He whakanui i ngā tau ako neke atu i te kotahi rau tau
On this page
1920s-1930s: Te Tipu me ngā tīmatanga
Ka toro atu ngā akoranga ki ngā kāinga katoa.
Ko te tautoko i te 25 o ngā tamariki e noho whare tūrama ana tae atu ki te mano ākonga. I tīmata iti a Te Kura engari ka tere tipu haere.
Ko Miss Janet Mackenzie te kaiako tuatahi, ka whakaako ia mā te tuhi ā-ringa i ia akoranga, mō ia ākonga anō hoki. Ka waihangatia e Te Kura tana tohu tuatahi, me te peha “Seek knowledge”, arā, ko “Kimihia te Mātauranga”. I te tau 1928 i whakarewahia te maheni o Te Kura ko “Te Postman”. I tīmata hoki ngā pāpāho irirangi i te tau 1931. I tae atu tēnei pāpāho ki ngā kāinga huri noa i a Aotearoa.
Miss Janet Mackenzie
Te kaiako tuatahi o Te Kura.
Te Kaitoha mēra
He nui ake i te 70 tau te maheni a Te Kura e mātātuhia ana.
1940s: Ko te eke panuku
Ahakoa te aha, kōkirihia tonutia te ako.
I te wā o te Pakanga Tuarua o te Ao me te mate urutā o te whakamemeke i ngā tau 1947 – 48, i katia ngā kura katoa. Nā reira i whakaritea ai e Te Kura he akoranga mō ia tamaiti huri noa i Aotearoa. I tīmata hoki te kaupapa Kaiako Torotoro. He tuku i ngā kaiako ki ngā ākonga e noho pāmamao ana. I whakarewahia te karaehe tuatahi o Te Kura mō te reo Māori i te tau 1949.
He kaiako torotoro
Ka tae ki ngā ākonga e noho ana ki te ramatū o Tiritiri.
Ngā ākonga nō Te Kāreti o Te Waipounamu
E whakarongo ana ki tētahi pāhotanga o tētahi akoranga reo Māori.
1950s: Ngā Taurikura
He kura mō ngā ākonga katoa.
Ia tau ka eke te rārangi ākonga o Te Kura ki te 5000. 180 ngā kaimahi e tautoko ana i ēnei ākonga. Ko Eric Le Petit te tumuaki nāna te whatunga kaiako manuhiri i whakatipu. Ka motuhake ēnei Rā Kura mō ngā ākonga me ngā kaiako ki te hono kanohi ki te kanohi. He wāhi motuhake a Te Kura mō te kounga o te ako.
Ngā Rā Kura
I tino hīkaka ngā ākonga ki ēnei Rā Kura ka tū ia marama.
Ngā mahi ā-rehia
He whakaaturanga o tētahi rōpū Skiffle.
1960s: Te tautoko angitūtanga
He āwhina ākonga kia eke panuku.
I whakatūria ngā Wiki Mātai ki te āwhina i ngā ākonga me ngā whakamātautau Kura Tiwhikete. I te tau 1960 i kaha whakanuia te tautoko o ngā ākonga motuhake o Te Kura e te Kōmihana a te Karauna.
Te Wiki Mātai
Ngā ākonga i te Wiki Mātai.
Te whakanui hapori
He tauwhaiwhai ki te whare tamariki o Una Carter Remuera.
1970s: Ngā ahunga hou
Ngā kaupae tuatahi me ngā tīmatanga hou.
I tautoko Te Kura i ngā pakeke me ngā taiohi e mahi tuarua ana i ētahi o ngā aromatawai. Ka tautokohia hoki ngā whānau ki ngā wāhi uru mamao mā te whakarite wāhi ki ngā kura. I tīmata te hōtaka Kura Kōhungahunga i te tau 1976. I whakapūmautia te whare hou o Te Kura ki 11 Portland Crescent, Te Whanga-nui-a-tara.
Ko te mahitahi
Ka tū tira mai ngā ākonga ki Aoraki.
Te Tari ki Portland Crescent
Koia tonu te kāinga o Te Kura i ēnei rā!
1980s: Tai timu, tai pari
Ka whakawhenua mai te reo Māori.
Ka nui te whai wāhi o te reo Māori ki ngā mārau katoa. Ka whakatūria he tari reo Māori i te tau 1989. 19,000 ngā ākonga, ka whiriwhiri ngā whānau i Te Kura mo ā rātou tamariki i ngā wā kāore e pai ana ngā kura ā-tinana mō ngā ākonga.
Te whakanui i te reo Māori
E kaha tautoko ana a Te Kura i te huarahi whakarauora i te reo Māori.
He akoranga houtupu
E kaha haere tonu ana te tautoko a Te Kura i ngā akoranga tūwaho.
