On this page
Ngā ture whakamahi paetukutuku
Ka tiaki, ka pupuri hoki mātou i ētahi pārongo matua mā www.tekura.school.nz me ētahi atu pūnaha a Te Kura. E whakapono ana mātou e whai tikanga ana kia mōhio koe ki ngā momo pārongo ka tiakina e mātou, te take ka tiakina me ngā mahi ka mahia me ērā pārongo.
Ka toro ana koe ki tā mātou paetukutuku, ka tiaki tā mātou tūmau tukutuku i ngā pārongo e whai ake nei:
- te wāhitau kawa ipurangi o te kaiwhakamahi
- te ingoa rohe o te kaiwhakamahi
- te rā me te wā i toro atu ai ki tā mātou paetukutuku
- ngā whārangi me ngā tuhinga i tirohia
- te paetukutuku i hono ai te kaiwhakamahi ki tā mātou paetukutuku
- te momo pūtirotiro me te pūnaha whakahaere i whakamahia.
Ka kohia ēnei pārongo kia āhei ai mātou ki te tātari me te whakawhanake i ngā ratonga o tēnei paetukutuku.
Ka kohia hoki ngā pārongo mā ngā pihikete, he kōnae iti ka tiakina e tāu pūtirotiro ki te pukumārō o tāu rorohiko.
Nā te mea e tuku ana tā mātou pae tukutuku i ngā ihirangi hihiri, me mōhio tā mātou tūmau kei hea koe i roto i te pae tukutuku, ā, e hiahia haere ana hoki koe ki hea. Ka pēnei mātou mā te tuku pihikete ki tāu rorohiko. Ākene pea ka taea e koe te mono pihikete mā te panoni i ngā tautuhinga o tāu pūtirotiro. Ki te pēnei koe, tērā pea e kore koe e wātea ki te whakamahi i ngā āheinga katoa kei tēnei paetukutuku.
Pānuitia tā mātou Tauāki Tūmataiti.
Tērā pea ka hiahia ngā kaitoro ki tā mātou paetukutuku ki te tuku puka, īmēra rānei mai i tā mātou paetukutuku. Ka puritia e mātou tō wāhitau īmēra, i runga anō i tāu tuku karere mai. Hei āwhina i tā mātou whakahoki kōrero ki a koe, tērā pea ka puritia e mātou ngā mōhiohio ka homai e koe.
Ka whakamahia noa ihotia āu pārongo whaiaro mō ngā take e whai tikanga ana ki a koe me te whakawhitiwhiti kōrero hoki ki a koe. He wāhi pea tō te tohatoha pārongo ki ētahi atu kamupene whai tikanga. E kore mātou e whakapuaki pārongo me tō kore whakaae mai, atu i ngā wā me tuku i raro i te mana o te ture.
Mehemea he pārongo ā mātou hei whakatika, tēnā, whakapā atu ki tō mātou Āpiha Tūmataiti: officeCE@tekura.school.nz
Tērā pea me tuku ā-matihiko ngā ākonga e mahi ana mā tā mātou paetukutuku, ātea ako hoki. Tērā pea ka whakamahia mō ngā mahi ako o ia rā, hei whakahou pūkete ākonga rānei. E mōhio ana mātou ki te whai tikanga o te whakamaru i ēnei mōhiohio.
E whakapau kaha ana mātou ki te tiaki i ngā pārongo whaiaro o ia tangata, rōpū hoki mā te whakarite ātea tiaki kupuhuna. Mehemea he ākonga koe, ā, e whakamahi ana koe i tēnei paetukutuku, pūhara rānei kua whakaratoa e Te Kura he haepapa māu ki te tiaki i tō ingoa kaiwhakamahi me tō kupuhuna.
I ētahi wā, ka hiahia mātou ki te whakaatu atu i ētahi mahi, kōrero rānei nā ngā ākonga me tō rātou whānau. Ka whakaputa noa ihotia ēnei taipitopito i runga i te whakaaetanga.
He hononga tō tēnei paetukutuku ki ētahi paetukutuku kē atu. Kāore he hononga ō Te Kura ki ngā tikanga tūmataiti o ērā atu paetukutuku. E āki ana mātou kia pānuitia ngā tauākī tūmataiti kei ēnei whārangi.
Pānuitia tā mātou Tauākī Āheitanga ā-Toro.
Ko ngā pārongo kei tēnei paetukutuku e tika ana i te wā o te whakaputanga, ā, e ngana ana mātou kia tika tonu te noho o ngā pārongo katoa. Ākene pea ka panoni, ka muku, ka tāpiri pārongo rānei mātou ki tēnei paetukutuku, ka mutu, ehara i te mea me whakamōhio atu mātou e pērāhia ana. E āhei ana koe ki te tāmata i te keteroki o tāu pūtirotiro, he wāhi taupua ka pupuri i ngā raraunga kua tirohia, kia mātua kite koe i ngā whārangi hou katoa.
