Te tautoko i ngā ākonga whai matea ako motuhake
Mēnā he wero ā-tinana, ā-hauora, ā-rongo, ā-ako, ā-hinengaro rānei tōu, tērā pea ka āhei koe kia whakawhiwhia he tautoko mō āu aromatawai NCEA. E mōhiotia ana tēnei ko ngā Tikanga Aromatawai Motuhake (SAC).
On this page
Te whakahaeretanga o ngā Tikanga Aromatawai Motuhake a (SAC)
Ko ngā tono mō ngā Tikanga Aromatawai Motuhake (SAC) ka tukuna e ngā kura ki a NZQA mō ā rātou ākonga. Ka whai SACs ana te ākonga, ka āhei ia ki tētahi tangata hei pānui, hei tuhituhi, hei patopato hoki i āu mahi. Kāore e whakaaetia tētahi mema o te whānau, tētahi hoa o te whānau, tētahi kaiako/ kaiāwhina rānei.
Ngā Tikanga Aromatawai Motuhake (SAC) e whakaaetia nuitia ana
- kaipānui, kaituhi rānei
- whakamahinga rorohiko
- te noho ki tētahi wāhi motuhake mō te aromatawai
- wā atu anō
Ako i ētahi atu kōrero mō Ngā Tikanga Aromatawai Motuhake (SAC) i te paetukutuku o NZQA.
Ngā tikanga e kapi ana i raro i a SAC
- anipā
- Mate Takiwātanga Whānui
- Mate Hihiko Kōpaka Korearo (ADHD)
- mate roro tuarongo
- kōtonga
- mate tuhituhi (Dysgraphia) – he uauatanga ki te reo tuhituhi
- tīpaopao kupu - uauatanga ki te pānui me te whai whakaaro ki ngā kupu.
- mate whakarite nekeneke (Dyspraxia) – he uauatanga ki ngā pūkenga nekeneke me te whakahaere i ngā nekehanga o te tinana
- te kite ngoikoretanga
Tirohia te paetukutuku o NZQA mō te rārangi katoa o ngā āhuatanga e kapi ana i raro i ngā Tikanga Aromatawai Motuhake.
Te tono mō te SAC
Ko te tono mō ngā Tikanga Aromatawai Motuhake (SAC) e hāngai ana ki tō whakaurunga ki Te Kura.
- Ngā ākonga wā-katoa, ngā taiohi pakeke, me ngā ākonga utu-ā-kura
E tino mārama ana ngā aratohu a NZQA ko wai ka āhei ki te whiwhi i ēnei whakaritenga motuhake. Me tuku e koe he taunakitanga mō tō hauātanga mai i tētahi aromatawai motuhake, i tētahi pūrongo hauora rānei.
Ko ngā taunakitanga e tika ana, ko ēnei pea:
- tētahi pūrongo SPELD, he pūrongo aromatawai ā-hinengaro rānei nō nā tata nei (iti iho i te toru tau te roa) mō ngā matea ako
- he pūrongo nā tētahi kaimātai hinengaro kua rēhitatia, nā tētahi rata hauora rānei, kei te āhua o te momo hauātanga, mō ngā matea hauora, ā-tinana, ā-rongo hoki.
- He ākonga urungarua nō te Kura Tuatahi
Mēnā kua whakaurua koe ki Te Kura, ā, e haere ana hoki ki tētahi kura tuatahi ā-kanohi, whāia ngā tohutohu mō ngā ākonga wā-katoa, ngā taiohi pakeke, me ngā ākonga utu-ā-kura.
E tūtohu ana mātou kia whakapā atu koe ki te tīma Tautoko Ako o tō kura matua, nā te mea tērā pea kei a rātou ētahi mōhiohio ka taea te whakamahi hei taunakitanga mō tō tono Tikanga Aromatawai Motuhake (SAC).
- Ākonga kura tuarua e whai whakaurunga takirua ana
Mēnā kua whakaurua koe ki Te Kura, ā, e haere ana hoki ki tētahi kura tuarua ā-kanohi, me tono koe mō ngā Tikanga Aromatawai Motuhake (SAC) mā tō kura matua.
Tēnā whakamōhiotia tō kaiako o Te Kura kua whakaaetia koe mō te SAC.
Te whakawhiti i te SAC ki Te Kura
Mēnā i whakaaetia tō SAC i tō kura o mua, ka āhei mātou ki te tono kia whakawhitia tō āheitanga SAC ki Te Kura. Tēnā kia wawe te whakamōhio atu ki tō mātou rōpū Tohu Mātauranga.
Mēnā i whai kaipānui, kaituhi rānei koe i tō kura o mua, mā tō mātou tīma Tautoko Ako e āwhina ki te whakarite kaipānui, kaituhi hou rānei mōu ina whakawhitia ngā Tikanga Aromatawai Motuhake (SAC) ki Te Kura.
Ngā aromatawai ā-waho me SAC
Ko ētahi Tikanga Aromatawai Motuhake (SAC) ka whakamahia anake i ngā wā whakamātautau, pērā i te noho ki tētahi wāhi motuhake, i ngā wā whakatā rānei.
Ahakoa kāore pea koe e hiahia ki ngā Tikanga Aromatawai Motuhake (SAC) mō ngā aromatawai ā-roto i te roanga o te tau, me wawe tonu tō whakamōhio atu ki tō mātou Tīma Tohu Mātauranga mō ō SAC.
Kua rite koe ki te tono mō SAC?
Whakapā atu ki tō mātou Tīma Tohu Mātauranga mēnā he pātai āu, kei te hiahia rānei koe ki te tuku tono.
Waea atu ki: 0800 65 99 88 kōwhiringa 3 (Mane ki te Paraire, 8 i te ata ki te 5 i te pō)
Īmērahia: sac@tekura.school.nz