Kei ngā wāhi katoa te akoranga
Ko te hōtaka He Whai Taumaru he mea motuhake mō te tokomaha o ngā ākonga kei te kura tuarua. Ka whai wā koe ki te noho hapori, ki te whai wheako, ka tū māia hoki koe i a koe e whai whiwhinga NCEA ana. Tērā pea ko te mahi tūao tenei, ko ngā kaupapa hākinakina me ngā ahurei, ko te whai whakaruruhau rānei ki ngā kaupapa e kaingakautia ana e koe.
Tērā pea ka whai wāhi mai koe ki te:
- whakaoti i ngā whakangungu mahi (internships) me te whai wāhi atu ki ngā rōpū hapori
- tūhura ā-ringa i ō whāinga me ngā wheako orangatonutanga
- whakapakari i a koe ki ngā pūkenga e hono ana i a koe ki ngā whakangungu, ngā mahi akoako, ngā mahi rānei kei te heke mai i ngā tau.
Mā tō Kaimanaaki koe e āwhina ki te tautohu i ngā wāhi mahi whai hua ki tō hapori e hāngai ana ki ō aronga.
Ka āwhina hoki tō kāhui tautoko i a koe ki te whakarite i ngā hua o te He Whai Taumaru hei wāhanga o tō Mahere Rautaki Akoranga PLP. Nō reira ko ō akoranga katoa ka hono ki ō whāinga.
He wāhanga nui te whakamana i ngā mahi o tō mahere ako, ka āhei hoki koe ki te whakatutuki i ngā whiwhinga NCEA.
On this page
He Whai Taumaru
Ko te akotahi i ngā wheako ako o te ao tūturu me te Kaiwhakatere
He nui ngā huarahi o Te Kura mō te akotahi i ngā wheako ako o te ao tūturu. Kei te pirangi ako koe mō ngā mahi o ia rā ki tētahi aramahi motuhake? Mā te Kaiwhakatere koe e āwhina ki te kimi mahi whakangungu, te whai mahi whakangungu ā-ipurangi, kanohi ki te kanohi rānei. Mēnā e whakaaro ana koe ki tēnei huarahi, whakapā atu ki tō Kaimanaaki, ki te Kaiwhakatere rānei o tō rohe ki te kōrerorero.
Ko te whai āwhina rapuara i te Kaiārahi
He nui ngā momo ratonga a Te Kura mā ngā ākonga hei tūhura i ngā arawātea e hāngai ana ki ngā rapuara me ngā whakamahere i te anamata. E wātea ana ngā Kaiārahi i te tau katoa ki te kōrerotahi ki a koe. Ka tuku āwhina, ka ārahi hoki i ngā ākonga e ruku hohonu ana ki ngā huarahi o tō rātou ara. Ehara te mahi a ngā Kaiārahi i te āwhina noa i te ākonga e mōhio ana ki ō rātou whāinga ako. Ki te hia āwhina koe ki te whakawhāiti i ō whiringa, ki te kimi mōhiohio rānei mō ētahi rau huarahi, e āhei ana ki ērā mahi hoki.
Mēnā e whakaaro ana koe ki tēnei huarahi, tēnā, īmērahia te tīma: careershelp@tekura.school.nz
Ko te whakamana i te Raihana Taraiwa o Aotearoa
E āhei ana ngā ākonga ki te tono whakamihi mō te whiwhi i ngā momo taumata o te Raihana Taraiwa o Aotearoa. Ka āhei ki te whakawhiwhi i ngā whiwhinga NCEA mā te whakakī i te pepa tono. Ka oti i a koe te whakakī, īmērahia te pepa tono, te whakaahua o tō raihana ki: driverslicence@tekura.school.nz
Raihana Atekōkiri Momo 1 a NZTA
He Kaupapa Ope Tauā Tohu Ākonga Tūao
E hāngai katoa ana te SVA ki te mahi tūao. E whakapono ana te ratonga ki te mana o te kaitūao, ā, kua whakatū hōtaka ki te whakamihi i ngā ākonga tūao huri noa i Aotearoa. Kua rēhita a Te Kura ki te SVA hei whakanui i ngā angitūtanga me ngā takoha a ngā ākonga ki tō rātou hapori.
Ko tā te kaitūao he mahi i ētahi mahi hei āwhina i ētahi atu i tō hapori. Koinei ētahi mahi tūao: ko te manaaki i ngā tangata o tō whānau, ko te āwhina ki ngā kaupapa hākinakina, ko te āwhina ki te tiaki kararehe ki ngā whare SPCA, ko te kohi para i tātahi, ki ngā ara wai rānei. Arā, ko tēnei mahi, he mahi kore utu.
Ka pēwhea te whakahaerenga o SVA?
Rēhitatia tō kiritaki ki te paetukutuku a SVA.
Takiurutia katoatia āu mahi katoa i a koe e ako ana i Te Kura. Ka pupuri te paetukutuku i tētahi rārangi o ō hāora mahi, ā, ka whakawhiwhia koe ki ētahi pine ratonga tino rawe hei tohu mō tō ahunga whakamua.
Kei ngā wāhi katoa, i ngā wā katoa ngā mahi tūao - ki te kāinga, ki te kura me te hapori anō hoki. Ko ēnei mahi katoa ka pūmautia. Ka pau te rima haora o te mahi tūao, ka riro ki a koe tō pine tuatahi. Ka whakapā atu a SVA ki Te Kura, kātahi ka tuku i te pine ki a koe.
E āhei ana ki te tikiake i te whakarāpopototanga o ngā mahi tūao me te whakamahi mō ngā tono mahi, te whai i ngā akoranga whakangungu, te mātauranga haere ake nei, ngā karahipi, te whakaatu rānei ki runga i tō pakitara ki te kāinga.
E tino mihi ana, mēnā e whakaaro ana koe, e whai ana rānei koe i ngā mahi tūao.
Mēnā he pātai āu, whakapā atu ki tō Kaimanaaki.