Ko ngā kōrero, whakaahua, oro me ngā ataata katoa kua manatārua e © Te Aho o Te Kura Pounamu, Wellington, New Zealand, atu i ngā wā ka whakamōhio atu kei tētahi atu te manatārua.
E whakapau kaha ana mātou ki te whakamihi me te whakapā atu ki ngā kaipupuri manatārua. E whakapāha ana a Te Kura mō ētehi kōrero i mahue, ā, e ngākau tuwhera ana ki ngā pārongo tika katoa.
Manatārua © Rūnanga Kura 2026, Private bag 39992, Wellington Mail Centre, Lower Hutt 5045, New Zealand. Kua rāhuitia ngā mōtika katoa. Kāore e whakaaetia kia whakaputahia ēnei pārongo ki te kore e whai reta tautoko ā-tuhi mai i a Te Aho o Te Kura Pounamu.
Ko te nuinga o ā mātou ataata me ngā whakaahua kei tēnei paetukutuku kua whakaputahia e Te Kura me Tautua Media.
Ataata nau mai ki Te Kura
Ataata: Flying around Cape Reinga lighthouse, iStock 1469722591, Getty Images. Kua whakamahia me te whakaaetanga.
Ataata: Flight over dormant volcano Mount Eden with Auckland in backround, New Zealand, Envato. Kua whakamahia me te whakaaetanga.
Ataata: Lake Taupō in Taupō, New Zealand, iStock 1499932662, Getty Images. Kua whakamahia me te whakaaetanga.
Ataata: Wellington city and harbour, New Zealand, Envato. Kua whakamahia me te whakaaetanga.
Ataata: Aerial flight over Pelorus Sound in Malborough Sounds on a peaceful, calm day in the remote wilderness of the South Island of New Zealand Aotearoa, iStock 1797056585, Getty Images. Kua whakamahia me te whakaaetanga.
Ataata: Aoraki, Aotearoa – Aeriel view by drone flying over Hooker Valley track, iStock 807962982, Getty Images. Kua whakamahia me te whakaaetanga.
Ataata: New Zealand slider background, Envato. Kua whakamahia me te whakaaetanga.
Ataata Hillary Outdoors
Ataata Hillary Outdoors Tongariro, Hillary Outdoors, https://www.youtube.com/watch?v=cOzaAfX7zGE&t=3s. Whakamahia ai hei ako tuihono mō ngā take mātauranga.
Ngā ture whakamahi pāhopori
E rarangi mai ana ēnei ture whakamahi i te āhuatanga whakahaere a Te Aho o Te Kura Pounamu (Te Kura) i ā mātou pāhopori. Ka pēnei mātou kia mārama pū ai ngā kaihono ki ā mātou pae pāhopori i te pūtake me ngā haepapa whakahaere pāhopori ā Te Kura.
Whakamahia ai mātou i te pāhopori ki te toha ki ngā kiriaru i ngā mea pēnei i:
- ngā rongo kōrero me ngā pārongo mō tō mātou kura, ā mātou ākonga me te Marautanga o Aotearoa
- ngā pārongo mō tō mātou mahi me ngā ratonga
- ngā tono kia whakahoki kōrero ki ētahi kaupapa motuhake
- ngā pārongo ohotata, pēnei i te katinga i runga anō i te huarere taikaha
- ngā pārongo mō te mahi i Te Kura me ā mātou kaimahi
E āhei ana ngā tāngata ki te tūhono mai ki Te Aho o Te Kura Pounamu mā te:
- Pukamata: Te Aho o Te Kura Pounamu – The Correspondence school
- Paeāhua: @tekuranz
- Paeāhua: @tekura_visart
- Paeāhua: @tk.rangatahi
E ū ana mātou kia tango i ngā pōhi ka whakairia ki ō mātou pūkete pāhopori:
- he maukino, he whakahahani, he āhuatua hoki
- kāore i te whai tikanga
- he āhuatanga whakakino
- ka whakamahi taihara i ngā whakaahua, ā, e takahi ana i te manatārua, te whakaaetanga rānei
- ka hono ki ngā paetukutuku āhuatua, whakahahani, maukino, mōtekoteko hoki
- he haukume take tōrangapū
- he paraurehe
- he hononga ki ngā kaupapa arumoni, tae rā anō ki te whakatairanga.
Tērā pea ka rīpoata, ārai, aukati rānei mātou i ngā tāngata ka pōhi i ngā mea kei runga ake nei, ka takahi rānei i ngā ture whakamahi me ngā aratohu e hāngai ana ki te pae pāhopori.
He tino pai ki a mātou te rongo i ō koutou whakaaro. Engari tērā pea kāore mātou e whakahoki kōrero ki ia tākupu, pōhi, karere hoki.
