Tā mātou hōtaka Kōhungahunga
Akoranga nunui mā ngā tamariki
Ka tautoko tā mātou hōtaka Kōhungahunga i ngā tamariki ki te tūhura, waihanga kia tipu mā te tākaro. Ka whai wāhi ngā mātua me te whānau ki te waihanga i tētahi hōtaka ako whaiaro e hāngai ana ki a Te Whāriki, te Marautanga Kōhungahunga o Aotearoa me Te Ara Pounamu tā mātou marautanga ā-rohe. Ka ārahi ā mātou kaiako whai tohu i ia hikoinga o te ara ako, kia hāngai ai ki tō tamaiti me tō kāinga.
Ko te Mahitahi me ngā Hononga
Ko ngā hononga kaha me te whakawhiti kōrero auau i waenganui i te whānau me ngā kaiako te tūāpapa o tētahi hōtaka ako kōhungahunga angitu.
Mā te whai wāhi auau, te whakapā atu ki te kaiako ia marama, ka mahi ngātahi ngā kaiako me te whānau ki te whakawhanake i ngā putanga ako whaiaro mā ngā tamariki, e hāngai ana ki ō rātou aronga, hiahia ako me tō rātou whanaketanga.
Ka tukuna tā mātou hōtaka mā tā mātou tūāpapa ako tuihono haumaru.
Ka whakauru ana ki tā mātou hōtaka Kōhungahunga, ka whai wāhi tō tamaiti ki:
- te tautoko a tētahi rōpū kaiako kōhungahunga kua whakangungua, kua rēhitatia hoki
- My Te Kura, tā mātou tūāpapa ako tuihono, e whakarato ana i tētahi whare pukapuka o ngā kōwae ako e hāngai ana ki te tākaro
- Te Whare Pukapuka o Te Kura, tae atu ki te tuku pukapuka ki tō kāinga me te āhei ki tā mātou whare pukapuka ā-ipurangi
- ngā mōkihi rauemi tautoko ako ā-wāhanga ka tukuna ki tō kāinga.
Paearu whakauru
E wātea ana te hōtaka kōhungahunga ki ngā tamariki i waenga i te rua me te ono tau te pakeke. Me noho ngā tamariki hei kirirarau nō Aotearoa, hei kainoho pūmau rānei o Aotearoa. Me tutuki hoki i a rātou tētahi, neke atu rānei, o ēnei paearu e whai ake nei:
- Tawhiti ā-takiwā – e ono kiromita te tawhiti atu i te ratonga Kōhungahunga whai raihana e tata ana
- Nekeneke haere tonu – e haereere ana mō te neke atu i te ono marama o te tau
- Ngā hiahia hauora taumaha, ngā hiahia tautoko ako rānei
- Ngā āhuatanga motuhake
- Ngā tuku kōrero a te Manatū Mātauranga
Ngā mahi a Te Ara Kōhungahunga
