Te ako me Te Kura
Ka haere tonu ngā mahi ako i ngā wā katoa, i ngā wāhi katoa.
I Te Kura, ka kite koe i ngā akoranga hangore, whaiaro hoki. Ka ako ana koe i Te Kura, ka whai wāhi koe ki ngā akoranga e hāngai ana ki ō hiahia me tō whānau. He maha a mātou kōwhiringa hei whiriwhiri māu me tō whānau. Tērā pea kātahi anō koe ka tīmata ki te ako, e hoki mai ana ki te whai mātauranga, e haere ana ki tāwāhi, e ako ana rānei mā te reo Māori. He hangore ā mātou hōtaka me ā mātou ngohe ka whakaratotia i roto i ngā horopaki whānui maha. Ka whai wāhi koe ki ngā akoranga tuihono me ngā hui ā-kanohi, ā, ka tautoko mātou i a koe ki te whakapakari hononga i tō hapori.
On this page
Ā mātou hōtaka ako
Tīmata i tō haerenga ako me mātou.
He kōwhiringa ako ā mātou mo ia wāhanga:
Te Ara Kōhungahunga – Early Childhood
Ngā hātepe tuatahi ki te ako mā roto mai i te tūhura.
Te Ara Tipu –Tau 1 ki te 6
Whakapakari pūkenga kaha ki te pānui, tuhituhi, pāngarau, pūtaiao, hauora me ētahi atu pūkenga.
Te Ara Hou – Tau 7 ki te 10
Whakapakarihia te ahunga whakamua i ngā wāhanga ako matua, tūhuratia hoki ngā akoranga kei waho atu i te akomanga.
Te Ara Pāheke – Tau 11 ki te 13
Ako ki te whai tohu NCEA, ka whakarite mō te ao whai muri i te kura.
Te Aka Taumatua –Te Ako Reo Rua me te Rumaki
Ako i te reo Māori, i te reo Pākeha, i ngā reo e rua hoki.
Te Akoranga Motuhake – Te Tautoko Akoranga
Kia āhei ki ngā tautoko e hiahiatia ana e ētahi ākonga e whai wāhi ai, e angitu ai hoki i roto i ā rātou akoranga.
Tūhuratia ngā mea e taea ana e koe te ako
Ka whakaratotia e mātou ngā hōtaka me ngā akoranga huhua.
He Whai Taumaru
Te ako i waho atu i te akomanga.
Ko tā mātou hōtaka He Whai Taumaru ko te kawe i ō akoranga ki te ao whānui. Ka whai wāhi koe ki te ako i a koe i tō hapori - mā roto mai i ngā whakanohoanga mahi, ngā kaupapa motuhake me ngā wheako o te ao tūturu.
Ka āwhina tō Kaimanaaki me tō kaiako ki te whakarite i ō wheako hei wāhanga o tō PLP, kia hono tonu ai tō ako ki ō whāinga.
Tirohia te roanga atu o ngā whai wāhitanga ki He Whai Taumaru.
Ngā Whakawhitinga Rangatahi
Te āwhina i a koe ki te whakamahere i ngā mahi kei mua i te aroaro.
Inā rite koe ki te wehe atu i te kura, kei konei tō mātou tīma Whakawhitinga Rangatahi hei tautoko i a koe me tō whānau. Ka āwhina rātou i a koe ki te:
- hono ki ngā whakangungutanga, ngā wheako mahi, ki ngā kōwhiringa ako whare wānanga rānei
- tūhura i ō kōwhiringa umanga
- ārahi i a koe ki te huarahi umanga e tika ana māu
Mā te mahi tahi i ā mātou hōtaka He Whai Taumaru me He Whai Taumaru e whakarite kia kore ai tō haerenga ako i Te Kura e mutu inā mutu tō wā ki te kura.
E hiahia mōhio ana koe mō ngā hōtaka ako e wātea ana?
Tūhuratia ō hiahia mahi mā roto mai i ngā kaupapa Whakawhitinga Rangatahi.
Ahurea, hākinakina me ngā mahi toi
He nui noa atu i te ako anake.