Mehemea kāore i te whai hua tāu, whakapā mai mā te pāhopori, tēnā, tuku īmēra ki: media@tekura.school.nz
E aroturukitia ana ō mātou pūkete pāhopori i waenganui i te 8 karaka i te ata ki te 5 karaka i te ahiahi Mane ki te Paraire, i ētahi ka tirohia i ngā ahiahi, ngā rā whakatā me ngā rā whakatā ā-ture.
Hei wāhanga o tō mātou ratonga tūmatanui mō te taha ki ngā tōrangapū, ka ngākau tapatahi te noho o Te Kura. Kāore mātou i te tautoko i tētahi rōpū tōrangapū, ā, e kore mātou e whakamahi i ā mātou pae pāhopori ki te whakatairanga i ngā karere tōrangapū.
E ū ana mātou kia tango i ngā tākupu ka whakamōrearea i tō mātou ngākau tapatahi ki ngā take tōrangapū.
Ākene pea ka ‘arumia’, ‘paingia’ whakatū hononga rānei a Te Kura ki ētahi atu mā te pāhopori.
Ka pēnei mātou mō ngā take huhua pēnei i te tūhono tonu ki ngā kōrero ā ngā tāngata kei te pāhopori, te tuari, te tuku karere hāngai rānei.
Ki te paingia, arumia rānei tētahi e mātou i te nuinga o te wā kāore mātou e wetearu mō te kore noa iho. Ētahi tauira o te take e wetearu ai mātou i tētehi:
- he pānga kino ki tō mātou mana
- ka whakamōrearea i tō mātou ngākau tapatahi ki ngā take tōrangapū.
Ka motuhake tā mātou titiro ki ia take.
Ka whakatū hononga pae pāpori ana a Te Kura ki tētahi tangata, ehara i te mea e whakamana ana a Te Kura i a rātou, ahakoa ka ‘arumia’ ‘paingia’ rānei.
E kore mātou e kōwhiri taha. Tērā pea ka hono tonu mātou ki ngā tāngata me ngā rōpū kāore pea i te whakaae ki a mātou. Heoi anō, kāore ō mātou hononga ki ngā pōhi ka whakairia e rātou.
E wātea ana te pae pāhopori ki ngā kaimahi katoa a Te Kura. Nō rātou anō o rātou tirohanga, ehara i te mea nō mātou.
Pānuitia tā mātou Tauākī Tūmataiti.
Atu i ngā wā kua tohua, ko ngā pārongo kua waihangatia e Te Kura, ka mutu, kei ngā pae pāhopori o Te Kura e iri ana e noho Manatārua ana Rūnanga Kura o Te Aho o Te Kura Pounamu 2026, Private bag 39992, Wellington Mail Centre, Lower Hutt 5045, New Zealand. Kua rāhuitia ngā mōtika katoa.
Ki te kore koe e whai whakaaetanga ā-tuhi mai i Te Aho o Te Kura Pounamu, kāore e whakaaetia te whakamahi ngā pārongo kei ā mātou pūkete pāhopori. Ko ngā kaimahi ā Te Kura hoki tēnei.
Mehemea e hiahia ana koe ki te tārua i ētehi rauemi, tēnā, īmēra atu ki: media@tekura.school.nz
Ka whakarato pea ā mātou pūkete pāhopori i ētahi hononga ki paetukutuku kē atu, ahanoa tāmau rānei kua puritia te manatārua e ngā hunga tuatoru.
Me mātua whai whakaaetanga koe mai i te kaipupuri manatārua kia whakamahi i:
- ngā rauemi kua whai manatārua mai i ētahi atu paetukutuku
- ngā rauemi kei ā mātou whārangi pāhopori kua tiakina e te manatārua o te hunga-tuatoru.
E kore e āhei a Te Kura ki te tuku i tēnei whakaaetanga.
Mā te tuku pōhi, whakaatu rānei i āu kōrero ki ā mātou pūkete pāhopori e tuku ana koe i te mana kia whakamahia ēnei kōrero e Te Aho o Te Kura Pounamu.
Whakamahia ai ā mātou pūkete pae pāpori mō ngā take whakamōhio anake. Kāore he kawenga ō Te Kura ki te pāngia kinotia te tinana o tētahi mai i ngā pārongo kua whakairihia ki ēnei paetukutuku, paetukutuku kē atu rānei.
I ētahi wā kāore pea ngā pae pāpori e wātea ana. Kāore i a Te Kura te haepapa ki te hē te ratonga.
Ko ngā pārongo kei ā mātou pae pāhopori me ngā paetukutuku kāwanatanga katoa ka tukua i runga anō i te mōhio o te tangata ki te whai tikanga me te tika o ngā kōrero.
Mehemea he pātai, tākupu rānei āu mō ā mātou pūkete pāhopori me ēnei ture whakamahi, tēnā, īmēra atu ki: media@tekura.school.nz