Tō whatunga tautoko i Te Kura
Kei tō taha mātou i ngā wā katoa o tō haerenga ako.
I Te Kura e kore koe e waiho noa iho ko koe anake i tō huarahi ako. E hikaka ana mātou ki te āwhina i a koe, mēna e hiahia āwhina ana koe.
On this page
Tūtaki mai ki te tīma
I Te Kura he rōpū tautoko tōu hai ārahi i a koe:
Koinei tō tangata matua hai whakapā atu māu. Ka āwhina rātou i a koe ki te whakarite i tō Mahere Ako Whaiaro (PLP), ka tirotiro i tō ahunga whakamua, ā, ka tautoko hoki i tō oranga. Ka taea hoki e rātou te tautoko i a koe e whai wāhi ana ki te ako, te whakatakoto whāinga, me te whakarite mahere wā ako.
Koinei ngā tāngata matua o tō whaioranga hai āwhina i o akoranga i te kāinga.
He mātanga kaupapa ēnei ka ārahi i a koe i roto i ō mahi ako me ngā aromatawai, ā, ka tuku urupare hoki mō āu mahi.
He kaimahi tautoko ēnei e whakatenatena ana, e whakahihiko ana, e āwhina ana i a koe kia whai wāhi atu ki ngā momo kaupapa me ngā huihuinga, tae atu ki ngā whai wāhitanga ki He Whai Taumaru me Kiwisport.
Koinei tō wāhi tuatahi hei rapu āwhina mō ngā take whānui pēnei i te takiuru, My Te Kura, Microsoft 365, me ngā rorohiko a Te Kura.
Ka taea e koe te whakapā atu ki tō rōpū tautoko mā te īmēra, te karere kuputuhi, te waea rānei, ā, ka taea hoki te tūtaki ki a rātou i ngā Huinga Ako ā-kanohi, ā-ipurangi hoki. E whakatenatena ana mātou i ngā whānau me ngā kaitirotiro kia noho piri tonu mai, kia whakapā mai hoki i ngā wā katoa.
Tūhura tautoko me ngā rauemi
Kei konei mātou hai āwhina i a koe!
Ka āhei koe ki te whakapā atu ki Te Puna Manaaki Ākonga me te Whānau ahakoa te wā mō te āwhina me te ako tuihono whānui, pātai rānei e pā ana ki te hangarau mōhiohio.
Waea: 0800 65 99 88 kōwhiringa 2 (Mane ki te Paraire, 8 i te ata ki te 5 i te ahiahi)
Īmēra: hub@tekura.school.nz
Ngā tautoko me ngā rauemi mā ngā ākonga
Te āwhina i a koe kia tīmata kaha.
Kei konei tō rōpū tautoko hei ārahi i a koe i te roanga atu o tō haerenga. Me whakapā tonu mai koe!
Whakapā ki tō kaimanaaki ki tō kaiako rānei mēna e hiahia āwhina ana koe, mēna hoki e hiahia tāpiri ana, e hiahia panoni kaupapa ana, e hiahia whakanui ana rānei koe i tētahi whakatutukitanga.
Me whakamōhio tonu atu ki tō kaimanaaki, ki tō mātou rōpū Tautoko Ākonga me te Whānau, mēnā ka tīni tō wāhitau, tō nama waea, tō wāhitau īmēra rānei. Mā tēnei huarahi e mau tonu ai ō pārongo whakapā ki ā mātou pūnaha. Me mōhio hoki mātou ka panoni ana tō kaitirotiro.
He mea nui te oranga
- Kei konei tō kaimanaaki me tō kaiāwhina hai tirotiro i a koe, i tō oranga me te whakarato manaakitanga.
- Ka āhei koe ki te tūhura i Te Ara Whakapuāwai - te ara ki te puāwaitanga. He hōtaka tuihono tēnei kei My Te Kura e pā ana ki te tuakiri\, kanorautanga, hononga me te ārahitanga rangatira.
- Tērā pea ka tūtohu tō kaimanaaki i ētahi ratonga, rauemi rānei nō waho mēnā ka whakaaro rātou ka whai hua koe i taua tautoko.
