Te Rangapū Whakaaetanga Kaiwhakarato Urungarua Dual Provider Partnership Agreement

Te whakaaetanga me ngā Kaiwhakarato Urungarua

Ko tā te Dual Provider Partnership Agreement 2026 (DPPA) he whakarārangi i ngā haepapa whai tikanga i waenganui i Te Kura me ngā rāngai Kaiwhakarato Urungarua me ngā kura.

Kia āhei ki te haere tonu me mahi rēhita ākonga mō te tau 2026 me whakaae ā-matihiko nei tō kura ki tēnei DDPA mā Te Pou, tō mātou pūnaha whakauru ākonga.

He rangapū mātauranga a Te Kura e tuku ana i tētahi pūhara akoranga ā-ipurangi mō te urutau marautanga me te kaha o te marautanga. Ahakoa ko te Kaiwhakarato Urungarua he kura, he rangapū rānei, ka mau tonu ki te papanga whakature kia hāngai ki tā rātou urutomo urungarua.

Ka mau tonu i te Kaiwhakarato Urungarua te haepapa mō te tae atu o te ākonga me te tiaki anō hoki i te ākonga hei ākonga-urungarua. Me whakarato ngā Kaiwhakarato Urungarua ki te tuku tautoko mātauranga pērā i ngā hotaka ako me te whai wāhi ki ngā tautoko toitūtanga o roto i ngā akoranga a Te Kura.

Ka tuku Te Kura i ngā pūrongo motukore mā te whakahoki kōrero a te kaiako me ngā kōrero whakahoki mō tō manawa ū ki ngā mahi kua tukua mai e te ākonga i te punaha matihiko a Te Kura.

Me tutuki i te ākonga ngā kawatau kia toitū te manawa ū o ia marama mō ia o ngā akoranga kua rēhitatia. Kua whakatauhia ēnei kawatau e te Manatū Mātauranga.

Ko te manawa ū a te ākonga:

• ko te tuku i tētahi mahi hei arotake mā te pouaka waihotanga o Te Kura ia marama mō ia kaupapa kua urutomo te ākonga.
• ko te kōrero ki tētahi o ō kaiako hei tohatoha, hei matapaki taunakitanga o te kokenga ki ngā mahi ako o ia marama.
• Ko te tuku taunakitanga o āu kokenga, pērā ki ngā mahi mō tō kōpaki mahi me te manawa ū ki ngā pūhara kiritoru e tukuna ana e Te Kura.

Mā te Kaiwhakarato Urungarua tētahi Pou Whakarite, Kaiwhakarite rānei e kopoua. (kaitiaki, kaimanaaki) Ka tū hei takawaenga, ā, me whai rawaka hoki i roto i te rā ki te whakatutuki me te kawe i ngā mahi e hāngai ana ki ngā mahi o tērā tūranga. Mā Te Kura e tuku Kairuruku Hononga. Ko tāna he mahitahi, he tautoko hoki i ngā Kaiwhakarato Urungarua haukāinga.

E kaha ana a Te Kura kia matua noho mai he Kairuruku Hononga o Te Aka Taumatua ki te tautoko i ngā Kura ā-iwi, ngā Kura Kaupapa, ngā Wharekura tae atu ki ngā Kaiwhakarato Urungarua e whai ana i ngā mahi reorua me ngā wāhanga rumaki anō hoki.

Me whakawhiwhi te hunga katoa e mahi tahi ana, e tautoko ana hoki i ngā ākonga urungarua kia āhei ki tēnei DPPA.

Kei roto i tēnei ko te Tumuaki, Te Tautapa a te Tumuaki, ngā Pou Whakarite, ngā kaiwhakarite (kaiārahi tautoko, ngā kaitirotiro, ngā kaimahi), ngā kaiako, me ngā mātua, ngā kaitiaki rānei — engari kāore e herea ki ēnei anake.