I Te Kura, he maha ngā huarahi ngahau hei ako, e tipu ai hoki te ākonga. He rerekē ia ākonga, ā, ka tautoko mātou i a koe kia whai i ō whāinga me ō ngākau nuitanga ake. E hiahia ana mātou kia rongo ngā ākonga katoa i te manaakitanga, te whakahirahiratanga me te tautoko kia eke panuku ai rātou ki te taumata tiketike.
Ka akiaki mātou i te katoa kia kawe mai i tō rātou reo me tō rātou ahurea ki roto i ā rātou akoranga. He maha ngā wā ka whakanui tō mātou hapori kura i ngā kaupapa o Aotearoa, ngā wiki reo ā-ao me ngā rā whakamaumahara huhua i ngā Huinga Ako.
He mea nui whakaharahara te ako i te reo Māori me te ahurea i Te Kura. Ka āhei koe ki te ako mā roto mai i te reo Māori rumaki, me te ako hoki mō te ao Māori.
He rerekē ngā whai wāhitanga ka tukuna e ia rohe o Te Kura. Ka taea e koe te uru atu ki ngā rōpū ako Pasifika, ā, ka taea hoki te tūhura i te ako mā ngā toi pēnei i te puoro, te whakaari, te kanikani me te peita. Ka āhei koe ki te whakauru atu ki ngā tīma hākinakina ā-rohe, te whakamātau i tētahi mahi hōu, te whai wāhi rānei ki ngā whakataetae mātauranga, ngā ahurei ahurea me ngā kaupapa motuhake.
Ka tū ngā ākonga me ngā kaimahi o Te Kura hei māngai mō Te Kura ki Te Matatini, Polyfest, Maadi Regatta, ngā whakaaturanga NZQA Top Art me ētahi atu kaupapa hoki.
Pātai atu ki tō Kaimanaaki mo ngā āheitanga kei tō rohe.
NCEA
Waihangatia tō anamata mā te whai i tētahi tohu mātauranga e mōhiotia whānuitia ana puta noa i te motu.
I Te Kura, ka āhei koe ki te ako i ngā taumata 1,2 me te 3 NCEA. Ka āwhina tō kaiako me tō Kaimanaaki i a koe ki te whakamahere i tō ako me ō aromatawai, kia mōhio ai koe he aha ngā mahi hei mahi māu, hei āhea hoki mahi ai.
He tīma motuhake tō mātou hei āwhina i a koe ki te whakahaere i ngā āhuatanga whakahaere o te NCEA. Mēnā kāore koe i te tino mōhio mēnā me rēhita koe, me kōwhiri rānei i ēhea paerewa aromatawai ā-waho, tēnā koa pātai atu ki tō Kaimanaaki, ki tō kaiako kaupapa rānei i te tīmatanga.
Ngā mōhiohio mō te NCEA me te rēhitatanga
Kimihia te roanga atu o ngā kōrero e pā ana ki te ako NCEA i Te Kura.
Ako Urungarua
Ko te ako i ngā kura e rua, ngā painga nui o ngā ao e rua.
Mēnā kua whakaurua koe ki tētahi atu kura, tērā pea ka āhei koe ki te ako i ētahi atu kaupapa me Te Kura. Ka āwhina tēnei mēnā kāore tō kura e tuku i ngā kaupapa e hiahia ana koe ki te ako, mēnā rānei e hiahia ana koe ki ētahi atu tautoko kia whai wāhi atu ai koe ki ō akoranga.
Ka taea te tautoko pūtea ā-kāwanatanga, te utu ā-ākonga rānei mō te ako takirua, e ai ki ō āhuatanga me tō āheitanga.
Kimihia te roanga o ngā kōrero e pā ana ki te ako takirua i Te Kura.
Te Kura Raumati
Whai ake kia tutuki ai o whāinga.
Ka āhei koe ki te whiwhi whiwhinga NCEA i Te Kura i te wā whakatā o te raumati. Ka āwhina tēnei hōtaka wā-poto i a koe kia eke ki ō whāinga ako, ā, kia anga whakamua ki te ako anō, ki te whakangungu, ki te whai mahi rānei. E pōwhiritia ana ngā ākonga o nāianei me ngā ākonga hōu kia rēhita ia marama o Whiringa ā-rangi.
Kimihia he kōrero anō mō Te Kura Raumati o Te Kura.