Te whakataki i tā mātou hōtaka ako Tautoko Akoranga
He rerekē te huarahi ako o ia tāngata. Mā mātou koe e manaaki.
Ka hāngai katoa te Tautoko Akoranga ki ngā tautoko anō e hiahiatia ana e ētahi ākonga kia whai wāhi atu ai, kia eke panuku ai i te ao mātauranga.
Ki te hiahia āwhina anō koe, ka mahi tahi mātou ki a koutou ko tō whānau ki te waihanga mahere. Ka tautoko mātou i ngā momo hiahia katoa – ā-ako, ā-pāpori, kare ā-roto, ā-tinana hoki, ā, ka āwhina mātou i a koe ki te kimi i ōu tino pūkenga / pūmanawa.
I Te Kura, ka whakanuia te kanorau me ngā rerekētanga i roto i ngā horopaki ā-kura me ngā hapori e manaaki ana, e whakauru ana i te katoa. E whakapono ana mātou ko ngā tūāpapa matua o te Tautoko Akoranga ko te whai wāhi mai o ngā ākonga me ngā whānau, ka mutu, te whakamana i ngā kaimahi.
Ko ētahi momo Tautoko Akoranga ka hiahia pūtea anō, engari ko ētahi atu tautoko ka whakaratoa hei wāhanga o tā mātou tuku i te ako whaiaro mō ia ākonga.
Ko ētahi tari kāwanatanga, pērā i te Tāhuhu o te Mātauranga, ACC me Oranga Tamariki, e whakarato ana i ngā pūtea tautoko nō waho. I ētahi horopaki, ka taea e Te Kura te whakarato pūtea ā-roto mō ngā kaiāwhina pouako, mō ngā Whakaritenga Aromatawai Motuhake (SAC) hoki.
Mēnā he pātai āu mō tō āheitanga, mō ō hiahia Tautoko Akoranga rānei, tēnā whakapā atu ki tō kaimanaaki o Te Kura, ki tō Kaiārahi Tīma ā-Rohe rānei mō te Tautoko Akoranga.
Ngā Tautoko Akoranga a ngā Kaiārahi Tīma ā-Rohe
| Rohe | Ingoa | Īmēra |
|---|---|---|
| Te Tai Raro - Tāmakimakaurau me Te Tai Tokerau | James Ryan | James.Ryan@tekura.school.nz |
| Te Tai Whenua - Kapanga, Waikato, Ruapehu, Te Waiariki, Whakatāne, Taupō | Darron Cutler | Darron.Cutler@tekura.school.nz |
| Te Kāhui Rāwhiti, Te Tai Rāwhiti, Te Rohe o Te Matau-a-Māui | Tamla Smith | Tamla.Smith@tekura.school.nz |
| Te Tai Manawa | Mitch Neilson | Mitch.Neilson@tekura.school.nz |
| Te Tai Runga / Te Waipounamu | Judy Cooke | Judy.Cooke@tekura.school.nz |
| Te Aka Taumatua - Ngā rohe katoa o Aotearoa | Puti Mareroa | Puti.Mareroa@tekura.school.nz |