- Ka whakarato a Te Kura i ngā ratonga tohutohu ā-ipurangi matatapu mō ngā ākonga wā-katoa me ngā ākonga taiohi pakeke. Kia āhei ai ki tēnei tautoko, tēna kōrero atu ki tō kaimanaaki, ā, māna e whakarite he tuku tono mōu.
- He rārangi waea tautoko kore utu kei waho atu i Te Kura e wātea ana mō ngā rangatahi katoa o Aotearoa Niu Tīreni. He kōwhiringa pai ēnei ratonga mēnā me kōrero wawe koe ki tētahi tangata, i waho rānei o ngā hāora kura.
- He ratonga tautoko a Youthline e wātea ana 24 hāora ia rā, 7 rā ia wiki mō ngā take katoa, ahakoa nui, ahakoa iti. Waea kore utu ki 0800 376 633, tukuna rānei he karere kuputuhi kore utu ki 234.
- He aha te haere ake nei? He ratonga tohutohu me te tautoko kore utu mō ngā tamariki me ngā rangatahi. Waea kore utu ki 0800 942 8787 Rāhina ki te Rātapu 11am-11pm. Kōrero ā-tuihono rānei Rāhina ki te Rātapu 11am-10.30pm.
- He pokapū ture hapori kore utu a Youth Law mō ngā tamariki me ngā rangatahi. He pai tēnei tīmatanga hai tiro ki ō mōtika me te ture.
- Ko ngā ratonga hauora kore utu mō ngā whānau i Aotearoa, ko ngā kano ārai mate me te tiaki niho tae noa ki te 18 tau te pakeke, ngā arowhai whakarongo, me ngā pūtea tautoko mō ngā mōhiti, mō ngā tirohanga kanohi rānei. Tēnā whakapā atu ki tō tākuta ā-rohe (GP), ki tētahi atu kaiwhakarato hauora rānei, toro atu rānei ki Te Whatu Ora | Health New Zealand mēnā e hiahia ana koe ki te mōhio ki ētahi atu whakaratonga.
- Ka whakarato a Te Kura i ngā hua paheketanga kore utu mō ngā ākonga e hiahia ana ki aua hua. I te nuinga o te wā, ka wātea ēnei i ngā Huinga Ako, i ō mātou tari ā-rohe hoki.
Ka kitea ētahi atu ratonga hapori me ngā rauemi oranga i My Te Kura, tā mātou tūāpapa ako ā-ipurangi.
Te whakareri mo te ako tuihono
Ki te whakareri mo te mahi tuihono, me whai:
- I tētahi (rorohiko e rite ana, papatēpu, pukatuhi, Īpapa whai kōpae mārō nui ake i te 80GB me te mahara (memory) nui ake i te 4GB)
- Mēnā kei te Tau 9, kei runga ake rānei koe, me whai taputapu kawe e tika ana me tētahi papapātuhi, ka taea e koe te kawe ki ngā wā aromatawai matihiko (pērā i te rorohiko pona, te rorohiko pukatuhi, te papa rorohiko rānei)
- Āheinga ki te ipurangi - E tūtohu ana mātou kia whai hononga aunui (broadband) me tētahi mahere raraunga (kia kaua e iti iho i te 30GB ia marama)
- Ko Microsoft 365 me Adobe Reader ngā pūmanawa hei waihanga, hei whakatika, hei tiro hoki i ngā momo tuhinga rerekē i runga i tō taputapu
- He kāmera tukutuku (webcam), he hopuoro (microphone), me ngā pūrongo whakarongo (headphones) mō ō akomanga ā-ipurangi
- Ngā taputapu kōwhiringa, pērā i tētahi pūreretā (printer) me tētahi matawai (scanner).
Ka whiwhi koe i ngā tohutohu taipitopito mō te whakarite i tō ako ā-ipurangi ina whakauru mai koe ki Te Kura.
Ka rēhita ana koe mo tētahi whakamātautau matihiko, ka ārahina koe e mātou ki te whakareri.
Mēnā kāore āu rorohiko, mēnā rānei e hiahia ana koe ki te āwhina pūtea mō tētahi hononga ipurangi, tērā pea ka taea e Te Kura te tautoko i a koe. Me whai Kāri Ratonga Hapori (Community Services Card) tō whānau, ā, me/rānei whiwhi painga kāwanatanga kia āhei ai koutou ki te uru atu ki tā mātou hōtaka āwhina mō te rorohiko pona me te hononga ipurangi.
