On this page
Ko Hinerangi Edwards
Nō Taranaki whānui, Tauranga Moana, Te Arawa me Samoa ngā kāwai heke a Hinerangi. I hono ia ki te poari i te tau 2022 i kopoua hei tiamana kairīwhi i te tau 2025. I ārahina e rāua ko tana hoa tane e Kiwa Hammond a AATEA solutions, he rāngai kaupapa Māori.
I ngā wā o mua he kaiārahi ringarehe ia. Neke atu i te 20 tau a Hinerangi e noho ana hei kaiwhakahaere takawaenga, hei kāwana anō hoki. I tēnei wā ko ia te tiamana mō te Ringa Hora Workforce Development Council. E mau anō ana hoki ia i ētahi atu tūranga kāwana. Kei Wairoa, kei Te Matau a Māui ia e noho ana. He māmā ia ki ngā rangatahi tokorima.
I te tau 2022 i kopoua a Hinerangi hei Āpiha o te Tohu Kairangi mō āna mahi i te ao mātauranga, te mana urungi me te ao Māori anō hoki.
Ko Te Toihuarewa a Alister Jones
He tumuaki tuarua a Toihuarewa Jones o Te Whare Wānanga o Waikato. Ko tāna mahi he tuku rautaki hautūtanga me te tiaki i ngā kaupapa mahi he nui atu i te $250 miriona te wāriu. Kei roto i āna whakatutukitanga ko te whakatinanatanga o te Pūnaha Whakahaere Akoranga Ākonga, te whanaketanga o te Whare Wānanga o Tauranga me te whakawhānui i te whai wāhi ki te ao whānaui mātauranga ki tāwāhi.
Ko tana tūranga ō mua he Manutaki Mātauranga. Ko ia hoki te Ringatohu o Te Pūtahi Rangahau Mātauranga o Wilf Malcom ki Waikato. Hei whakanui i tana tuku māramatanga ki te hangarau me te mātauranga ki Aotearoa, puta noa i te ao, i tukua Te Tohu Pūtaiao me te Hangarau o Aotearoa e Te Rōpū o te Karauna o Aotearoa ki a ia i te tau 2000.
I tīmata te Toihuarewa a Jones i tana aramahi hei kaiako pūtaiao ki tētahi kura tuarua ki Tāmaki Makaurau, kātahi ia ka tū hei kaikauwhau i te mātauranga o te hangarau mō ngā ākonga e whai ana i te ara kaiako.
Ko Dr Gabrielle Wall
I noho a Tākuta Wall ki Otautahi. He kaiwhiriwhiri mātauranga ia. Nāna tana kamupene i whakatū i te tau 2012. He mea whakautu tēnei ki ngā rū whenua o Ōtautahi me ngā kōhuretanga i tau ki runga i te rāngai mātauranga. He kaitūtohu ā-ture ia e tautoko ana i ngā kura puta noa i Aotearoa, ā, ko ia hoki te kaiārahi o te Whatunga Kura o Ōtautahi Nui tonu – he tarahiti atawhai e aronui ana ki te whakaiti i te āputa matihiko mō ngā ākonga o te rohe.
He tohunga hoki ia ki te whakamahere rautaki mō ngā ratonga tuatini mātauranga pērā ki Te Kura Āwhina Ora o te Raki me Ko Taku Reo. Ko te aronga nui ko te whai mātauranga mō te hunga kāore e kuraina ana ki ngā kura auraki.
I kopoua a Dr Wall hei Minita Mātauranga ki te Kaunihera ki te Kuratini o Te Tai Poutini i ngā tau 2015-2017. I tēnei wā tonu ko ia te tiamana o te Poari o Kaiaka Wool Industry Training Ltd. Ka tautoko tēnei ratonga i te whanaketanga o ngā pūkenga whai tikanga – tae rā anō ki te kutikuti hipi, te mātau ahumoni me ngā pūkenga noho ora – ki te āwhina i ngā tangata ki te whakapuāwai me te kōkiri ki roto i te ahumahi wūru. Kua noho hoki ia ki ngā tūranga kāwana ki Ako Aotearoa, ki Te Ako Wools (he wāhanga o te New Zealand Shearing Contractors Association) me Westland Holdings.
Ko Dr Will Flavell
Nō Ngāpuhi, Ngāti Whātua me Ngāti Maniapoto a Dr Will Flavell. I hono mai ia ki te poari i te tau 2022. Ko ia te tūmuaki hou o Te Kāpehu Whetū he kura tuarua ki te Pokapū o Tāmaki Makaurau. He kaiako tautōhito ia o te reo Hapani, Tikanga ā-iwi me te reo Māori anō hoki. He Tohu Tākutatanga tōna mō te Mātauranga mai i Ōtākou Whakaihu Waka he tāhū paetahi tōna mō te Mātauranga mai i te Te Whare Wānanga o Waikato, he tohu paerua tōna mō te ture taihara mai i Waipapa Taumata rau ki Te Wānanga Aronui o Tāmaki Makaurau. I whai karahipi Fulbright a Dr Flavell ki Boston. I mahitahi hoki ia me ngā rangatahi taketake ki Massachusetts. Kua whai wheako ia hei mema o te poari. I pōtingia ia ki te Kaunihera o Tāmaki Makaurau ki te Poari Hapori o Henderson-Massey. E tū ana hoki ia hei mema taraipiunara o te Kaunihera Kaiako o Aotearoa.
Ko Andrée Atkinson
He wheako nui tō Andrée mō te whakamahi ahumoni me te tirohanga pākihi hei āwhina i te hunga whai pānga ki te whakatutuki i ō rātou whāinga nui me ō rātou whāinga roa. I ngā wā ō mua he tumuaki tuarua ia i tētahi kamupene kaute, ā, ināianei kei te whakahaere ia i tāna ake pakihi kaute. He hōhonu tōna mātauranga me ōna wheako ki ngā tohutohu pakihi, te arotake pūtea me ngā pūnaha pārongo, ā, he nui hoki ōna wheako ki te whakangungu me te whakaako kaute. Hei tāpiri ki ōna pūkenga ahumoni kaha, he kaha hoki ōna pūkenga whakahaere me te 20 tau neke atu e noho ana hei mema o ngā poari o āna kiritaki, ā, i te nuinga o te wā e noho tiamana ana mō ngā komiti tūraru me te arotake. He mema ia o te Poari o NZQA me te tumuaki tuarua o te Kōmiti Tūraru me te Tātari Kaute.
Danny Tuato'o
Nō Ngāpuhi me Hāmoa ngā kāwai whakaheke o Danny. Ko ia hoki te tiamana o te Ahi me te Ohotata mō Hauata Moana. I noho hoki ia ki te poari o Airways Aotearoa I tū ia hei tiamana mō te kōmiti mō te Ahi me te Ohotata. He mema hoki ia o te paewhiri i ki te Arotake Pūnaha Arahau i whakahauhia e te Manatū Waka Kotahi. I mutu tēnei tūranga mahi i te Mei o 2023. He nui āna kaupapa ki te maha o ngā hapori tae rā anō ki ngā mahi tumahu tangata. I tū hoki ia hei tiamana mō te Haumaru wai o Aotearoa. Kua noho hoki ia ki ngā poari o Tautiaki Moana me ngā poari ā-kura anō hoki.