:
- Tamaiti tuatahi – $398.00
- Tamaiti tuarua – $338.50
- Tamaiti tuatoru – $278.50
- Tamaiti tuawhā – $199.00
Ko te utu ka tukuna ki te kaitiaki o te ākonga māraurau e mahi tonu ana i te wā o te utunga. Kāore e taea e mātou te whakawehe i ngā utu mēnā kua rerekē te kaitiaki i te wā ka tuku i ngā utu.
I te wā ka whakauru koe i tāu ākonga ki Te Kura, ka whiwhi īmēra koe me tētahi hononga pūmau hei tāpiri atu i ngā taipitopito o tō pūtea pēke ki roto i tētahi tomokanga pūtea pēke haumaru. Mēnā kāore anō kia tae tēnei īmēra ki a koe, kua mukua rānei te īmēra, tēnā pātai atu ki tō Kaimanaaki kia tukuna anōtia.
Kia panonihia ēnei taipitopito, tēnā whakapā atu ki tō mātou Puna Tautoko Ākonga me te Whānau.
Waea: 0800 65 99 88 kōwhiringa 1 (Mane ki te Paraire, 8am-5pm)
Īmēra: hub@tekura.school.nz
Kāore e whai wāhi ana ēnei momo whakauru mō tētahi utu:
- he ākonga taiohi
- he ākonga o tāwāhi
- he ākonga Kōhungahunga
- Mēnā ka utua tētahi kaitiaki e tētahi atu umanga pērā i Te Tāhuhu o Te Mātauranga, Oranga Tamariki rānei.
- he ākonga pakeke
- ngā ākonga ka utu