Ka tautoko tā mātou Whare Pukapuka o Te Kura i ngā ākonga, ngā kaitirotiro, me ngā whānau mā ngā rauemi hei ako, hei whakangahau hoki i te kāinga. Ka āhei koe ki te whakauru atu ki te whare pukapuka mā te whakakī i tētahi puka ā-ipurangi poto kei te whārangi kāinga o te whare pukapuka. Ina oti tō rēhitatanga, ka āhei koe ki te tono pukapuka kua tāngia me ngā moheni mai i tā mātou whare pukapuka ā-tinana, ā, ka taea hoki te whakamahi i ngā pukapuka matihiko (eBooks) me ngā pukapuka oro matihiko (eAudiobooks) kei tā mātou eLibrary.
Ka whakarato a Te Kura i ngā Kāri Tuakiri Ākonga mā ngā ākonga wā-katoa, ngā ākonga taiohi pakeke, me ngā ākonga pakeke. I ētahi rohe, ka āhei koe ki te whakamahi i tō kāri ki ngā hekenga utu mō ngā waka tūmatanui me ngā kaupapa hapori.
Ka āhei hoki koe ki te whakamahi i tō kāri hai tuakiri whakaahua mo ngā whakamātautau NCEA.
Ko te Tautoko Ako mō ngā ākonga e hiahia ana ki te āwhina anō kia tutuki ai ā rātou whāinga.
Ka mahi tahi ā mātou Kaiārahi Tautoko Ako ā-rohe ki a koe, ki tō whānau, me tō kaimanaaki kia whiwhi ai koe i te tautoko e tika ana māu.
Mēnā he wero ā-tinana, ā-hauora, ā-rongo, ā-ako, ā-hinengaro rānei tōu, tērā pea ka āhei koe kia whakawhiwhia ki ētahi tautoko mō ō aromatawai NCEA. E mōhiotia ana tēnei ko te SAC.
Ko ētahi o ngā kōwhiringa SAC e tino whakaaetia ana ko te kaitautoko pānui/kaituhi, te whakamahi rorohiko, he wā tāpiri, he rūma motuhake rānei. Kōrero atu ki tō kaimanaaki me pēhea te tono.
Tautoko me ngā rauemi mā ngā kaitirotiro me te whānau
Te ako ngātahi.
Ka whakaritea he takiuru mā ngā kaitirotiro katoa mo My Te Kura, tā mātou tūāpapa ako tuihono.
Mā tēnei takiuru e āhei ai ngā kaitirotiro ki te tiro i ēnei mea:
- ngā akoranga me ngā ihirangi – tae atu ki tētahi akoranga whakataki motuhake
- ngā mahi ako kua oti i ā rātou ākonga, tae atu ki ngā mahi kua tukuakehia ki ngā pouaka tuku mahi (dropbox) me ngā urupare a ngā kaiako
- Te hītori takiuru mā ā rātou ākonga.
Mēnā he kaitirotiro kua rēhitatia koe mō tētahi ākonga wā-katoa i Te Kura, tērā pea ka āhei koe ki te whiwhi utu tautoko ākonga mo ngā wā e rua ia tau mai i te Tāhuhu o te Mātauranga.
Ka tukuna e Te Kura ngā akoranga Te Reo Māori me ngā Kaupapa Māori kore utu – kāore he utu mō te tokomaha o ngā ākonga, tae atu ki ngā rangatahi pakeke me ngā ākonga pakeke.
- Ngā hōtaka a Literacy Aotearoa mō te pānui, te tuhituhi, me te hangarau pārongo (IT).
- Ngā rauemi pērā i ngā papakupu ā-ipurangi, ngā aratohu a Te Taura Whiri i te Reo Māori, me ētahi atu taputapu ā-ipurangi – pātai atu ki tō rōpū tautoko mō ā rātou tūtohutanga
- Ka whakarato a Netsafe i ngā pārongo me ngā rauemi haumaru ā-ipurangi mā tō whānau.
- Ngā Huinga Ako ā-rohe me ngā kaupapa kura ā-rohe mō ngā ākonga me ngā whānau.