1990s: Kua panoni katoa
Ahakoa tō pakeke, he orangatonutanga te ako.
Ko te mana motuhaketanga. E tautoko ana a Te Kura i ngā urutomo mai te 3 o ngā tau ki te 90 tau. I whakatūria ngā pūnaha ‘ICT’ (hangarau pārongo me te whakawhitiwhiti kōrero) Ahakoa ngā pāinga, he nui hoki ngā wero. Ahakoa ngā arotake me ngā aukati, i whakaako tonu a Te Kura i ngā ākonga e whai wāhi ana ki te ako.
Te kauawhi hangarau hou
I akotahi ngā kaiako o Te Kura me ngā ākonga.
Te hanga hononga ā-hapori
Ngā ākonga i te Activity Centre ki Te Whanga-nui-a-Tara.
2000s: Te oranga me te aronga hou
Mai i ngā pukapuka ki te ipurangi – He tīmatanga hou.
I raru a Te Kura i ngā whakahaerenga kāwanatanga me ngā mahere ahumoni anō hoki. I whakatūria he tauira hou mō te ako (Learning DnA). Mai i te tau 2006, nā te Tumu Whakarae, nā Mike Hollings, i akiaki te tipu tere o te ako tuihono me ngā huarahi ako i te reo Māori. I te tau 2009 ka whakamāoritia The Correspondence School, arā, ko Te Aho o Te Kura Pounamu.
Neke atu i te 70 tau tēnei whakaputanga. I te tau 2002 ka mutu te tuhi i tēnei maheni e kīia nei ko Te Postman. Ko ngā rongo kōrero, ko ngā pūrākau tae atu ki ngā mahi toi a ngā ākonga i whakaputahia ki te maheni ‘Link Up’. I te tau 2024 i whakarewahia tēnei maheni hei maheni tuihono.
Mike Hollings
Link Up
Kua āta nuku ngā rongo kōrero me ngā pūrākau a Te Kura mai i ngā pukapuka ki te ipurangi.
2010s: Tipuranga ā-rohe
Ko te ako ki te hapori, kaua noa iho ki ngā akomanga.
I whakatūria tonutia e Te Kura ngā tari ā-rohe me ngā Huinga Ako huri i a Aotearoa. Ko te aronga matua ko te whakakaha i ngā hononga ākonga, ā rātou whānau, tae atu ki ō rātou hapori. I te wā o ngā rū whenua ki Otautahi, i reira a Te Kura e āwhina ana i ngā ākonga.
Nā te kaupapa Authentic Learning Pilot me ngā hōtaka Trades Academy i whakarato ngā whai wāhitanga ā-ao tūturu mō ngā ākonga. I whakarewahia tuatahitia ngā mahi o Te Kura mā te ipurangi, te pūhara tuihono e kīia nei ko My Te Kura. I tīmata te Kura Raumati a Te Kura i te tau 2013. He huarahi whai hua mō ngā ākonga e whai whiwhinga ana mō te NCEA.
Me Nukunuku, me Nekeneke
He kaupapa pūoro, he mea mahitahi i hopungia e ngā ākonga huri noa i te motu.
My Te Kura
Te tūāpapa tuihono a Te Kura.
2020s: Te tūāpapa mua o ēnei rā
Te tūtaki ki ngā ākonga ahakoa kei hea rātou.
I te wā o te mate urutā KOWHEORI-19, i mahi tahi a Te Kura me te Manatū Mātauranga ki te tautoko i ngā kura me ngā ākonga maha ki te ako tuihono. I whakatūria a Te Ara Pounamu hei marautanga ā-rohe mō Te Kura i te tau 2021. Ka tautoko te hōtaka He Whai Taumaru | Leaving to Learn i ngā ākonga ki te hanga hononga ā-hapori me te tūhura hoki i ngā kōwhiringa umanga. I te tau 2023, ka tohua a Te Rina Leonard hei Tumu Whakarae.
Ināianei, he kōwhiringa a Te Kura mō te tini ākonga e whakamōrearea ana, e momotu mai ana i ō rātou huarahi whai mātauranga. I te tau 2021, i whakaatu tētahi arotake a te Tari Arotake Mātauranga (ERO), kua nui ake te whakawhirinaki a te Rāngai Mātauranga ki Te Kura. E ai ki ngā kōrero a Ahorangi John Morris i te 2023: ‘Kei ngā taone iti, kei ngā taone nui hoki te tūāpapa mua.’
Te Rina Leonard
Te Tumu Whakarae o Te Aho o Te Kura Pounamu.
Ngā ākonga o Te Kura o ēnei rā
Ka āhei te tangata ki te ako i ngā wāhi katoa, i ngā wā katoa.
